الامثال الفلسطينيه:في الجار والجاره

من أمثال الجار و الجيرة الإيجابية: الامثال الفلسطينيه:في الجار والجاره Smile

· ما بيعرف أسرارك غير ربك و جارك.

· اسأل عن الجار قبل ما تشتري الدار .

· تمنى الخير لجارك تشوفه في ديارك.

· جارك القريب لا أخوك لبعيد.

· لولا جارتي لانفرت مرارتي.

· الجار اللي بتصاحبه و تماسيه كيف تعاديه.

· رغيف برغيف و لا يبات جارك جعان.

· الجار للجار ولو جار

و يناقض هذه الأمثال ما قيل بالنسبة لجار السوء : الامثال الفلسطينيه:في الجار والجاره Frown

الامثال الفلسطينيه:في الجار والجاره Frown

· إن أبغضك جارك حول باب دارك.

· انت جار ولا كشاف أسرار.

· جار السوء ما أرداه، اللي معنا أخذه اللي معاه خباه.

· صحن جري على باب داري، لا شبع شبعني، بس المعيار جاني.

· إن حكيت للجار عيرني و إن صبرت للدهر حيرني.

· الحسد في الجيران و البغض في الأهل.

· اللي بيركن على جارته بتنفقي مرارته.

· الجيران نيران.

· دار بلا جار تسوى ألف دينار.

· برميها في الحارة و لا عطيها للجارة.

· يا جاري إنت بحالك وأنا بحالي.

· اللي بيركن على جارته بتنفقي مرارته.

هههههه أمثال حلوة كتييير

زكرتيني في مثل ( صباح الخير يا جاري إنت في حالك وانا في حالي )
يسلمو عالموضوع الحلو

احلى انواع مواضيع والله
انا بقدر كل الامثال العربية وبخاصة الفلسطينية وبالاخص الفلاحية منها
مشكورة خيتو
ومثل ما بيحكي المثل :
كوم حجار ولا هالجار هع هع
هاد مش موجود في القائمة

اقتباس :: كوم حجار ولا هالجار هع هع
هاد مش موجود في القائمة

هههههه اول مره بسمع فيه بس شكرا على المرور 1
2