واقع التعليم في قبلان

واقع التعليم في قبلان

وخاصة عند الذكور

كثيرا ما نسمع عن حالات المشاكل مع المعلمين عند الطلاب وخاصة في مدرسة الراشد

ومع اني طالب فيد مدرسة قبلان الثانوية والتي هي هادئة نسبيا بالنسبة للمدارس الاخرى الا انه هناك حالات اكاد اقول انها متكررة

كتكسير الاقفال والسرقات التي تحدث في المدارس

فهل من حل برايكم ؟؟؟

نريد مشاركات وحلول ...



سراب الصمت

الحل عند الاباء وبس
والكلام كثير حول هذا الموضوع
بي في النهايه الاب هو
اللي براقب
وبعلم
وبدرس
وبربي
فاحرصوا على اخذ النصيحه من ابائكم

سامح وفر علي حكي كتييييييييييييييير
الاب ثم الاب ثم الاب
والولد السفيه بجيب لاهلو المسبه
اخر النهار الولد اتعلم ولا لا عمرو
المعلم اخد راتبو
بس لازم الولد وابوه يشتغلو مع المعلم
وخدوها قاعده المعلم عمروا ما ضرب ولد بدون سبب
ولا عمرو كان الحق على المعلم
كاد المعلم ان يكون رسولا
بكرر الاب ثم الاب ثم الاب

يا استازي العزيز الله يصبحك بالخير
انت تتكلم عن النعليم
فهذا حال ابناء قبلان منذ الازل فهي قرية ابناؤها ذو عقول فتاكة فلماذا يتعلمون ربنا وهبهم كلهم الموهبة والعلم الزائد فلا لزوم للمدارس نعم ولا مشكله عندهم عندما يلقون الحذاء ع الممدرس داخل الصف لا اخلاق ولا اباء والمخزي انه عندما يعاقب ابنه من قبل مدرس ينزل الاب الى المدرسة ويريد حق عرب شي مقرف يا اخوان
ادعوكم الى الذهاب الى جامعة النجاح
والاستفسار كم طالب هناك من بلدة دوما التي تعد 1500 نسمة وكم طالب من قبلان التي تعد 10000 نسمة
واللع انه عار
دوما 150 طالب بالنجاح فقط
وقبلان 4 طلاب
احكيلكم حاجة يمكن بتعرفه (بلكيست)هذا الزلمة لا تعلم ولا تسخم بس مجرم كمبيوتر هو الي اخترع وطور الكمبيوتر وكان انسان شحاد
وبما انه بلكيست خواله من قبلان فطلابنا ينتظرون المعجزة التي حصلت مع ابن وليتهم بلكيست وع خير انشاء الله استنوا
برضوا من طلابنا من كتر الاجتهاد بستغلوا وقتهم وبطلعو من المدرسة بكير من الصف العاشر وبغزوا العدو بسرقو ا سيارتو وبجيبهم لبيت مال المسلمين ما شاء الله لا هدر للوقت في قبلان والى الامام يا شباب
وفي حاجة مميزة عندهم من دون كل القرى
لازم يلبس بنطلون ديزل ب 400 شيكل
وبوت 300 شيكل
وبلوزة لي كوبر 300
والله يا خال اذا اللبس صنع زلام
كان هذاك الواحد من زمان زلمه
اتحداكم يا اهل قبلان
ان تسألوا كل شباب قبلان من سن 22 وتحت
اسالوهم من هو رئيس الوزراء الفلسطيني
ما بدنا تسالوهم مين رئيس وزراء اليابان يمكن اسمه طويل شوي
واذا جاوبكم اكتر من 2%انا هون
فموضوع التعليم موضوع شائك ولا مخرج ولا نتيجة منذ زمن بعيد
فربما طلاب اليوم لو رجعوا لبعض الاشخاص الذين لم يتعلموا من الممكن ان يسمعوا بعض النصائح المفيدة
والمسؤلية بداية ونهاية على الطالب نفسه
فهناك من يعي لنفسه والي ما بده يوعى سيبه للزمن بجيبه
كم حاولا من قبل عقد مجلس اباء
يا اخوان في سنة 2000 انا كنت بالصف التامن
عقدوا مجلس اباء للمدرسة كاملة واواصلوا الدعواات لهم
كم حضر منهم ببالكم
يا اخوان حضر 2 من 400 ولي امر
فمن اين المشكلة
وما يحدث في قبلان اليوم هو من نتائج قلة التعليم والوعي والهمالة بالجملة
فمسئولية الاباء
اتقوا الله بابنائكم
فسوف تسئلون عنهم يوم القيامة

