علاقتي مع الأنثى

السلام عليكم
هذا اول موضوع الي بينكم اعزائي
وحبيت اطرح هذا الموضوع للنقاش ... وعندي الكم تفصيل وتقسيم ومراحل
العنوان ممكن مثير للجدل ... بس بعتبره واقعي
اكيد كل واحد صار يبني تصور عن طبيعة الموضوع الي بدي احكي فيه ...
لكن مش رح اخليكم تفكروا كثير ... رح نبدا بالموضوع على درجات ومراحل زي ما حكينا
الانثى بالنسبة النا شي كبير .... لانك بتحكي عن امك واختك وخالتك .... وبنت عمك .... وزميلتك في الجامعة... والي كمان حتى بتمشي في الشارع....
حاب ابدأ الموضوع هذا معكم للنقاش ضمن نقاط
رح نبدأ بالام
وبعدين اختي
قريباتي المحرمات علي
وقريباتي الي مش محرمات علي
وبدي احكي كمان عن البنت الي بعيدة علي .... شو علاقتي فيها
بدنا نحكي هذا الكلام من وجهة نظر الذكر مش الانثى ... وممكن تكون هناك امور مشتركة .... لكن بدنا نحكي عن الذكر بالاصل....
رح نحكي عن ما يسمى بالحب
شو حقيقته
وشو طبيعته
وشو حدوده
رح نفصل في الموضوع ضمن تفاعلكم
حتى يرتقي فهمنا ... وحتى نتجاوز ما يشكل تهديد لنفوسنا
انتظر منكم التعليق
اخوكم تائب

يعني البنات يكتبو شو رأيهم و لا بس للذكور
ممكن توضيح

اذا البنات بيكتبو او لا مشكور خيوو ع الموضوع الحلو
جد حلو بدون مجامله بس ان شالله يكون فيه تفاعل ومدا يطنشو

حلو موضوعك تائب يسلمو ايديك بس ياريت انت تبدأ في نقاشو من شان يصير تفاعل
تأبل مروري

اذا بدنا نحكي عن الوضع المثالي رح نصطدم بالواقع
خلينا نبلش في الوضع المثالي او شو المفروض تكون العلاقة
من وجهة نظري لازم تكون علاقتنا مع امهاتنا علاقة احترام وتقدير
اما بالنسبة للاخوات علاقة صحبة ومودة
بالنسبة للقريبات المحرمات علاقةمحدودة ومحفوفة في الادب والاخلاق
اما بالنسبة لغير القريبات فلازم نتعامل معهم مثل ما بنحب الاخرين يعاملو اخواتنا

بالنسبة الي كل اللي ذكرتهم بعاملهم كاصدقاء في ادب واحترام وفي حدود كمان
امهات واخوات وقريبات وغير قريبات

بالنسبة للحب :

شو حقيقته في الاصل ما في شي اسمو حب حتى لو انو موجود بنسبة كبيرة بين الشباب
بس مع كل اسف هاد اللي بيسموه حب مراهقين واللي بيحبو بيكونو لسا ما وصلو درجة وعي كافيه
تفهمه انو الحب كلو حكي فاضي هاد من وجهة نظري طبعا
طبعا من ناحية الدين ما في اسمو حب لانو بيحكيلك لا تطلع على البنت المحرمة عليك نظرتين
فما بالك تحكي معها وتجلس معها و...الخ الحب اللي على ايامنا هاي مش اللي بيكون بعد الخطبة

وشو طبيعته طبيعتة انو يحكيها تلفون وبحبك و صباح الخير وعالكافتريا

وشو حدوده حدوده ما الو حدود حسب نسبة ادب او اخلاق الحبيب او الحبيبة
يعني اذا ما في اخلاق انخرب بيت ابوها للبنت واذا في اخلاق راحت سمعتها
على الجهتين ماكلة هوا البنت لانو الشب في نظر المجتمع سمعتة بتنغسل ومافي اشي بيغبرها
ونصيحة مني ما حد يفكر يحب لانو وجع راس بس
مشكور تائب على الموضوع المثير للجدل
وعسى اني قدرت افهم فكرتك وارد عليها

