غريبة الناس

...أغنية وائل جسار ... بتجنن وكمان واقعية لدرجة انها استحقت احسن اغنية ...للسنة ...طبعا قبل ما ينزل البوم اليسا

وبعدها ...اغنية رويدا عطية ....شو سهل الحكي...ورقم ثلاث ...لو حبنا غلطة ...وائل كفوري....



المووهييم.....


خلينا في غريبة الناس ....مش في الاغنية ..خلينا في الواقع .....

انا شفت انها الاغنية هاي ...بتمثل واقع بنعيشو كل لحظة وكل يوم .....مع الناس ...

حتى مع الناس القراب علينا ......

ما في حد فينا ملاك كلنا بشر ... مزبووووط.... بس برضو حتى لو كنا بشر

لازم نكون كويسين في تعاملاتنا مع بعض

على اساس انو نقابل الاساءة بالاحسان ....انقلبت الدنيا ..وصرنا نشوف ناس تقابل الاحسان بالاساءة..والله دنيا!!




في شغلة محيرتني في طبع الناس اللي انا اصلا منهم ...ليش الناس ...اذا انت بتغلط معها في شغلة بسيطة

بدون قصد وبدون وعي .....بتنسى في لحظة كل الشغلات الحلوة اللي كنت تعملها معهم؟؟؟؟؟

الناس صاروا بيتصيدوا اخطاء بعض بطريقة مش طبيعية....... ما شفت اشي صعب مثل معاملة البشر ...

قديش احيانا بكون الواحد طيب في تعاملوا مع الناس التانيين ...بس لأنو طيب بنصدم في ناس ...مش طيبين

بفكروا اذا انت سكتت ... يعني انت معترف في خطأك ...بس انت بتكون ساكت لأنك طيب وما بدك تزيد الفجوة اللي

بينك وبينهم .....وبتحط في قلبك مثل ما بنحكي ..وبتقبل انك تتحمل تهمة سخيفة ...وبتعمل حالك في لحظة

انك ناسي قديش انت كويس كنت وقديش انت غشيم واهبل .... مع انك عارف وواعي ...انو الناس هي الغلط وانت الصح

بس شو بدك تعمل ......؟؟؟هيك الدنيا وهيك الناس .......بشوف هاي الامثلة في الحياة معي مع صحابي مع الناس

كل واحد ممكن يتعرض لهيك ناس .................



يا ريت اسمع تعليقاتكم ...

حكيك مزبوط وكتير حلو

المهم

المشكلة انو الناس بيسمو الطيبة هبببببببببببببببببببببببببببببببببل

يعني واحد بتشوفو قلبو طيب وبسامح وما بيعرف الححقد ومن هالشغلات

شو بيحكو عن هالانساااااااااااااان بالك
بيحكو هاد اهبل على نياتو

كتييييييييييييييييييييييييييييييييير بسمعها هالكلمة على نياتو
بيستغلوه وبيحرقو راس ابوه وهو ساكتلهم على اساس طيوب
وهالشخص مش رح يسخى فيهم يجرحهم او ايدايقهم



انا برأي انها الطيبة بطلت تنفع مع الناااااس كلها

بطلت تلاقي حد طيب بهالأيام

زمان قتلو الطيبة بقلوبهم وبقلوب غيرهم كمان

واذا بتلاقي شخص وبتحكي عنو طيب لا سمح الله

اذا صار سووء تفاهم بينك وبينو بتروح هالطيبة بلمح البصصر وبتشوفو بوجه تاني

يعني (طيبة مزورة) الموجودة بين الناس هسا

فش( طيبة حقيقية) مستحيل ولامرة



حلصت زمااااااااااااااااااان









اه وشو كمان

]b]اذا مثلا حد عمل معك غلط او غلط بحقك يعني وانت قابلت الاساءة باحسان

يعني سكتت وما عملت شي وساااااامحتهم
شو بيحكو (الله يستر من سكوتو هاد)
يعني بسكت عشان يردها على اقوى
يعني بصدقوش الطيبة ولا بدهم اياها اصلن
وما بيهدالهم بال الا اذا رديت عليهم بأساءة
يعني لازمالاساءة بأسوء
هاد المطلوب بين الناس صار

وما بيهدالهم بال الا هيك


الله يصلح حالنا يارب[/b]

اقتباس :

انا برأي انها الطيبة بطلت تنفع مع الناااااس كلها

اول شي بشكرك عالرد اختي ...

