مرحبا .........
الموضوع اللي بدي افتحوا .............
يمكن اللي خلاني اكتب فيه وافتح حلقة نقاش مع انكم مع كل احترامي دابين عالترفيهي كا انو في جوائز هناك ..........
يا احلى اعضاء ما تزعلوا من بكرة احلى ... بس بصراحة وضعكم ما بعكس جيل مثقف مسؤول واعي
ما بعكس اهتمامات ثقافية .....ما بعكس شباب بتميز بالعطاء والذوق الرفيع بالعطاء
يمكن كنت متردد كثير قبل ما اكتب هالحكي....ما بدي أجرح حدا منك
بس اللي بصير كالتالي.................
تواجد 99 في المية في الترفيهي
ردود ناشفة على مواضيع راقي بتستاهل انكم تعقبوا عليها وتحكوا رأيكم فيها
اعضاء بطلطلوا عالمنتدى في المناسبات دون تفعيل لأي مشاركات
اعضاء كانوا متميزين بكل معنى الكلمة ومثقفين وبقدروا يعطوا بس للأسف مطنشين وحجتم صاير المنتدى بايخ
طيب اللي بحكي صار المنتدى بايخ بقدر يغير
بنشوف عضو جديد بحرق في المشاركات وبخلط الاوراق وبمرق علينا كل فترة وتعليقو خفيف نضيف (يسلمو عالمشاركة)
بتروح عموضوع في النقاش الحاد اعط رأيك في شغلة ...بكتبلك يسلمو عالمشاركة..طيب سجل حضورك في اشي
برضو يسلمو عالمشاركة......طبعا والله مع احترامي الو ...انو ما بقرا عشو بعلق...بس كوبي وبيست
وكمان في اعضاء متميزين في الرد على المواضيع وما بتعبوا حالهم وبفتحوا موضوع ولا بجيبوا موضوع ولا بتلقى الهم اي مشاركة
مسجلة في اسمهم ..........
المنتدى الادبي وهو المنتدى اللي بيكشف عالابداع وعالمواهب ...هالايام سلامة تسلمك كلهم اكم عضو اللي بتواجدوا فيه
عضوين او ثلاث اللي بكتبوا واربعة اعضاء اللي بردوا....مع انو كان المنتدى الادبي مشرف لأبعد الحدود ...وكنت اشوف مشاركات
مميزة وابداعات رهيبة...ومنافسة بين الاعضاء في الكتابة..حسدنا حالنا....جربوا اكتبوا ..ما في مشكلة اذا كتبتوا
ما بتخسروا...حرروا اقلامكم من الجمود اللي هي فيها
حكيتلكم انا مش مشرف ولا بدي اكون مشرف انا مثلي مثل اي عضو او عضوة في المنتدى
بس ما بحب يفوتني مشاركة ولا بحب يكون في قسم ما الي مشاركات فيه
لازم كلنا نهتم بهالاشي....لأنو المنتدى بكون غير
يمكن موضوعي هاد رح يقرأوا الجميع لأني حطيت عنوان رح يشد فضولكم ..ويمكن العنوان مش ملائم للموضوع بس هيك عشان تتفضلوا هون
وكمان يمكن او تقريبا مثل ما انا شايف انو ردودكم رح تكون مختصرة في اكم عضو مهتمين ,,,,,,, ويمكن القى عضو بعد اسبوع كاتبلي
يسلمو عالمشاركة ..وانا من هون بحكيلو العفو يا عيوني بس هاي مش مشاركة هاي ..........مش عارف شو اسمها ,,بس مش مشاركة
...آخر شي ...عندي ثقة تامة بقدرتكم على العطاء والتميز لأنكم كلكم متعلمين ومثقفين ..وكمان فلسطينيين
واحنا من حكم معاناتنا في هالوطن الجريح ومن حكم تجاربنا حتى واحنا اطفال ....الوطن اكيد كان دافع النا
عشان نشوف صور غير ونحمل رسالة غير ونسعى لهدف غير ...ونحمل كلمة غير
لساتنا بنعاني..........ومستحيل ينتهي مسلسل المعاناة بهالشكل....وبالمناسبة..
انا بطلب من المدير المحترم والامشرفين الافاضل ...فتح منتدى جديد لفلسطين نحط فيه كل هموم الوطن وكل اشي الو علاقة بفلسطين
ما تزعلوا من بكرة احلى .....انتو اوعى من انكم تفهموني غلط ...والحكي اللي حكيتو متاكد انكم بتعرفوه وفاهمينو وانا والله مش احسن منكم
بس حبيت اذكركم ..وان شاء الله رح المس التغيير بنفسي اولا ومعكم
آخر اشي حبيت انقلكم كلمة سمعتها في فيلم اليوم حضرتو اسمو keith
كان البطل يظل يحكي
the sky is without boarders
عجبتكم صح؟؟؟؟شوفوا معناها
موضوع: اقل من 18 ممنوع تدخل 
الأحد نوفمبر 08, 2009 5:28 am