اقتباس :: اذا بدنا نحكي عن الوضع المثالي رح نصطدم بالواقع
خلينا نبلش في الوضع المثالي او شو المفروض تكون العلاقة
من وجهة نظري لازم تكون علاقتنا مع امهاتنا علاقة احترام وتقدير
اما بالنسبة للاخوات علاقة صحبة ومودة
بالنسبة للقريبات المحرمات علاقةمحدودة ومحفوفة في الادب والاخلاق
اما بالنسبة لغير القريبات فلازم نتعامل معهم مثل ما بنحب الاخرين يعاملو اخواتنا

معك سامح في الحكي هاد كلو ...مية في المية وما في عندي اضافة او تعديل

بالنسبة للحب...

مش معك.....

أكيد اخونا تائب قصد الحب اللي بكون بين الشب والبنت ....ما قصد الحب بين الناس والاهل
والصحاب والخ الخ

رح احكي وجهة نظري ...

اكيد الحب موجود .. من يوم ما نوجد الانسان على وجه الارض ...
والخلل اللي بصير في وقتنا مش بالحب.. الخلل في الناس كيف بحبوا ..ومظاهر الحب عندهم
يعني الحب اشي موجود غصب عني وعنك يا سامح
يمكن المفروض يكون الحب اشي بالصدفة ..ما نتصنعوا وندوّر عليه .....كمان ما نستناه
موقف بخلي شب تعجبو بنت وبالعكس ...هسا بعد هيك .....
يسأل عنها وتسأل عنو ..اذا طلع كل اشي اوكي ...يخطبوا بعض
أنا بعرف انو موضوع الحب بين جيل المراهقين في مجتمعنا موضوع بيحتل المرتبة الاولى ...
وموضوع كثير محيرهم ....ومشغل بالهم ...يا ريت كل الاعضاء يحكوا رأيهم ..يمكن نستفيد من بعض
الحب مشاعر أكثر من انو يكون تصرفات ...
يعني اشي غير ملموس ..واذا بدو يصير ملموس رح يفقد جمالو وقيمتو
يمكن انو العمر والثقافة والعادات والدين والفكر كلها اشيا بتلعب دور كبير في تحديدنا لمعنى الحب
رح نلقى كثير نس بتحكي بلا حب بلا كلام فاضي ....طبعا وهاد الشخص اكثر واحد بكون بدوّر عالحب
ممكن تلقىناس يحكوا ما ظل حب في هالدنيا ..خلص بيتزوجوا بعض ..وبصيروا يحبوا بعض
وهاي وجهة نظر في منها جزء صح ..وجزء منها بنلقاه ...مفاجيء...يعني فترة الخطبة ...بكون فيها حب عالجوال وهدايا ..وحكي حلو ...وبعدين بعد الارتباط ..بتصير البنت تتحسر عايام الخطبة ..
بختفي الحكي الحلو كلو والهدايا والمشاعر اللي كنا حكي فيها الا من رحم ربي ....
يمكن رأيي ما يعجب ناس .... ويمكن يعجب ناس ثانيين .....
انا متأكد انو الحب ...الو جوانب حلوة عند الانسان لواعي ....
منها بطهر النفس ...وبعطي الانسان دافع للصح ..... وللنجاح ..وبقويي مش بضعف
كمان اكيد انا ما بدعي وما بحكي عن الحب ..اللي بينسينا حدود دينا وعاداتنا
اللي بنشوفوا في الافلام ..مشاوير وتلفونات وسهر وعزااااااب الحب للاحباب..عقولت ام كلثوم
ما بحكي انو الحب يخلي البنت للشب كا انها خطيبتو ..أو زوجتو لا سمح الله ...
مستحيل أدعي للاشي هاد ....ولا بقبل
انا بحكي انك تحب انسان في خاطرك ...وتدعيلو في الخير دايما وتتمنالو كل اشي حلو ...
بدون ما يعرف هالشي حتى ..تكون نيتك صافي تجاهو وتجاه نفسك وتجاه ربك ...انو اللي جواك اشي
كبير للانسان هاد .....تكون واثق ...انك صح لأنك صح ما دامك ما تعديت الحدود اللي كنت احكي عنها ....وتكون كمان واثق انو الشخص اللي في بالك بيستاهل كل اشي فيه خير بتتمنالو ياه ..
وانو هو محل ثقتك ومحبتك .....هيك يمكن حب ....وايجابي كثير كمان ....
صحيح نادر هاد الحب ..بس موجود ما دام الخير والطيبة موجودة ......
آخر اشي تتحسس رقابة داخلية وخارجية منرب العالمين حتى في خيالك ومشاعرك..تكون اصيل ووفي

