حوار ساخن بين الشباب والبنات

في مجتمعنا صحيح في تمييز بين الشب والبنت
بس مش دائما التمييز بيكون بان غلطة الشب ماشية وغلطة البنت جريمة
طبعا في اغلاط الواحد ما بيقدر يتغاضى عنها يعني بتكون اخطاء فادحة ممكن تسبب مشاكل للعيلة يعني على مستوى
مشان هيك الناس بلشو يتفهمو ان في الغلط ما في فرق بين الشب والبنت
ومع هيك اذا حصل وصار غلط طبعا لما يكون من الشب مش زي من البنت
لان بيحكيلك السب ما بيعيبو شي يعني شو ما عمل بيضل شب وببينتسى غلطو اما البيت فبيصير غلطة وصمة في سجلها طوال ما هي عايشة
طبعا امها وابوها بيجن جنونهم:مين بدو يطلع بوجهك ومين بدو يخطبك ووقفتي بوجه خواتك وراح يعنسو ع سبايبك
يعني البنت الها الغلطة بورطة بتسوء سمعة العيلة
طبعا انا مش قصدي اي اغلاط بس على فترة صارو الناس يطلعو للبنات زي ما بيحكو ع صيت امها اما هلا رجعو ينبشو ع البنت اصلها وفصلها ومع مين بتحكي ومين صاحباتها لان الاشياء هاي اذا ما كانت تمام راح تسبب مشاكل كتيرة زي ما بنشوف في الوقت الحالي هالمشاكل صايرة اكتر من الرز

طبعا في النهاية القصة مش قصة شب او بنت انما قصة ان زي ما شبق وحكيت سمعة العيلة اللي اذا بايد الشب ما في مشكلة الغلط منسي اما بايد البنت مصيبة اذا بتزل ولو بشغلة تافهة

طبعا زي مت سبق وانحكى انا في الول والخير اللي بيغلط حتى لو المجتمع سامحو رب العالمين بيحاسبو واللي بيتعاقب ظلم ما بيضيع حقو
رب العامين هو العدل وهو اللي بيحكم بالعدل




حابة اسالكم
انو شالات البنات اللي بعملوها ع الموضة كأسنمة البخت حلوة يا ترى؟؟؟؟؟؟؟؟؟؟؟؟
شو رايكم وعلى مين الحق؟

اكيد لا مو حلوه لانو اسمو حجاب مو لفت للانتباه
والحق من بعدها اكيد اهلها الي سامحين

اقتباس :

انو شالات البنات اللي بعملوها ع الموضة كأسنمة البخت حلوة يا ترى؟؟؟؟؟؟؟؟؟؟؟؟

يمكن تكوون حلوة بنظرر البنات وبعض الناس ع قولتهم (كل ممنووع مرغووب )
بس ما بدنا ننسى انو لا يدخلن الجنة ولا يشممن ريحهاا
الله يهدي الجميع
مشكوورة مي عوض الله

هل بتأيدو تعدد الزوجات ؟؟ >>>وليش
.....بالوقت الحاالي .....


طبعا السؤاال اكتر شي للشبااب
لانوو اكييد البنات ما بأيدوو ..ههه..بس فيكم تعطوو رأيكم ....

تحيااااتي

تعدد الزوجات بالشريعه الاسلاميه او بدينا موضوع كبير ما بنقدر نفتي فيه
لكن في القران النص صريح وفي شرط للزواج وفي شرط لبطلان الزواج
الشرط الاول الاققساط في اليتامى والشرط التاني اذا الانسان ما بقدر يحققو
ممنوع يتجوز وهو ( ان خفتم الا تعدلو فواحده )
ولو جينا نناقش الموضوع من ناحيه العقل
اذا كان الانسان عايش مع زوجته براحه باااااااااال وحياه سعيده
وما عندهم امراض وبيجيهم اولاد وراضي منها من كافه النواحي
وما في سبب مقنع للزواج برأيي الخاص ما في داعي يتزوج
المهم وحاليا الزواج رح يكون فيه زياده للمشاكل بين الاب والاولاد
طبعا بحكي عن الزواج الي مش عن رضى وتفاهم بالعيله
ورح تتفكك العيله ويصير مشاكل وتسيب .... والخ
فلذلك من القاعده الي بالشريعه الي بتقول
(ارتكاب اخف الضررين)
وهون ركزو معي اذا كانت ما في سبب مقنع للزواج
اخف الضررين انو الانسان ما يتزوج مره تاني
لانو لا العقل ولا الدين ولا المنطق بحلل شي متل هاد
اخر شي هاد رأيي
اكيد اذا في رأيي من الدين والشريعه او العلماء ادق
رح يكون هو الاصح

