أين انت من خدمة بلدك

اعزائي منتسبين ورواد هذا المنتدى الشبابي لقبلان احيكم بتحية قبلانية تملئها رائحة الزعتر وخبز الطابون
جئتكم اليوم في موضوع حساس ويخص الشباب بالدرجة الاولى اين انتم اعزائي الشباب من خدمة بلدكم كيف تخدمون بلدكم هل انت منتمون الى احد المؤسسات في قبلان هل انت تجتمع مع اصدقائك وتفكر كيف لي ان اقدم شيئ يخدم الشباب في قبلان فالمؤسسات الشبابية في قبلان تفتقر لعنصر الشباب وهنا اقصد الذكور والاناث لماذا وما السبب اريد ان اسمع منكم هذه الاجابة بما انكم تملكون الرئي وبادرتم في هذا المنتدى اين انتم من الرياضة ومن الثقافة الم يحن الوقت لتأسيس مؤسسة تخدم فئة الشباب في قبلان ام فقط ننتظرمن يؤسسها ونعاديها نحن .ونبدأ بأنتقادات لاذعة لمن قام عليها بصراحة اريد ارائكم من خلال الموضوع اتمنى ان يتفاعل الشباب معي في هذا الموضوع

من الاسباب التي دفعتني لكتابة هذا الموضوع هو الاتي
قمنا بالاعلان عن الترشح والانتساب الى نادي القسطل من أجل أعطاء الفرصة لشباب لقيادة النادي للأسف لم اجد اسماء شباب لا منتسبين ولا حتى مرشحين للأدارة
كذلك كنت احد اعضاء ادارة جمعية ملتقى شرق المتوسط والتي تختص في امور الشباب ولكن ليس هناك منتسبين من الشباب
هل بعتقادك الخطأ فينا نحن الشباب أم بهذه المؤسسات

هذا الموضوع لنقاش ليس للقراءة فقط

الصمت وسيلة جميلة لتعبير

بسم الله الرحمن الرحيم

أخ سامج والاخت بسمة الغد بشكركم على الرد

الان شوي انا مشغول بس اكيد الليلة راح ارد عليكم بإشي يليق بردكم الي بصراحة افرحتني

مساء الخير للجميع


أخي سامح اعجبني طريقتك في الرد على الموضوع لا اريد الاقتباس من قولك وابرهن لك كل نقطة ولكنني اريد ان اتحث معك ومع كل رواد هذا المنتدى بصراحة التامة

اولا المثل العامي الذي بدأت حديثك به وهو:"زر البندرة الفاسد بيفسد بكسة" هذا صحيح اذا لم نزله من البكسة ولكن اذا ازلنا هذا الزر من البكسة تبقى البكسة نظيفة او قد تتأثر بزر اخر ومن هنا ابدأ :
هنا فرصة لشباب ,بالنسبة لنادي, لدخول النادي وترشح للأدارة ,ويا عمي عملوا ثورة في قبلان سموها ثورة شباب وانا شخصيا معكم والي مش عاجبكم من ادارة النادي احكولي عنه وانا بوعدكم ما يرشح نفسه للأنتخابات مع هذا كله بدي على الاقل اربع شباب يرشحوا أنفسهم وتشجيع مني هناك بند بالنسبة للمرشحين يجب عليهم دفع 100 شيقل من اجل الترشح انا من هون بقول لجميع الشباب الي تحت سن 23 سنة يمكنكم الترشح فقد برسوم انتسابكم العادية وهي لطالب 20شيقل ولغير الطالب 40 شيقل وتعالوا نحطكم تحت المسؤولية ياعمي والله ما بطمح غير اني اشوف شباب عندهم روح القيادة وبصراحة روح القيادة الشخص ما بيقدر يعكسها على نفسه الا من خلال التجربة القيادية الفشل لا يعني الموت لا على العكس الاسرار على النجاح عند الروح القيادية.
ونحن العرب اليوم نواجه ثورة شباب الا تستحق قبلان من أبنائها ثورة شبابية لخدمة انفسهم بصراحة انا ما بدي الشباب يعملوا مشاريع لخدمة الناس عامة انا نفسي اشوف في هالبلد مجموعة شباب تحارب عشان حقوق الشباب يا جماعة الخير ما عنا ايشي يخدم فئة الشباب لا رياضة ناحجة ولا ثقافة ناجحة ولا عنا حتى فرقة دبكة نتباها فيها بين الناس ما عنا ايشي شبابي يذكر طيب مجلة شبابية نصيح فيها بلكي واحد سمعنا