مشكور تائب .....اسمك بحد ذاتو بعطينا ثقة انك رح تكون اضافة كثير مهمة للريف

السلام عليكم
اهلين فيكم اخواني اخواتي
واشكركم على الردود ورح اتبع معكم اسلوب النقاط الي بتوضح ما اريد توضيحه
*قرأت ردودكم وصار عندي وجهة نظر معينة.
*اشكر من شجع على هذا الموضوع .
*الموضوع بخص الجميع ذكورا واناثا والكل لازم يشارك ويعبر عن رأيه
*بشكر سامح وبكرة احلى على التعليق والتفصيل الجميل بشكر كمان الجميع
لكن اخوتي اخواتي وعشان يكون الموضوع نموذجي رح نتبع الاسلوب العلمي والتشريح النفسي لكل مرحلة..
*اكيد رح نحكي عن الحب الي بتحكو عنه بس خلينا نبدأ من اول .... نبدأ من تلك الحورية وتلك الملكة
الي هي الام .....
بدنا نحكي عن طبيعة تعاملنا مع امنا .... هاي الانسانة القريبة منا ... الي الها منا كل احترام
حبيت احكي عنها .... لانها بتعاني من ظلم كبير ... من سوء التعامل الحاصل ممن حولها
اخواني اخواتي .... وانت بتقرأ هاي الكلمات بدي منك تتطلع على حالك كويس وتصحى على نفسك
وتسأل نفسك سؤال وجيه .... انا بتعامل مع امي بشكل صحيح ولا لأ.... هل انا من الناس البارين فيها

من هون رح نبدأ
بدي اعطيكم بعض الصور السلبية الشائعة في مجتمعنا....
* الابن بعلي صوتو على امه
*وصلت في البعض يضرب امه
* الام بتطلب من بنتها تغسل الغسيلات والبنت ما بدها ... وممن تروح تغسل وهي بتحكي اووووووووف طيب.
*البعض بتمسخر على امه وعاملها مسخرة
* البعض الي تزوجو وكونو بيت وعيلة ما بزورو امهم الا كل شهر مرة
*البعض لا ينفق على امه المحتاجة
*ممكن ينفق عليها بس بحملها جميلة
هذا ما لدي الان والي مطلوب منك في موضوع الام ما يلي:
* تقرأ ما كتبت وتعلق ضمن نقاط
* تضع بين ايدينا بعض السلبيات الي بتشوفها في التعامل مع الام
*الهدف من الموضوع انو كل واحد فينا يغير من طبيعة التعامل الموجودة عنده
*بدنا نحيط بأكبر قدر من السلبيات الي بنشوفها حولنا عشان الكل يحذر ويستفيد
*ممكن نتفق مع بعض على خطوة عملية باتجاه الام
اكتفي بهذا القدر ولي عودة باذن الله

أول شي يسلمو ايديك لأنك بدأت بالأم
تاني شي انت حكيت( الام بتطلب من بنتها تغسل الغسيلات والبنت ما بدها ... وممن تروح تغسل وهي بتحكي اووووووووف طيب. )
أنا ولا مرة لحد هلا ماما ماطلبت مني اغسل هيه بتغسل وبتعمل كل شي لوحدها بالعكس أحياناً بحب أساعدها
بس هيه مابترضى بتحكيلي بعدك صغيرة على شغل البيت ، بس بتزعل مني على أشياء تانية وأنا مابيكون بأصدي أزعلها وبترضى بسرعة مني هاد كل شي بالعكس ماما اغلى انسانة بالكون كله مابيهونلي تدمع دمعه وحدة أدامي.