اقتباس :

من ناحيتي خخخ ما بأيد حرام عليهم بظلموا نسوانهم

هااد شي متوقع من اي بنت خخخخخ
مشكوورة ع المروور

اقتباس :

اذا كان الانسان عايش مع زوجته براحه باااااااااال وحياه سعيده
وما عندهم امراض وبيجيهم اولاد وراضي منها من كافه النواحي
وما في سبب مقنع للزواج برأيي الخاص ما في داعي يتزوج
المهم وحاليا الزواج رح يكون فيه زياده للمشاكل بين الاب والاولاد
طبعا بحكي عن الزواج الي مش عن رضى وتفاهم بالعيله
ورح تتفكك العيله ويصير مشاكل وتسيب .... والخ

نفس الكلام يللي اسمعته من شخص من فترررة وكانت اول مرة بسمع هيك راي حلوو ومقنع
من رجل وكان مقتنع بكل حرف حكااا
وكنت حاابة اعرف اذا في كمان شباب عندهم نفس الراي ,,,, والحمدلله
مشكوور اخي صمت الحجر ع الرد الواااضح والصريح

اللي عندوو راي تاني بامكانه يتفضل ....

وهلأ سؤااال تاني,,,
بالوقت الحاالي بنعرف انو شغلة العدل بين اكثرر من زوجة ما بدنا نحكي مسنحيلة بس صعبة كتيرر مش شوي ,,,
لهيك مين الافضل برايكم ...
الطلاق والزواج مرة اخرى .... ام الزوااج دوون طلاق الاولى ,,((الجمع بين نسواانه))
مع العلم انو اذا ما تحقق العدل بينهم يمكن يكوون في الموضوع حراام ومخاالفة للشرع والدين
تحياتي لكم

