حوار ساخن بين الشباب والبنات

اقتباس :

وبتشكر حاقده وبعتذر ع ردي
لانها استفزتني صراحه
لما حكت نظره فاشله

العفو...
ليش استفزيتك ؟؟؟ هادا رأيي وأنا حره في
ومقتنعه في ولحد هلا برجع وبعدلك انها فاشله
ولا بتعذري ولا ع بالك كل واحد رايو احنا هون بنقاش
الا ما يكون في مع وضد في الموضوع
مشكورة بنوته

بدي اسمع رأي الشباب

اقتباس :

والله ممكن
طبعاا بشروط
الاول اذا ما بتحكي معي أي شخص غيري
والتاني تكون ذات أخلاق وذوق رفيع
والثالث تكون بنت نآس

والسؤال الثاني
طبعاا ممكن أثق فيهاا
لأنوو انا متزوجهاا وعارف كل شي عنهااا
يعني متل انو ما بتحكي مع حداا
وكمان انا بعطيها كل شي
متل الحنان والحب والطمئنينة ومكل شي مشان أكسب منهاا بردوو متل ما انا بعطيهاا
والبنت ما دآم حبت بجد عمرهااا ما بتخون ولا راح تفكر تخون

كتير حلوووو رأيك
مشكور

انا جيت هسا
شكلو كاين في نقااااش كبير وحامي

مش قادر الملم الموضوع ....حاس حالي جاي في الحلقة الاخير من المسلسل

شو رأيكم نغير الموضوع وأسال سؤال.....

ليش بنشوف خاصة في النقاش الحاد ......ومواضيع الاسئلة الكثيرة

اللي بنطرحها ........هروووووب من الحب ...ونفووور

والكل يوم ينسأل عنو بجاوب في طريقة ناشفة ما بتليق في القيمة الجمالية والنفسية والأدبية لهاد الموضوع او الكلمة الكبيرة

مع انو ...انا ثلثين متاكد انو الكل في داخلو ...ببحث عن الحب بدور عليه في أغنية في صورة في فيلم في قصة في كلمات كثيرة بنخربشها عكتبنا ودفاترنا .....لشكل ابتسامتنا ...الخ الخ الخ

بتمنى نقاش وآراء واعية في الموضوع

اقتباس :

يوم من الأيام كانت فتاة تجري خلف رجل ،،فألتفت لها و سآلها عن السبب،،
قالت الفتاة : لقد رأيت فيك جمال وروعه، ورجوله جذابه، وعقل متزن، وثقل
طبيعي ، وذكاء فذ لقد أحببتك فابتسم وقآل لها : انظري خلفك صديقي موجود،
انه أفضل مني بكل شي،، فألتفتت ولم تجد أحد ،، فسألته : أين هو ؟ لا يوجد

ممممم عجبتني كتـــــــير أكتر ما تتصور
كلو هيك بهالزمن .... عجيب!!!!!!!!

أهلا وسهلا بكرة أحلى...

اقتباس :

ليش بنشوف خاصة في النقاش الحاد ......ومواضيع الاسئلة الكثيرة
اللي بنطرحها ........هروووووب من الحب ...ونفووور

يمكن لأنا في قبلان....مفاهيمهم ممنوع وهاد الحكي ما بصير في بلدنا
عيب ومش عارفه ئيش ... اكيد مو عيب لما نكون ناقش وعارفين حدودنا مو؟؟
اي حد بيشوف موضوع عن الحب او هيك....
بحس الكل بتجنبو يدخلوا ع الموضوع مع انو
انو الأغلب في عندو قصه...((اسرار القلوب))

ما في أحلا من الحب بس طبعا في حدود يكون حب شريف
الحب بطهر النفوس وبعليها وبغير حيات الانسان بخليها احلى
ما بحكي عن حب بلا أساس بحكي عن حب مبني ع أساس صادق

حاولو تفتكو من العقد الى بتخليكم تبعدو عن هيك مواضيع
لانو صارت كل هالمواضيع بحياتنا
لازم تتعلمو لانو انا متاكده كلكم رح تعيشو هالمشاعر... الواحد بيتعلم اشياء
لما يكون يشارك بهيك مواضيع .....