آسفة تأخرت بكلامي بس انت حكيت ضمنو كل النقاط

السلام عليكم ورحمة الله وبركاته : أشكر الأخ ( تائب ) على طرحه للموضوع ، وأشكر جميع الإخوة والأخوات المشاركين . لا أريد أن أضيف تعليقا ولكن أنا مسرور جدا لأن إخواني الشباب وكذلك أخواتي على قدر كبير من الوعي والفهم ما يجعلهم يبقون في برّ الأمان وأن الخير ما زال موجودا في أجيالنا التي أراد لها المحتل أن تكون أجيالا منحلة تبحث عن الشهوة وعن الأمور الفارغة والأوهام التي تحرفهم عن دينهم وقضيتهم ، فالحمد لله رب العالمين ، وأسأل الله أن يحفظكم جميعا ويوفقكم إلى الخير .

السلام عليكم
اشكركم على الردود واشكر الاستاذ محمود على تعليقه
* الاخت همس جميل ان تقارني ما قرأتي بنفسك وتعاملك مع امك ... وجميل ايضا ان تكون العلاقة بينك وبين امك عاطفية وفيها الحب والمودة ... وهذا المطلوب لكن من الجميل ان تعتادي على حمل المسؤولية في البيت بغض النظر عن عمرك ... وبتوقع يوم امك تشوف منك التفاني في خدمتها ومساعدتها رح تكوني قريبة جدا لنفسها
*استكمالا لقضية الام رح ابدأ اعلق بعض التعليقات على مواقف معينة لكن بعض ما اشوف بعض الردود الاخرى
*بذكركم انو بدنا نتفق على خطوات عملية للتغيير ... مش بس نعلق ونكتب ... لأ ... كويس كمان نتعاون على تغيير نفوسنا للاحسن.
ولي عودة باذن الله

موضوع ممتاز جدا مشكور اخ تائب ع الموضوع الي بلامس حيات كل شاب وصبية بشكل يومي
وربنا يوفق الكل لطريق الصواب واما بالنسبة للحب في حب بالدنيا يا استاز سامح بس مو شرط انه الي بده يحب صبية بنية حسنة نه كل يوم يعزمها ع اي سكريم بالكفتيريا يمكن يحبها ويكون بعرف من وين باب البيت ويوخد الست الوالدة ويتقدملها
هوكلامك صحيح غالبية حب هاد العصر حب مرحلي وتسلي وهد شي حرام كتير
ولازم الانسان الشريف يقبل لبنات المسلمين الي بقبله لاخواته

مشكورين

اقتباس :

* الابن بعلي صوتو على امه
*وصلت في البعض يضرب امه
* الام بتطلب من بنتها تغسل الغسيلات والبنت ما بدها ... وممن تروح تغسل وهي بتحكي اووووووووف طيب.
*البعض بتمسخر على امه وعاملها مسخرة
* البعض الي تزوجو وكونو بيت وعيلة ما بزورو امهم الا كل شهر مرة
*البعض لا ينفق على امه المحتاجة
*ممكن ينفق عليها بس بحملها جميلة

الحمد لله
ما عنا الحكي هاد بالمرة وما رح يصير باذن الله

بالنسبة ل :

اقتباس :

واما بالنسبة للحب في حب بالدنيا يا استاز سامح بس مو شرط انه الي بده يحب صبية بنية حسنة نه كل يوم يعزمها ع اي سكريم بالكفتيريا يمكن يحبها ويكون بعرف من وين باب البيت ويوخد الست الوالدة ويتقدملها

فالجواب

اقتباس :