انا برأيي تنيناتهم صعبين ومن وجهه نظري الطلاااااق

السلام عليكم
طبعا هالموضوع صار ف بلدنا قبلان الحبيبة لما ينحكى فيه بيكون بشكل طبيييييييييعي جدا لانو صايرين كل ما واحد شال ايدو عن رجلو يحكي انا بدي اتزوج شكلها يعني صارت موضة الايام الحالية ان شاء الله بس انها تكون زي موضات العصر اللي بتخلص بفترة قصيرة ويطلعو هالرجال موضة احسن منها
طبعا انا بحكي من قهري لان الموضوع انطرح مش هباءاً منثوراً انما لانو في اخر فترة كتير سمعنا فلان تزوج ع مرتو او فلان خطب او طلب وهو عندو زوجة
طبعا اللي قاهرني مش المبدأ اللي هو انو بدو يتزوج او شي انما لاني يعني كتير من اللي اتزوجو او فكرو يتزوجو ع نسوانهم يعني عندهم ستات زي العسل ع قولة المصاروة
يعني مرتو من احسن الناس طبعا بتضل كلمة الله اعلم يعني الواحد ما بيعرف شو اللي ورا الابواب المسكرة
بس شو اللي بيخلي واحد عاش مع زوجتو عمر سواء مرتاح او مش مرتاح وفي الحقيقة بهالايام ما في حد مش مرتاح يعني قد ما يكون ما في جحيم (كمان الله اعلم ) بس هاد اللي احنا شايفينو طبعا الا في لكل قاعدة شواذ طبعا انا بحكي عن الناس العاقلين ...طيب ,شو اللي بيخليه يروح يتزوج وحدة ما بيعرفها ولسة بدو يتعود عليها بعد ما صار الو نظام حياة معين تعود عليه وصار اشي من كيانو يعني مش خايف تكون هاللي بدو يتزوجها متعودة على حياة لا تشبه نظامو ولا باي شكل من الاشكال طبعا بهالحالة الله يعينو ويعينها يعني انتو عندكم الباقي لهالحالة
طيب........
هاللي مش مرتاح مع مرتو
ومفكر وناوي يتزوج عليها
اكيد لما يبلش يفكر بالموضوع راح تنقلب حياتهم لجحيم والعياذ بالله لانو ما في ست بتعرف انو زوجها بيفكر بوحدة غيرها او يرتبط بغيرها حتى لو كان اسوأ انسان في الكون كلو وبيعاملها اسوأ معاملة وبيضل عقلها براسها ... يعني كلكم بتعرفو النسوان وغيرتهن وعقولهن الحبة في بعض الاحيان
لانو لو مني منها (بعيد الشر بعيد الشر)ولا بسأل... مش لاني جبارة او عقلي بيوزن بلد لا...بس لانو في مقولة بتحكي اللي باعك بيعو يعني شو بيكون شكلها وهي قاتلة حالها عليه وهو مش سائل عنها ؟؟؟؟؟؟؟ اصلا حتى لو هون عن الفكرة بيصير كل ما دق الكوز بالجرة يحكيلها بدي اتزوج يعني بيمسكها من ايدها اللي بتوجعا
طبعا انا بعدت عن اللي كنت بدي احكيه اللي هو.........هالرجل اللي بيفكر يتزوج زي ما سبق وحكيت انجن وسواها وراح طلب والجماعة وافقو وكان الله بالسر عليم واجت العروس وزغرودة واهلا وسهلا ويا عسل ويا حلو ويا قمر...................................الى اخره ومن حكي المضروبين على قلبهموبيعيشو بعسل وخلافو
طيب انت يا رجل يا زوء في حال انك متغلب مع زوجتك وهي مش منيحة(بحكي على فرض) يعني عمرك حكيتلها كلمتين من الحكي اللي غرقت فيه زوجتك الجديدة وشفت شو راح يصير بحياتكم؟؟؟؟؟؟؟؟؟؟؟ حتى لو صار عندك مليون ولد راح يضل التاثير موجود لانو النسوان رئيئين وبدهم رئّة ف التعامل والحكي وطبعا ما في حد غشيم وما بيعرف يحكي
يعني ما بيصير الرجال يحكي هي اللي لازم تتغير وتصير زي ما بدي انت بتقدر تغير ف اي انسان بطريقتك ومعاملتك لا تحكي هي عاطلة ومش منيحة وخلص لا لازم تحاول تغير فيها قد ما تقدر لانو الزواج مش لعبة ويمكن الست تطلب الطلاق شو راح يصير فاولادكم؟يعني بيدخل هون موضوع الانانية ما في اشي اسمو انا حر. لا مش حر من يوم ما صار عندك اولاد بديش احكي زوجة لانو في ناس بيعتبروها زي اشي من الاشياء الجانبية فالبيت وهاد طبعا غلط يا سيدي مشان اولادك بعدين ما في حد مستقيم مية بالمية طبعا ما ننسى حديث الرسول الرسول صلى الله عليه وسلم "استوصوا بالنساء خيرا فان المراة خلقت من ضلع اعوج لو اتيت تقومه كسرته واذا تركته لم يزل اعوج "وطبعا هالضلع الاعوج هو واحد من صدر الرجل وكل انسان خلق وخلقت زوجته من ضلعو زي ما بنعرف مكتوبة على اسمو من لما نفخت فيه الروح يعني ما في مفر
يا سيدي اذا ما انعدل حال بنت هالناس ساعتها يجيلي وانا بخطبلو
بس علي ما علي اذا ما بيرجعو عرسان تعالو راجعوني


شغلة تانية
هل فحياتو هالرجل فكر ليش العصمة بايدو مش بايد زوجتو؟؟؟
الجواب
لانو الستات زي ما بنعرف متسرعات بقراراتهن يعني من اول طوشة بتحكيلو انت طالق بالتلاتة, هو يعني في حياتنا بتحكيلو طلقني بس لو العصمة بايدها ما بتوخد مشورتو على طول وبلا تردد
بتسالوني شو مناسبة هالحكي
احكيلكم
لانو في موضوع الزواج لازم يكون في تاني وتفكير وطولة بال اللي المفروض يكونن عند الرجل يعني لازم يفكر بالشغلة من جمييييييييييع الجهات
يعني من ناحية عيلتو شو بدو يصير فيها؟:
مرتو تطلق,اولادو يصيعو,بناتو ما حد بيتقدملهن(99% اذا مش نسبة اعلى),امو السيكينة الا اذا بتكره مرتو هههها
ولكم بتصدقو
لاوم يفكر بسمعة البلد
والله والله والله اني بامتحانات الفصل اللي فات رحت عالجامعة شفت صاحبتي ومعها صاحبتها ولا بتحكيلي من وين انتي بحكيلها من قبلان بتحكيلي مش معقول بحكيلها ليه بتحكيلي اهل قبلان مش هيك بحكيلها شو يعني انا الغلط ولا اهل قبلان بتحكيلي لالالالالالالا مش انتي اهل البلد طبعا انا طلع الدم لراسي وكنت بدي اصور قتيل يومها بس طولت بالي ..... لا بمزح بس جد زعلت منها بحكيلها ليه شو عاملينلك اهل قبلان ومن وين وكيف بتحكمي عليهم اصلا بتحكيلي انا طلبني واحد من قبلان وما وافقت طبعا بغقلي حكيتلها حيانة فيكي اهل قبلان المهم بحكيلها ليش مالو العريس بتحكيلي اولا كاين متزوج ( مش متذكرة حكتلي مطلق او زوجتو ميته)المهم بحكيلها وثانيا بتحكيلي اهل قبلان متوحشين وبيتزوجو على نسوانه
شايفين هالسمعة اللي لبست اهل بلدنا يعني جد لا حول ولا قوة الا بالله العلى العظيم