شكراً بكرة أحلى ع السؤال الى محيرني
بدي أشوف أرآء الأعضاء
وجهة نظري تقبلوها

اقتباس :

ليش بنشوف خاصة في النقاش الحاد ......ومواضيع الاسئلة الكثيرة
اللي بنطرحها ........هروووووب من الحب ...ونفووور

مع احترامي اي حب الي بتحكو عليه
حب شب لبنت بعدين يا يرميها يا يمن عليها وياخدها ويندم
ولا حب الخطيب لخطيبته حب الزوج لزوجته حب الاه حب الاصدقاء
كمان هاي مفاهيم للحب مش بس حب واحد بالشارع ولا بمنتدى
يعني لحتى نطور من حالنا لازم تصير عنا الحياه شوربه
شو رايكم يا جماعه جد بدنا ردود واراء

أنا أريد أن أعطي نصيحة وليس رأيا :

يقول تعالى " فمن كان يرجو لقاء ربه فليعمل عملاً صالحا ...... "
الأصل في كل واحد فينا قبل أن يقدم على عمل ما أن يزنه بميزان الدين والشرع ، فإذا وافق الشرع يفعله وإذا خالف يبتعد عنه ، ثم علينا أن ننظر في عواقب الأمور هل هي في صالحنا ؟ أم ستنقلب علينا ؟ وهذا يتطلب تغليب العقل على العاطفة في الحكم على الأمور حتى لا يجد الإنسان نفسه غارقا في مستنقع ليس من السهل الخروج منه ............
اللهم اهدنا إلى أحسن الأخلاق واصرف عنا سيّئها وثبتنا على الإيمان يا رب العالمين ، اللهم احفظ شباب المسلمين واحفظ بنات المسلمين من كل سوء ، اللهم آمين .

اقتباس :

ولا حب الخطيب لخطيبته

مش لهدرجه بنوتة فلسطين زودتيها.....

اقتباس :

اللهم اهدنا إلى أحسن الأخلاق واصرف عنا سيّئها وثبتنا على الإيمان يا رب العالمين ، اللهم احفظ شباب المسلمين واحفظ بنات المسلمين من كل سوء ،

اللهم امين



الحب لازم يكوون في حدووود وبعيد عن كل اشي من الغلط والاسلام ماحرم الحب الاسلام ضبط القوواعد اللي بتخلي الانسان مايوصل لطريق الغلط اما لما الانسان يعرف حدوودوو بتكون الدنيا بخير


مشكوورين

سيدة الاجفان ما فهمتي قصدي
ومش نفس ما فكرتي اكيد الحب
اشي كبير وكتير حلو بس لما ينحط بمكانو
انا الحب الي ضدو حب شب لبنت او حتى يحكي معها حكي بدون
رابطة خطوبه او زواج

اقتباس :

مع احترامي اي حب الي بتحكو عليه
حب شب لبنت بعدين يا يرميها يا يمن عليها وياخدها ويندم
ولا حب الخطيب لخطيبته حب الزوج لزوجته حب الاه حب الاصدقاء
كمان هاي مفاهيم للحب مش بس حب واحد بالشارع ولا بمنتدى
يعني لحتى نطور من حالنا لازم تصير عنا الحياه شوربه
شو رايكم يا جماعه جد بدنا ردود واراء

مشكوره بنوتة .......واسمحيلي اسألك عن أي شوربه بتحكي؟؟؟..
لما البنت تحفظ أخلاقها وتكون مؤدبه وتكون انسانه ((يعني عندها مشاعر)) احكيلي شو الغلط بالموضوع..؟؟ لما يكون كل اشي بحدوود وهي بتعرف تتصرف ...بحكيش عن بنت ع نياتها وطفله بحكي عن بنت لازم تفهم الحياه بكل اشي وين الغلط وتقدر تميز وتنتقي ألونها بأيدها طبعا لاسمح الله مافي غلط بالموضوع ونفس الشي الشب