بس مع كل اسف هاد اللي بيسموه حب مراهقين

هع
اهلا وسهلا ابو سلام منور المنتدى

يسعدك يا ورد منور بوجود الشباب والصبايا

السلام عليكم
اعتذر عن التأخير ... ممكن ما في تفاعل لكن رح اظل مكمل حتى اتم رسالتي واوصل الفكرة الي في بالي...
لساتنا بنحكي عن تعاملنا مع الآنثى ... وبدأنا بالأم ... لأنو موضوعها مهم جدا
بدأت معكم بعرض بعض التصرفات السلبية الملاحظ وجودها بين الشباب والصبايا خاصة في تعاملهم مع امهم
الآن خطوة ثانية معكم ....
بدنا نضع بين ايديكم بعض الخطوات العملية في حسن تعاملنا مع امنا ....
* ما ترفع صوتك على امك ابدا مهما كان السبب ... حتى لو كان في ظنك انو معك حق ... اياك تعتبر امك خصم في قضية مناقشة .... بدك تحكيلي ما انت شايف كيف بتزودها علي ... بحكيلك اياك تكون اهبل وتخلي الشيطان يحرمك الجنة بعدم احترامك لامك.
*اظهر الطاعة لامك ونفذ ما تطلبه منك وساعدها في كل شي بتحتاجه بتكون حبيب قلبها واقرب الناس لنفسها .
*اظهر الاهتمام لامك بشكل متواصل ... ويوم امك تمرض ظلك حواليها بالراعة والحنان زي ما كانت تعتني فيك وانت صغير... يعني مش غلط تدلعها Embarassed

راجعلكم ببعض النقاط الاخرى ومش غلط تضيفوا منكم ما تروه مناسبا من حسن تعاملنا مع امنا

اظهر الاهتمام لامك بشكل متواصل ... ويوم امك تمرض ظلك حواليها بالراعة والحنان زي ما كانت تعتني فيك وانت صغير... يعني مش غلط تدلعها

عليك نوور تائب
الأم كتييير بتنبسط لما ندلعها وكمان بتنبسط لما نعمللها مفاجئات ونجبلها هدايا
الله يجعل مأواك جنات الفردوس الأعلى يارب (هاد اكتر نقاش عجبني بصراحة في المنتدى)
ويسلمو ايديك مرة تانية
تأبل تأديري واحترامي

السلام عليكم
أعود مجددا نكمل موضوعنا مع علاقتي بالأنثى .. وما زلنا مع الأم
ونقطة جديدة حاب اطرحها بينكم .... وممكن تكون خاصة بالفتيات أكثر ... لكن برضوا الشباب مقصودين بالكلام وتنطبق عليهم الأمور المطروحة ... وهي ما مدى علاقتي بأمي من حيث بوح الأسرار وبث الهموم
اكيد بعض مرات بكون الانسان مهموم كثييييير ... وعندو مشكلة كبيرة شاعر انو رح تعملو أزمة .... وبحاجة لانسان قريب من نفسه يبوح الو بالهم الي في قلبه ... انسان بحبه وبأنس فيه وبلاقي عندو كل الحنان ...
فهون بنحكي ... هل تجد نفسك تتجه تلقائيا لامك ؟ .... أم أنك تذهب لغيرها من اصدقائك او صديقاتك...
ممكن البعض يقع في مشكلة عاطفية ... أو ممكن يصير مع البعض وخاصة البنات أمور تستحي البنت من عرضها على أحد ... فهل نعتبر الام الحضن لهذه المشاكل ... ولا حضرتك حاطها على جنب وما بتطلعها على خصوصياتك لانو حضرتك بتعتبرها مش أهل انها تفهمك .... يعني ممكن باعتبارك الناس الي برا من اصدقائك اقرب من أمك الك؟

