آخر مشاركاتي

مساء لم يشبه أمسيات أخرى ..أرى فيه بأنني أجهز حقائبي الوهمية

وأقترف جرم الوداع الذي طالما كرهت حقائبه ..وكرهت شوقه المنتظر

هنا قررت أن ألملم ما تبقى لي من أوراق في عالمكم ..واقف على أطلال سطوري

لأكتب الى لقاء آخر يجمعني معكم

يسبقنا الحزن ويهزمنا في جولاته المتتالية على قلوبنا

ونكتشف بأننا حتما كنا ضعفاء ..مهزوزين ..نخاف الحزن ونعيشه

قدر يوجعني...وكأس مرة المذاق أتجرعها على صدى صفحاتي

كنت بينكم ...أعيش اهتماماتكم ..أبتسم لطفولتكم التي مزجتموها بذوق أدهشني

كنت أقلب صفحات المنتدى كل نهار ..أتابع اخباركم...اكتب صدى أوجاعكم

أرسم ظلال حكاياتكم..أرى بعيونكم وأكتب بأناملكم ....

كنتم تسرقون الكلمات من صفحاتي المرتبة في رفوف مكتبتي الزرقاء وأنقلها لكم وليس لغيركم

تدفعون قلمي لأن يكتب هنا...

لم أكن أحب أن افضح سطوري ...وأعريها أمام أحد غيري

ولكنكم استطعتم بجمال حضوركم ومروركم ..أن تظلموا أقلامي الخشبية وأوراقي الصماء

وأكتب هنا بينكم

ظننت باني لن أرحل عنكم ...ولكن هي اقدار الغرباء ...يأتون بأدب ويرحلون بتعب

كم مرة يجرحنا الرحيل ونرحل..مكابرين دمعات الوداع

مكابرين آلام تخنقنا ..نخنقها داخلنا حتى لا توجع غيرنا......

وسنكمل حكاية الآلام ونحتفظ بها صامتة داخلنا

ونبكي بصمت داخلنا......حتى تظل فصول الحكاية كما عاهدنا أنفسنا وكما عاهدناكم

.............................................

رحيلي عنكم ..هو رحيل الى دنيا أخرى ...اريد ان الملم حزن اوراقي..واصنع منه قاربا ابتعد فيه

الى وطن اكثر اتساعا وأقل ناسا...سيزعجني ضجيج الفراغ وصدى أوجاع غيري

ولكني حاولت ... وهزمتني الايام وصنعت مني ساذجا ....تائها في وطن يرفض ورقه

كبرت بنا السنين وما زلنا اطفالا .... نتخطى صورنا ..وندخل في دوامة اليأس

ليس فشلا ...بل قدرا

لا تظنوا بان وداعكم سهل على أسيرا كان يأتي اليكم ليطلق حمائم سلام كانت مأسورة معه في أسره

ولكن فاتورة الألم يجب دفعها ......دون تردد ...........

آخر خاطرة كتبتها في المنتدى.......ان شاء الله رح تعجبكم وانا متأكد انها بتعجبكم

لأني بعرف قديش انتو ذواقين وبتحبوا كتاباتي وبتقرأوها.....ما قصرتوا انتو

حتى لو قلت ردودكم على خواطري بالفترة الاخيرة بس برضو كنت اشوف عدد القراءات وانبسط انو بتقرأولي

انتو ما قصرتوا كأعضاء وادارة ومشرفين ...وانا اذا قصرت في اشي بكون مش قاصد

واذا اي واحد زعل مني كمان انو بكون قصدي مش التجريح بس غيرة على شباب وصبايا البلد

اللي بفخر فيها وفي ولادها...........ما بخبي عليكم انا ما سجلت غير في هاد المنتدى وعمرها ما كانت المنتديات الها اي اهمية عندي

بس شفت في المنتدى هاد اشيا كثير حلوة وروح حلوة واذواق حلوة ....وآقلام رائعة

طولت في الحكي معلش ....بس انا رح اتابع اخبار المنتدى ...وان شاء الله موفقين في دراستكم

وفي حياتكم كشباب وصبايا مسلمين فلسطينيين بحملوا هدف وقضية اكثر من غيرهم

بحملوا مسؤولية هالوطن اللي قصروا كثير في حقوا ناس ما كانوا قد المسؤولية واغرتهم الحياة عن واجبهم

بتمنى انا كلنا نكون جيل ببشر في مستقبل بعرف شو يعني الاقصى وشو يعني فلسطين

جيل هدفوا الاسمى وطنوا الجريح .........