ما بدي احكي كثير اصلا انا كثير حكي بس بصراحة اللوم على انتظاركم هبو انتفضوا وانتقدوا واحكوا ولا تخلوا حدا من شركم بس تحركوا..............
بالنسبة لموضوع المؤسسات لأصلاح ادارة اي مؤسسة لا بد من الانتساب لها بقوة وبطريقة ديمقراطية بحت يمكن لنا ان نغير اي ادارة مؤسسة وانا شخصيا مع التغيير ومع الشباب الصغار عشان يخوضوا معركة العمل العام من اجل صقل شخصيات جديدة تقود قبلان في المستقبل


لا اخفي عليكم سر نحن في قبلان نفتقد لشخصيات القيادية والشخصيات القيادية يفرزها الشخص مع المجتمع وليس الشخص ونفسه وليس المجتمع دون الشخص نفسه

بتمنى منكم انكم تقدموا وتخدموا فئة الشباب بأنفسكم على الاقل خلينا نفخر في شباب قبلان
نرجع لموضوع النادي بسؤال صدق او لا تصدق
ليس هناك اي مشتركة في النادي
ليس هناك من يرغب في ترشيح نفسه لأدارة جديدة من الهيئة الادارية
ليس هناك من بادر في التسجيل لنادي الا بزقة
ليس هناك من هو بعيد عن الرياضة انتسب
ليس هناك اي شاب قرر ان يخوض انتخابات النادي
طيب يا سامح بعد هذا كله وما بدك تلاقي بندورة فاسدة بالبكسة راح تلقى اذا ما بتسجل انت واصدقائك والعيب عندك مش في البندورة الفاسدة
انا شخصيا برفع صوتي مع صوتكم بدنا تغيير وبدنا شباب وبوعدكم بصراحة بمحفزات كثيرة اهمها

مركز الحاسوب فوق البلدية انكم تستفيدوا منه بلاش يقلب والله اعلم ايش يصير فيه
وبوعدكم بالاشتراك في ثلاث مشاريع على مستوى محاقظة نابلس
المشروع الاول الشباب والعمل
والثاني الشباب والتعليم
والثالث الشباب والصحة
هذه المشاريع يمكن لكم الاستفادة منها وهي مدعومة ويمكننا ان نشارك بها وخوض معركة التنافس بين المؤسسات على مستوى المحافظة

تحياتي لكم مرة اخرى

اشكرك اخ سامح على ردك وبتمنى اني اشوف كل اعضاء هذا المنتدى قياديين في مؤسسات الشباب في قبلاننا

اشكر الاخت حاقدة بامتياز مع تعلقي السلبي على اسمك المستعار بصراحة مش كثير اعجبني الاسم مع احترامي لإلك ولتفكيرك بس بتمنى تغيري اسمك المستعار بمتسامحة بإمتياز مالي خص صح بس انا احكيت اني كثير حكي معلش بتمنى تسامحيني

عرض خاص كمان للفتيات لتسجيل في النادي مجانا ولمدة محدودة
وبتمنى اشوف قيادات انثوية في قبلان بصراحة نفسي اشوف هالايشي على ارض الواقع

اول شي بحب اشكرك كتير اخ عماد
ع اهتمامك الكبير والواضح لقبلان وشبابها
وكلام الكل اعجبني هون جد موضوع بيستحق المتابعه
احنى بنشجعكم من بعيد لبعيد هاد الي بنقدر عليه
بتمنى جد تكون القيادات فيها روح الشباب
ليبعتو فيها الحياه والحيويه
وتطور قبلان للاحسن

وبالنسبه للتشجيع الصبايات بتمنى جد تكونو فكرتو
تنتمو للقياده او حتى اعضاء بهيك شي

لتكون قبلان ولا اروع

تحياتي للكل وبدنا اشياء تفرحنا ان شالله

قريت الحكي كلو.... كثير حلوة مشاريعك وأفكارك عماد ... وانا كثير مبسوط انو في ناس عندها الفِكر هاد.... الموضوع اني أرد عحكيك...سامح كفّى ووفّى في الرد ...
انا بحب أضيف انو في عنا خامات رائعة في الشباب والصبايا...مليان عندهم أشياء ما شافت النور لسّة
ابداعات بمختلف أنواعها...
كثير حلو انو نكون سبب في إخراج الاشيا هاي منهم

المختصر أخي عماد ... أنا رح أكون معك ..في أي اشي ...معنوياً وعمليّاً...يعني قلباً وقالباً
وعندي ثقة في نجاح المشروع ...موّفق ان شاء الله انت والجميع
وانا والله كثير بتمنى كل خير للبلد ولولادها وبناتها...

بكرة احلى