يا سراب الصمت الله يكون بعوننا بدط تطول بالك هاي بلد كبيرة وبتكبر مشاكلها معها

يا استازي
العيون الساهرة
المشكلة لم تاتي باختيار الزوج للزوجة او ماشابه
ولكن المشكلة تبدأ عند الطفل بعد سن العاشرة اي بعد اختلاطته بالشلة الفاسدة من باناء الشوارع الذين تغيب ابائهم تماما عن الساحة فهناك الكثير كما تعلمون من الاشخاص والله لم ارى ابائهم كل سنه
ربما هو يعمل باسرائيل اوخارج البلاد
ولا سائل ولا مسئول فتوقعوا اكثر مما ترون الان في قبلان ومدارسها

مشكوور على المساهمه المهمه
االاب هو المسؤول عن ابنه اولا واخيرا ,لوكل طالب عمل اشي مسيءحكى عنو احد الطلاب للاداره بخفف الاعمال العبثيه في المدرسه
تقبل مروري

والله كلامكم اكيد وعلى عيني
بس المشكله اولا واخيرا من الاب
يا اخي الاب بيكون معو كرت ب 100 شيقل
ما بيكلف نفسو يتصل على المدرسه ويسأل عن ابنو
احنا ما بدنا ينزل كل اسبوع...... بس يتصل
ولكن انا الاحظ الان ان هناك وعي اكثر من السنين الماضيه
فنتائج السنه للثانويه العامه جيده
وهناك صفوف مقبله بعد سنتين تمتلك نفس القوه
ولكن هناك سبب احببت ان اذكره
القوانين,,,,,,,,,, وما ادراك ما القوانين
ممنوع الضرب
ممنوع وممنوع وممنوع
والطالب صار يتمادى
البلديه بارك الله فيها
وكثر من امثالها وادامها لنا
تعمل على تحفيز الطلاب
ولا تقصر ابدا
ولا تتوانا لحظه عن تقديم اي خدمه
سواء للمدرسه او للطالب
فهناك الهدايا للاوائل
وهناك التواصل الدائم مع المدارس
ومع الاهل عن طريق الاجتماعات
ولكن يبقى هنا دور الاب
وهناك نقطه اخرى

اقتباس :

والمخزي انه عندما يعاقب ابنه من قبل مدرس ينزل الاب الى المدرسة ويريد حق عرب شي مقرف يا اخوان

فيد بيد ورأي على رأي
لنصنع جيل قبلان المتعلم

بارك الله فيكم يا اخوان
قبلان لسا فيها خير
وين مشاركت الاخ نور

مشكورين يا اخوان عالمرور

اقتباس :

الحل عند الاباء وبس

سامح الحل عند الاباء !!
بس شو هوي هادا الحل وكيف راح يتم تطبيقه

اقتباس :

الاب ثم الاب ثم الاب

بلال ........ لا تعليق

اقتباس :

لكن لماذا لا يتجرأ احدهم على قول من قام بهذه الاعمال !!

حتى اخي لو قلنا وكشف الفاعل ...

وعوقب .... فلن يؤثر فيه شيء واقول لك هذا بعد التجربة التي حصلت في المدرسة

اقتباس :

يا اخوان حضر 2 من 400 ولي امر

اخي ابو سلام ....... المشكلة هي منذ ال 2000 بس في تقدم حضروا 6 اولياء امور من اصل 270 في مدرسة قبلان الثانوية ....... فلا تعليق

اقتباس :

ربما هو يعمل باسرائيل اوخارج البلاد
ولا سائل ولا مسئول فتوقعوا اكثر مما ترون الان في قبلان ومدارسها

اخوي الام هي المسؤولة عن البيت ولكن لااحد يستجيب .........

اقتباس :

القوانين,,,,,,,,,, وما ادراك ما القوانين

لا تعليق ................