اقتباس :

ولا حب الخطيب لخطيبته

وهاي الشغلي بترجع للثقه وطبعا هاد رأيك انتي وأكيد حره في

اقتباس :

الأصل في كل واحد فينا قبل أن يقدم على عمل ما أن يزنه بميزان الدين والشرع ، فإذا وافق الشرع يفعله وإذا خالف يبتعد عنه ، ثم علينا أن ننظر في عواقب الأمور هل هي في صالحنا ؟ أم ستنقلب علينا ؟ وهذا يتطلب تغليب العقل على العاطفة في الحكم على الأمور حتى لا يجد الإنسان نفسه غارقا في مستنقع ليس من السهل الخروج منه ............

مشكور أستاذ الكلام كثير مفيد ورائع
احنا بالاسلام دينا دين الوسطيه وأكيد مش متعصب ابدا الحمد لله على كل اشي وطبعا استاذ زي ماحكيت انه الانسان بيقدر يقدر الموقف اللي واقع في وبيقدر يميز وين مصلحتو وطبعا لازم يحط ببالو رب العالمين وطول ما الانسان ماشي صح ربنا موفقوووو وحامي ومافي انسان مابيغلط بس الهدف انه نتعلم من اغلاطنا ونقدر نفهم الحياه مانخلي الحيا ه تفهمنا


مشكوور استاذ

اقتباس :

الحب لازم يكوون في حدووود وبعيد عن كل اشي من الغلط والاسلام ماحرم الحب الاسلام ضبط القوواعد اللي بتخلي الانسان مايوصل لطريق الغلط اما لما الانسان يعرف حدوودوو بتكون الدنيا بخير

طبعا كلامك موزون مشكووره سيده

اقتباس :

وبعدين ليش احنا بنربط الحب في هيك شغلات ....هاد كلو بحمل نتائج كثير سيئة وبفسد الاخلاق وبثير الشهوات
وبنتقل الحب من صفتو الحقيقية اللي هي صفة جوهرية ..لأشي ملموس ممنوع يكون الا في رباط مقدس
اللي هو الزواج وهو نهاية الحب الصادق
انا حكيت عن الحب ...كمشاعر وطهر وأمان وأمل

كأنه في ناس دخلت عالحب وشوهو صوورتو الحقيقه وقلبوو مفايهمو للهدف اللي ببالهم وأكيد الحب مش هيك ولا من هاد النوع أبدا لانو الحب مشاعر وطهر وأمان وأمل زي ماتفضلت


وجهة نظري...

خلونا من الحب وكل واحد بيفهمو على كيفو
شو رايكم بمستوى طلاب وطالابات التوجيهي بقبلان
يعني نسبة الرسوب وبرايكم ليش؟؟

اقتباس :

لانو مافي الا تنين نجحو وبنسب قليله

هاد من صف الادبي الشباب بس 2 اللي نجحو !!