وكثير من حكيك كان مزبوط ومية في المية

بس اسمحيلي ...مش لازم الانسان يفقد صفاتو الكويسة عشان بنصدم في ناس ما بيستاهلوا

لأ ..خلص يظل مقتنع انو هو الصح ..وانو الصفات الطيبة والكويسة هي الصح

هسا الناس ما بدها الصح .. او مجموعة من الناس ما بدها الصح

بتصير هاي مشكلتها ....مالي ومالهم انا ..ما دام انا مقتنع ومؤمن في نظرتي للأمور

لازم نظل واثقين من أنفسنا وصفاتنا .. يمكن رح يتغلب لفترة

بس الأكيد انو في الاخير رح يظل ضميرو مرتاح ورح يصل للهدف اللي بدو ياه

لأنو مشى في طرق صحيحة في الحياة بدون زيف وبدون خداع



يشكرك عتفعيل المشاركة

اقتباس :

بس اسمحيلي ...مش لازم الانسان يفقد صفاتو الكويسة عشان بنصدم في ناس ما بيستاهلوا

اكيد ولووووو واذا فقدنا هالطيبة عشانهم بنكون ضعاف شخصية وهبايل عن حق وحقيق
بالاول والاخير مش لازم نزيد الطين بللة متل ما بحكوها

اقتباس :

لازم نظل واثقين من أنفسنا وصفاتنا .. يمكن رح يتغلب لفترة

بس الأكيد انو في الاخير رح يظل ضميرو مرتاح ورح يصل للهدف اللي بدو ياه

بكفي راحة الضمير

اقتباس :

في شغلة محيرتني في طبع الناس اللي انا اصلا منهم ...ليش الناس ...اذا انت بتغلط معها في شغلة بسيطة

بدون قصد وبدون وعي .....بتنسى في لحظة كل الشغلات الحلوة اللي كنت تعملها معهم؟؟؟؟؟

حتى غلطت والا ما غلطت بينسو كل شي حلو
يعني عنجد في ناس زي ما حكت فريدووم انهم بيفكرو الشخص الطيب
اهبل
بس همي اكيد غلطانين وغلطانين كتير كمان
يعني الناس في هاي الايام صايرين غييييييير
غيييير كتير مش طبيعي ظلمهم لبعض
بضلهم يحكوو عن الواحد وينمو علي وبس لما يمر عنهم بيسيرو
غير شكل ...عنجد غريبة النااااس كتير
يعني انا صحيح صغيره بس مش عارفه من اجل ظلم الناس
انا صرت احقد يعني كنت طيبه وهيك بس خلاص اتعودت
عالواقع اللى انا في انو كلو ظلم وكذب ونم ع بعض
صرت احقد بطلت طيبه عشان ما حدا يحكي هبله

شكرا يا اخ بكرة احلى عالطرح الحلو
والمهم كتير
تحياتي

الدنيا لسى فيها خير

مشكووور اخ بكرى احلااا ع الطرح الجميل
انا زمااااان كنت هيك طيوووووبة ع الاخر وكنت مفكرررررة انو الكل طيب وكل الناس بحبووو بعض وبيحترموو بعض بس شوي شوي صرت اكتشف انو هااد الشي ما فيه منه
كنت زماان لما وحدة من صحباتي تسيئ لإلي احكي انو اكيد مو بقصدهاا وآخدها بشكل مزحة وماكنت عصب منها بنوب بنوب بس كمان مع الايام صرت اعرف انو لامزحة ولا شي وازا انا تغاضيت بأول مرة بتتمادا بالتصرف والحكي معااي بمرة تانية فصرت هلأ عصب ع اية شي صغيرة او كبيرة وبدون تفكير كمان ..
بس بحب احكي انو هااد الشي بكرهووو بحالي وكتيير وبتمنى اني ارجع بطيبة زمااان لانوو ما في احلا من البرااااائة ومافي احلا من انك تحس انو كل الناس حواليك مناح وطيوبين ولو كان هاد الشي مو صحيح **مممم انا هاد رأييي ** مشكور اخي مرة تانية

شكرا الك كتير بكره احلى
حكيك واقعي وبصير مع الكل
الواحد صار يخاف من اقرب الناس الو
والاغنية كتييييير حلوه
يسلمو ع الطرح