يعني والله انا بلشت احكي ومش عارفة انهي
يعني الواحد لازم يحط عقلو ف راسو ويتعلم من اللي قبلو يروح لاي واحد متزوج تنتين ويسالو ويشوف ويتعلم

على كل حال الله يهدي البال ويهدي امة محمد ويهدي ارجال والستات لطولة البال والتفاهم والعقل الراجح


اه صحيح
في جملة في التعليقات اللي سبقت لفتت انتباهي الللي هي
ممنوع يتزوج اذا ما قدر يعدل
طبعا هالحكي مزبوط يعني مش ممنوع بس مش مستحب من المشاكل اللي راح تصير
طبعا انا تعليقي مش هون بس انو بشو العدل
العدل بيكون بالاشياء المادية
يعني الماك والمشرب والمسكن واللاشياء المشابه يعني لو اشترى للتانية عود اسنان لازم يشتري للاولى عود اسنان من نفس النوعية على سبيل المثال
اما انكم تحكولي بحكي مع وحدة غير عن التاني يعني هاد الله اعلم ما بيدخل بشغلة العدل طبعا ما بحكيلكم انو يهينها او يصغرها
لانو اذا بدو يحكي معهن التنتين نفس الشي ما كان تزوج ع الاولى!!!!!!!!!!!!!!!!!!!!!!!!!!!!!!!!
الرسول صلى الله عليه وسلم وهو نبي الامة وسيد رجالها كان عندو اكتر من زوجة وتذكرو هو النبي المصطفى كان يعدل بين كل زوجاتو بكل شي لكنه رجل وكان يضل يدعي رب العالمين دعاء اسفة اني مش متذكة نصو لكن فيما معناه انو يدعو الله ان لا يحاسبو على حب واحدة من زوجاتو اكتر من التانيه يعني بشغلات القلب"فيما تملك ولا املك"طبعا كلنا بنعرف انو زوجتو الحبيبة كانت عائشة يعني الخلاصة انو التمييز بالمعاملة لا يعتبر من الاشياء اللي ملزم يعدل فيهن لانو القلب وما يريد


اكيد زهقتو من طول ردي يكون ف علمكم لسة عندي حكي كتير بالموضوع ما خلصت................

طبعا بعد هالحكي المطول اكيد اكتشفتو رايي بالموضوع





اكيد ما بايد
شكرا لتحملكم

اقتباس :

اكيد زهقتو من طول ردي يكون ف علمكم لسة عندي حكي كتير بالموضوع ما خلصت................

والله قرأت كل المجلد وماا زهقت ...واذا عنك كمان اكتبي ولا يهمك ...بنسمعلك
حكيك كله منطقي وواقعي
ومن ناحيتي ما عليه تعليق
تحياتي الك

اول شي حابه اتشكر الاخت مي

بس ياريت ما تطولو بالموضوع الواحد

عشان يكون في مجال لمواضيع تاني

حاضرين ولا يهمك
وشكرا لشكرك

اقتباس :

الاية الكريمة الاولى فسوررة الطلاق بتحكي بما معناها

في سورة النساائ

اقتباس :

وبتقدرو ما تآمنو بحكيي وتروحو لتفسير القرآن على سورة الطلاق الاية الاولى وتشوفو الحكي بعينكم

تأمنولوش وتروحو ع سوورة الطلاق. .. روحو ع سوورة النساائ الاية 3يمكن ....ااو اي سورة غيرها اذا في...

اقتباس :

والله يهدي الجميع ويعين هالناس على بعضها

اللهم آاااااااااامين
اجمل التحاااااااااايا لكم,,,