اما البنات ما شا الله في معدلات منيحه

سواء ادبي او علمي




بس برضو المعدلات لازم كانت احـسن من هيك





,وهاي النتائج كآآآمله


نتائج التوجيهي

اذا سمحتولي حابة اعلق ع موضوع الشب والبنت
يعني انا بروح ع الجامعة وبشوف شباب وبنات وجد المحترم بيبين واللي غير هيك كمان بيبين طبعا الشغلة واضحة
بس انو لما يكون شب وبنت قاعدين مع بعض وبيحكو مع بعض جد شي مش حضاري مع انو للاسف كتير من الشباب والبنات بيعتبرو انو هالشغلة من مظاهر التطور والحضارة
انا من جهتي بعتبرها عكس هيك تماما اتمنى انكم تتحملوني
يعني البنت لما تقعد مع الشب وتحكي يعني قعدة بريئة وزملاء
يعني ارجعو للدين الاسلامي في هيك شي
الرسول صلى الله عليه وسلم منع الاختلاط الا للضرورة لدراسة وتعلم والغلات الملحة وبوجود محارم
اما انو يحكيلي بيحبها وبتحبو وبدو يتزوجها يعني عفوا البنت اللي بتسمح لحالها انها تحكي مع شب من غير ضرورة يعني ما بعرف شو بيكون هدفها
حتى لو وعدها بالزواج وغيرو كيف بتضمن انو ما يكون بيضحك عليها وشو بيكون موقفها لو انو هالشب كان محترم زيادة عن اللزوم وحكى عنها شي صار وشي ما صار شو بدها تعمل وكتير من الناس شافوها معو ,بالجامعة متلا .كيف بدها تدافع عن نفسها ساعتها
خاصة ان في مجتمعنا البنت دائما هي اللي عليها الحق بكل شي
يعني بيحكو لو ما هي اعطتو عين ما كان حكى معها وبعدين كتير بسمعها انا الشب ما بيتعيب بس البنت اذا انحكى عنها كلمة بيكون 99% راحت عليها
طولت كتير بالرد
بس اللي بدي اوصلو ان ما في شي ف الدين اسمو شب بيحب بنت وبيحكي معها هيك بدون رابط رسمي ولا الدين ولا العادات اللي للاسف صارت كتير نتشبه بغيرنا فيها ما بيقبلو الاختلاط غير المشروع وحكي الشب مع البنت بدون ضرورة

اقتباس :

طولت كتير بالرد

بالعكس انتي ما طولتي ولا شي

وجهة نظرك مزبوطة


وشي كتير حلوو نسمع هادا الكلام منك انتي


مشكوور كتير ليكي ولكلامك

اقتباس :

بس اللي بدي اوصلو ان ما في شي ف الدين اسمو شب بيحب
بنت وبيحكي معها هيك بدون رابط رسمي ولا الدين ولا العادات اللي للاسف
صارت كتير نتشبه بغيرنا فيها ما بيقبلو الاختلاط غير المشروع وحكي الشب مع
البنت بدون ضرورة

طيب هلأ انتي شايفة انوو كل شب بيحكي مع بنت في الجامعة بكون بيحكي معهاا في هيك كلام يعني الحب وما شابه