**** اغلب الاراء والاقوال بتقول انو الحق ع الاب ***

مشكلة الاباء انو الاغلب بيشتغل باسرائيل وبيوجوا جمعة وسبت وكما تعلمون هدول اليومين بيكونا عطلة فلماذا لا يكون الاجتماع في ايام العطلة ؟؟ وفي المؤسسات العامة ......


تحياتي

اخي سراب الصمت
البلديه مشكوره
عندما كانت تحصل الاجتماعات
كما اذكر كانت كل يوم جمعه او سبت مساءا

السلام عليكم
بدي اقول انو الخلل مش من الابو يمكن يكون الخلل من الابو لكن في اغلب الاحيان لا يكون الاب هو السبب وانا بدي اقول ما في حدا في الدنيا اسمو ج...؟ لانو اللي اسمو ج...؟ ما بعرف يمشي في الشارع ولا يحكي مع الناس ولا بعرف وين ربنا حاطو ..لكن ما شاء الله عنا الاولاد ببقو يجادلو في الكبار والخ....
يعني اذا المدرس قال احفظو اية من القران بيجي الولد ثاني يوم مش حافظها معقول السبب انو الولد ما بعرف يحفظ ....؟ لا السبب انها مش حاط في راسو القراي والدليل على ذلك انو سمعو اغنية من هالمغنيات مره وحدة بعد خمس دقايق بغنيلك اياها كامله او بحفظ حلقات مسلسل كامله وبقعد يوم كامل وهو يحكي عن المسلسل
انا بدي اقول انو الوالد في غالب الاحيان لا يكون السبب بل في نفسية الطالب وشكرا الكم على هذه المواضيع

شو بدك تغير يا سراب
الي فيه عادة ما بغيرها
كلها حياة ادمان
بنقدر فقط نأثر ع الاطفال ونغيرهم
وبالنسبة للي تجاوز ال12 سنه راحت عليه


(اكرام الميت دفنه عمي)

اقتباس :

(اكرام الميت دفنه عمي)

معناتوا ولا فرد في قبلان رايح ايضل عايش يا خوي


نستطيع التغير وحتى لو بلغ عمره 90 سنة

اقتباس :

وقبلان 4 طلاب

اخي ابو سلام منوين مصدرك ؟؟؟؟؟؟؟؟؟؟

اخي هناك 95 طالبة و 33 طالب

فكيف تقول 4 ؟؟؟؟؟؟؟؟؟


تقبل تحياتي

يا اخي سراب
من قال لك ان هناك 33 طالب
انا اعطيك احصائية ال
2006
كانوا فقط 4 لا غير من دون احصائية الطالبات
فنحن نتكلم عن الذكور فقط


ولو 330 لو يصلوا الى الحد الواجب ان يكونوا عليه
فهذه يا اخي قرية تتكون من 9000 واكثر

وشو بدك تتغير يا اخي
مهو ابنك او اخوك الي عمره 5 سنين ما بتمون عليه
بدك تمون ع واحد عمره 90
او تقنعه ولا مرة
انا بحكي انشاء الله
بس اكرام الميت دفنه متل ما حكيت

ع راسي

يا سيدي نسبه الجامعيين في قبلان
والي بيدرسوا بالجامعات
يفوق ال400 طالب وطالبه
وهناك تخصصات ممتازه جدا

اذا الواحد ما بيمون على اخوه فهو الي بكون بدو دفن
مش اخوه

الرسول صلى الله عليه وسلم
غير امه كامله وفيها اصغر واحد كان 12 سنه
فش اشي صعب ولا اشي مستحيل
المهم الاراده
وتعاون الاباء والمدرسين والطلاب والمجتمع
واخيرا
وما نيل المطالب بالتمني
وانا بقول تقدم قبلان ما بيكون بالحكي من بعيد
ولا بالتشهير بقبلان
يد بيد لنبني جيل قبلان ونرفع اسم قبلان عاليا
مشكورين

انت واهم يا عزيزي بلال
من قال لك ان هناك 400 طالب وطالبة من قبلا بالجامعات
انا اريد ان اسمع منك كم طالب من بالنجاح(ذكور)
وكم نسبة النجاح بالتوجيهي في قبلا
يا اخي هناك سنه من السنين
يمكن انت كنت صغير بعدك مع احترامي الك
كتب بالجريدة لم ينجح احد
واذا ما عندك فكرة اسال مين اكبر منك ومين افهم منك
يا عزيزي
انت تتكلم بشيئ غير معقول
لو كان هناك 400 طالب من قبلان
لكانت قبلان منارة العلم
واريد ان اعتبر احصائيتك صحيحة تجاوزا وهي بعيدة تماما
لو كانو 400 فالنسبة ضعيفة نسبة للكثير من القرى
فمن الصعب ان تجد من يقول عن زيته عكرا