المطلوب من كلامي ... انو اياك تكون بعيد عن امك في معرفة اسرارك وخصوصياتك ... كويس تشرك امك في همومك وتساؤلاتك .... كويس تقعد معها لحالكم ... وتحكيلها يا امي والله عندي موضوع مأرقني وحاب اعرف الصح من الغلط في ... وانتي اقرب الناس الي وحاب توجهيني شو اعمل .... امك في هاي اللحظة بتثق فيك وبتعرف انك ابن مثالي ورائع ...
وانتي يا اختي ما تتأخري عن مصارحة امك عن كل شي بصير معك عشان تلاقي التوجيه الصح ... وما اظن انو الام ما بتحب الخير لابنها ..
لازم نقدم على هاي الخطوة ... لانو للأسف البعض بفرغ مشاكله وخصوصياته لمن لا يستحق ...
اياك واياكي تثقي باي واحد يعرف مشاكلك ... الاولى هو امك ... لكن عليك باتخاذ الاسلوب المناسب في طرح مشكلتك....
اكتفي الى هنا ولي عودة
اخوكم تائب

عمو احنا مابيكون أصدنا انه نحط الأم على جنب
يعني أنا هلأ مابحكيلها عني شي من شان ماتحمل همي لأني بتدايئ لما أشوفها مهمومة
وبنفس الوئت مابلجأ لصاحباتي لحل مشاكلي بلجأ لاخي الكبير وهو الوحيد اللي بيعرف عني كل شي أصلاً بيفهم علي من نزرات عيوني.
يسلمو الك عمو على اهتمامك بالأعضاء .
تأبل ردي عمو.

مشكور أخ تائب ع الموضع حلو كتير....
قرأتو كلو بس بدي أبلش أعلق من أخر شي حكيتو...
الا ما الواحد يسير معو مشاكل بس يعني مش بكل الاوقات
بتكون الام هي اللى قادرة تحل هادي المشكله...
يعني في امور كتير بالنسبه الي شخصيا ما بقدر احكيها لامي
ما بعرف شو السبب مع انها قريبه مني كتير وبصارحها بكتير اشياء
الا أنو بضل بعض الاشياء ما بقدر أحكيها .... بتوجه لصديقاتي
يعني مش ضرورة اني متلا اشغل بالها ةأقلقها
لكن الامور المهمه أكيد لازم نتوجه فيها للأم

مشكور

السلام عليكم
أعود مجددا للموضوع
*بالنسبة للأخت همس شي طيب انك تخافي انو امك ما تشعر بالهم عليكي لكن انا من طرحي للموضوع بحاول اقرب المسافة بيننا وبين الام ومن هاي الطرق انها تكون شريكة الي بأسراري ومشاكلي وما بتوقع الام رح تتضايق يوم ابنها او بنتها تناقش معها مشكلة بسوب فيه مودة وألفة .... وبالنسبة لأخوكي شي جميل يكون هناك تواصل بينكم ومودة والحقيقة رح نطرح موضوع تعامل الأخ مع اخته بعد ما نخلص موضوع الام .... لكن بعض المواضيع الخاصة بتكون الام اقدر على الافادة فيها من اخوكي مع احترامي الشديد ... واشكر متابعتك المميزة للموضوع
* الأخت المستبدة ... أشكر مرورك الكريم لكن تعليقي وأنا متأكد انك فاهمة القصد من طرحي للموضوع ... بالفعل مش كل شي بنحكى للأم لأنو هناك امور تافهة فش داعي الواحد يحكي فيها .... وبوحي بالامور الخاصة مع صديقاتي بدها وقفة شوي ... لأنو لازم تكون صديقتي على درجة عالية من الثقة والأمانة والأدب عشان تكون أهل لأسراري وللأسف بعض الفتيات يتجاوزوا الخطوط الحمراء في اطلاء الغير على الأسرار وهذا شي مش سهل
* الي بدي يوصل الجميع من هذا الموضوع نقطتين
الأول انك تكون قاصد تطرح لأمك مشاكلك عشان تشعر هي انك قريب منها وتزيد علاقتك فيها
والثاني امك اخبر من في كثير قضايا لانها خاضت تجربة حياة واكيد لازم تستفيد من خبراتها وخبرات والدك في الحياة
اشكركم جزيلا اخت همس والمستبدة
ولي عودة