يعني الحب هاي كلمة مو سهلة

سهلة بتكون عند االناس الي ما بتقدر ولا بتحترم شي أسموو حب


الحب صحيح انوو في كتير وكبشة كمان من الشباب والبنات نيتهم ما بتكون صافية


بس طبعاا مو كل أصابعك واحد

وانا ما بدي أحكي عن الحب كتير


بس أنتي جمعتي بين الكل
يعني حكيتي بتشوفي الشباب والبنات قآعدين

طيب الواحد ما بيعرف شو الي بينهم غير ربنااا

يعني

ممكن يكونوو بحكوو متل ما انتي بتحكي انهم بحكوو في الحب وهيك شي



بس ممكن كمآن يكونو بحكوو في العلم وومكن يكونو بيحكوو في الدراسة


والرسول حكى هيك يعني عن العلم ومآ شآبه به



وفي الختآم أشكرك كل الشكر على وجهة نظرك



وأشكرك مرة أخرى

وأرجووو ان تتقبلي ردي بكل صرح وأننشراااااح



لكي مني كل الود والأحترام مي عوض الله

كلامك واضح
بس في شغلة ان لما الرسول صلى الله عليه وسلم اباح الاختلاط لطلب العلم اباحه في جماعة مش كيف ما كان يعني العلم المفروض يكون في صفوف ومجالس فيها الاستاذ والطلاب وف حضرة ناس تانيين
يعني المفروض البنت ما تسمح لحاها انا اي انسان يوجهلها انتقاد مهما كان السبب ومهما كانت طبيعة الانتقاد يعني زي ما حكيت ان الشب شو ما يعمل ما حد بيحكي عليه زي لما البنت تعمل اي شي ولو كان الشي بسيط جدا ومش يعني اذا كان هالشي هو المنتشر انو يكون الصح لا كل انسان لازم يتحاسب على اخطاؤه سواء كان شب او بنت يعني ف النهاية الناس كلهم سواسية عند رب العالمين الا ف الاشياء اللي فضل فيها ربنا ناس على غيرهم
وزي ما الكل بيعرف ان الدين لما حرم الاختلاط كان بهدف منع انتشار الفساد بين الناس واللي للاسف انتشر كتير بين الناس
يمكن ما وصل لعنا بس يعني كتير انتشر بين المجتمعات وزي ما بنعرف ان كل خطأ بيبدا بشغلة بسيطة والشيطان شاطر
ويعني انا بحكي هيك من القهر لاني لما اروح ع الجامعة بشوف بنات قاعدين مع شباب يعني والله هالشغلة بتقهر مهما كان الموضوع اللي بيحكو فيه بس يعني بصراحة اي حد بيشوف هيك راح يحكي ع البنت قبل الشب لانو فديننا ومجتمعنا هاد الشي غلط وممقوت
فليش الواحد يخلي نفسو بموضع انتقاد وشك من قبل الناس اللي حواليه ويكسب ذنوب بنفس الوقت
فالاولى ان الانسان يبتعد عن الاشياء اللي بتخليه بموضع مساءلة ولا ينام بين القبور ولا يشوف منامات وحشة
صحيح قبل ما انهي
حد منكم بيتوقع ان البنت اللي بتحكي مع هالشب فاي مكان بيكون اهلها عارفين بالموضوع ؟
ولو مش عارفين ,ايش بتتوقعو يصير لو اخو هالبنت يظهر فجأة ويشوف اختو شو بتعمل؟
واللي بيعرف بالامر,مش هو اللي حكى عنه الرسول الكريم صلى الله عليه وسلم الديوث؟
والبنت نفسها لما هالشب يصير مجرد شخص عبر ف حياتها وفجاة تعرف ع وحدة غيرها وسابها ايش بدو يصير فيها
اولا بمشاعرها والقلب الكسير وتوابعو وبتوقع لو كانت جدية ف اللي بتعملو اكيد راح تكره كل الرجال وتحقد عليهم اذا كانت كبيرة عقل يمكن اول واحد يتقدملها ما بتعرف قرعة ابوه من وين توافق عليه وتجني ع حالها
طيب من الاساس ليش ما تخليها ف حالها وتتجنب كل هالشي
وبعدين المعروف ان البنات اكتر من الشباب ف المجتمع ما تتعرف ع بنت احسنلها منو يصيرلها صاحبة جديدة ومنو البنت دايما بتوخد راحتها مع البنت اللي زيها اكتر
ولا لا
ولا البنات هلا صارو ما بينفعو
والشب بالمقابل ما اظن انو بيقبل انو يشوف اختو قاعدة مع شب لو بيقرأوا قرآن ولا لا يا شباب
فليش يقبل على بنات الناس والمعروف زي ما حكى ابو عصام الله يسهل عليه ان الواحد المفروض بيخاف ع بنات الناس قبل بناتو واخواتو

ان شاء الله اني ما اكون ثقلت بحكيي
والله يستر على الناس جميعهم
ويهدي البنات والشباب
امين

وشكرا لمسات على التعقيب

انا قرأت كل الموضووع من اول لاخره وبصرااحة ما في رد اقتنعت فيه بالشكل الكامل ""والكمال لله""
الا رد مي عوض الله
حكيك مي مزبووط مية بالمية وما عليه اشي
وبتمنى لو يكوون عند الكل زي نظرتك لها الموضووع الحساس
مشكوورة كتيرر كتيرر و

بما انكم فاتحين موضوع التوجيهي والدراسة
عندي سؤال
طبعا الكل بيعرف انو نسبة النجاح عند البنات اكبر من الاولاد
طبعا مش شوفة حاال لاسمح الله ,,,بس هي صاارت كائنها حقيقة وواقع


مع العلم انو درجة الاستيعااب عند الذكوور اكبر من عند الاناث""اثبتوها علميا""
فبدنا نعرف الاسباااب لنلاقي حلوول للاجيال التانية
,,
فخلونا نناقش اسباب هاي الحالة,,,

العفو جيانتي شكرا كتير الك
والله يهدي البال