يا عزيزي انا دخلت الصف الاول سنة 1990 كان العدد للطلاب بصفي 59
وسنة ال 2003 نجح 9
اين ذهبوا
اين هم
هل ابتلعهم المدرسون


انا بدي احكيلك عبارة يا خسارة الرحلة يا نور عيني

وانشاء الله انه يصير من قبلان علماء
انا بزعل
انا بكون فخور بذلك
وعلى مستوى الطالبات
اول خريجة من قبلان كانت فقط سنة 1999 فقط
اين كانوا قبل ذلك
والباقي عندك يا اخ بلال

انا مبسوط منك كتير

سامحنا

انت بتحكي عن سنتك لوحدك
السنه هاي ما رسب من العلمي الطلاب الا2
والطالبات طالبه ونجحت بالاكمال
وين راحو هدول
اكيد مش على الروضه؟
اذا على الجامعه
اذا هاي 40 طالب وطالبع علمي بس السنه دخلو الجامعات
وفي ناس ادبي نجحو وفي ناس بالاكمال
اذا السنه لوحدها 100 طالب دخلو الجامعات من قبلان
انت اكيد مش مصدق
طيب اذا انت عايش بالبلد اسال سواقين التكاسي
وهم رح يحكولك
اسالهم كم نسبه طلاب النجاح
هاي بس السنه!!!!!!!!!!!!!
ومن الا2005 لل2008
كم طالب دخلو جامعات من قبلان
وللكلام بقيه..................

موضوع ممتاز طرحه في نتدى يخص هذا البلد ومشكلة التعليم تخص هذه البلدة
ومشكور سراب الصمت على هذا الموضوع الجميل؛؛؛؛؛؛

اخ بلال
اول حاجة انا وياك مو اعداء
القضية مش مين الي ببطح التاني يا اخي
احنا طرحنا القضية وواقع التعليم بقبلان معروف مش ع دورك من زمان يا عزيزي
اما اني عايش بقبلان فانا عايش بقبلان
وبالنسب للاكثر من 100 طالب من قبلان بالنجاح فراجع حساباتك
طبعا انا مستثني الاناث واذا وجدت 60 طالب (ذكر جامعي) من قبلان يدرسون في فلسطين
يمكن بكون انا بحشش او انا مش ابن جامعة النجاح من فترة وجيزة جدا
واما بالنسبة للطلاب الي بنجحه بالعلمي
فعيب انه يرسب 2 من العلمي
انت ليش رايح علمي بما انك لست كفؤ
والعتب ع النشامى
وين الادبي يا عزيزي عندما ينج 12 او 15 من 40 طالب او اكثر
ومعدلات مقبولة وان تجاوزت ذلك بقليل

اكيد عمي الي بنجح بروح ع الجامعه ولا بدو يروح ع الحسبة يعني (حاسب)نحن لا نسخر بل كلامك فيه نوع السخرية
اما انه تحكي انه دخل من قبلان 100 طالب السنه الجامعات فهذا منى عيني وعين كل قبلاني
يا ريت يا اخ بلال
بس من وين انت بتجيب احصائيات خبرني
وبالنسبة لمرجعك فهناك مرجع قوي ومرجع متوسط ومرجع ضعيف
وشفر ية التكاسي قلهم الشمس من غربة بتطلع اذا اله مصلحة بقلك اه والله من غربة فش عنده مشكلة يعني


اخ بلال احنا بنسعى لطريقة لننهض بقبلان ليس لنشبع بعضنا مجاملات
ونمدح ونحن المتأخرون علميا على مستوى تلفيت المتخلفة فاقتنا بالتعليم
تصور

فراجع الاحصائيات واعطيني ثوابت
كما اعطيك
ونحن اخوة بالله يا عزيزي لسنا هنا لنجرح ببعض
وكل انسان له راي وانا احترم كل الاراء وارد عليها

مشكور بلال

ع راسي يا ريفي

انت رجل سلام يا كبير