لغة الشباب للجميع مهم

لغة الشباب :
حبيبتي لا تهكلي همي طلعي مع رفقاتك اليوم
(ما صرلنا يومين مرافقين بكرة بتشوفي)
أنا ما دخلني عملي اللي بدك اياه
(استرجي تعملي غير اللي قلتلك عليه)
مالي علاقة روحي لوين ما بدك
(استرجي تطلعي من باب البيت)
تأكدت طلعتك المسا مع رفقاتك؟
(لكان لاخترع طلعة معي من تحت أضافيري و افقسلك طلعتك)
أكتر شي حبيتو فيكي طيبة قلبك
شو هالجسم الخزيء
كأنو رفيقتك سبور كتير؟!!!!
(كلا اسبوع و بمنعك تحكي معا)
حبيبتي كانو موبايلك برن كتير
(غيري رقمك قبل ما انا غيرلك ياه)
ورجيني شو نوع موبايلك هاد النوكيا الجديد؟؟
(حفليلك اللوغ رقم رقم واسم اسم)
حلو لون شعرك الجديد بس الطبيعي أحلى
(الله يكسر ايديكي على هالصبغة طالعة متل الرقاصة)
أنا متقبل انو الك علاقات سابقة هاد حقك الطبيعي
(مستحيل فكر فيكي بشكل جدي ورح ضل هتك بماضيكي)
ما بعرف ليش انا مشلوش من طلعتك اليوم الصبح ما عم تفوت بمخي
(بدي اتمشكل و اخترع خناقة و انزعلك مساكي)
كانو مو أول مرة بتجي على هالمحل؟!!!!
(يخرب بيتك شو كاينة دايرة على حل شعرك قبل ما أعرفك)
كانو هالكنزة صغيرة عليكي
(بكسر ايديكي ازا بشوفك لابستيا مرة تانية)
ورجيني كأنو بنطلونك جديد
(يا ويلك ازا بتكوني نازلة عالسوق ومو قايلتيلي)
شفتي الشب اللي مر بالسيارة السودة هاد رفيقي اللي حكيتلك عنو
(لامر ولا شي بدي اتاكد ازا كنتي عم تبصبصي عالشباب بالسيارات)
كربوج رفيقي ما؟؟
(بدي شيل عيونك ازا قلتي اي)
قال رفقاتي شايفينك من كم يوم بالشعلان
(رفقاتي ما بيعرفو كيف شكلك بس بدي زلقك)

الشب ما بعيبو جمالو
(بعرف حالي متل القرد بس استرجي هتيني)
نحنا مجتمع شرقي الشب غير البنت
(أنا بعمل اللي بدي اياه وانتي بتسمعي كلمتي و بتنضبي بالبيت)
انتي ليش حاطة حواجز بيناتنا شو لسة ما وثقتي فيني؟
(تلحلحي نشفتيلي قلبي يا حـيـط)
خلينا نطلع نتمشى طائة روحي من المطاعم
(الدنيي آخر شهر و مفلس ما معي اخدك تتزهرمي)
ييييييي نسيت جزداني بالسيارة
(استحي على دمك حاجتي اصرف عليكي)
متخانق مع اهلي مشانك وعم نام عند رفيقي
(حطي ببالك من اليوم ورايح بدك تصرفي عليي)
أنا ما بؤمن بالفلنتاين كل يوم عندي هو عيد حب معك
(يعني ازا بدك تجيبيلي هدية جيبيلي بس لا تحلمي انا جبلك)
رفيقتي القديمة كانت حتنتحر بس قلعتا
(قلعتني و مسحت بكرامتي الارض ومتت لارجعلا)
إمي حستك قوية
(امي ما طاقتك و عم تدورلي على عروس وانا ما بتنيلا كلمة)
حبيبتي ليش كل ما بحاكيكي بتندهلك امك؟
(يقطع عمرا إمك شو قوية و شاضومة و قارحة)
انا اللي بدي اخدا بدا تكون قنوعة و عينا شبعانة
(أنا شحاد و ما معي آكل)
حبيبتي حاكيني بسرعة خلص شحن موبايلي
(طالع مع ضرب جديدة عم زبطا وحاقفل موبايلي)
انا حاسس انك متغيرة و ماعم تحسي فيني متل قبل
(أنا عم خونك وعم اتحجج لنترك)
نحنا التنين متوترين خلينا نبعد عن بعض فترة نفكر فيا منيح
(أنا مليت منك وما بدي اتركك قبل ما دور على وحدة جديدة)
ديري بالك على حالك وتاكدي اني عنجد حبيتك و مستحيل انساكي وبتمنى الك كل خير
(عم طيب خاطرك بعد ما هنتك و خنتك و قلعتك)

أبدعت,,,,,
,,,,,,,وتألقت
سلمت لنا يمناك على كل حرف خطته,,,
,,,,,,على كل كلمة رسمتها
عذرا,, لتقبل عباراتي المتواضعة,,,
فلم اجد الحروف التي تليق بسمو قلمك ,,
,,,,التي قد تلملم ردا يناسب روعة ما قدمته
لك ودي وجل تقديري,,

موضوعفي غاية الروعة
ثانكس تقبلي مروري البسيط

يسلمو حلو كثير مرورك

اقتباس :

ديري بالك على حالك وتاكدي اني عنجد حبيتك و مستحيل انساكي وبتمنى الك كل خير
(عم طيب خاطرك بعد ما هنتك و خنتك و قلعتك)

خخخخخخخخخخخخخ
هاي لغتكون يا حجة مش لغتنا هع
مشكورة فيها اشي حلو الفكرة
تابعي

عذرا منك عزيزتي
غير اني احب الصراحة
ولو كان هدفك الترويح عن النفس
فليس هنا مكانه
ما الفائدة من مثل هكذا تداول
هي لغتة شبابية
غير انه ليس من الحكمة نشرها
نسعى لرفع السوية اللفظية لدى شبابنا لا الى تكريسها
عذر ا عزيزتي

اشكرك لحسن تقبلك لكلامي
حبا فيكم يا جيل ارى فيه الكثير

دمت بخير

اقتباس :: هاي لغتكون يا حجة مش لغتنا هع

بلا بلا ههه
شكرا عالمرور

وشام
يسلمو كلام روعه

يسلمو بطة الموضوووع كتير حلوو

ايديكي انتي الحلوة
يسلمو عالرد

يسلمو الموضوع حلوههههههههههههههه
وبيضحك كمان شو هالشب هاد

ههههههههه
يسلمو عالرد