ما تقللوا من قدر انفسكم ...انتو عندكم الامكانية انكم تبنوا وتعطوا ... ما تخلوا المظاهر تخدع ضمائركم

كلنا ماشين في طريق واحد .... منا ناس بتسبق ناس وناس بتتعثر وبتقع وبتقوم عشان تلحق

وفي ناس بتوقف تنشل ناس وقعوا وتسندهم ونظل معهم عشان يصلوا مع بعض

وعشان ضميرهم ما بسمحلهم يتركوهم وراهم...حاولوا كونوا مثل آخر نوع من الناس

معلش كنت اتفلسف كثير بس والله مش هاد طبعي .......في حياتي العادية

عشان هيك طلعت اشيا كثير من تجاربي ووجهات نظري .... يمكن كانت تعجب بعضكم وما كانت تعجب ناس تانيين

لأنا ما كنا متشابهين من البداية في المشوار اللي كنت احكي عنو قبل شوي

ربنا خلقنا بنختلف في صورنا وثقافاتنا وتطلعاتنا واقدارنا وفرصنا وقوتنا وضعفنا

اشي طبيعي انا نختلف في وجهات نظرنا .....

آخر شي بتمنى اني اكون ضيف جيت الكم بلباقة ورحلت بأناقة مثلي مثل ناس تانيين

تحياتي

يزعجني أن تكون صادقا فيما كتبت
أخي الكريم لقد غطت حكمتك فيما مضى على ثغرات المنتدى المكشوفة لكل رائي
تريد اليوم أن تترك المنتدى لفراغ جديد أكبر من ذلك الفراغ الذي آثرته لنفسك علينا
صحيح انني لا املك حق ردعك عما قررت لكني أرفض و بكل اصرار أن تكون مشاركتك هذه آخر تاريخ لك في المنتدى
يبدو ان المنتدى يمر بمرحلة ركود تسبق عاصفة قريبة .

دمت بود

الكتابه رائعه جدا جدا

بس الحكي اللي فيها صحيح

انو بدك تترك المنتدى ..اتمنى انو يكون لا

مع صدق الكلمة ولهفتها
مع قوة ما تحمل تلك السظور وشفافيتها
صدمة لما علمت
اوراحل انت اخي !!!!!!!!!!!
لا ادري السبب ولكن ربما اقراه من حال المنتدى
غير انها ستصبح خرابا
قلت انامل التفاعل والابداع وغدت ساحات المنتدى يدب فيها برد الشتاء وصمته

قرارك اخي لك مطلق الحرية
سيفتقدك المنتدى ورواده مع اني انصحك ان تبقى لتذودا عن ثغرك لا لياخذه من فرغت فكرته وماعت كلمته

بارك الله فيك وسدد خطاك

اخر مشاركات مبدع احزنت وهي في قمة الابداع

اختك الدائمة شام

والله مني عارفة شو بدي اقول

انا عشان زمان ما دخلت ع المنتدى بدخل قسم قسم وبرد
لما اوصلت هان انصدمممممممممممممممممممممممممممممت
!!!!!!!!!!!!!!!!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

في الاول والاخير بضل قرارك
وحريتك كمان

بس يا ريت تتراجع عن هالقراااااااار يا بكرة احلى

كتير كتير هالشي مزعج
ان شاء الله بتتراجع

صراحه انصدمت

حرام عليك

بس معاك حق تطلع لانو صار
المنتدى في حاله اغماء
بطل متل اول ....!!

بتمنى انك ترجع عن قرارك
لان راح نشتاق الاقلامك
المبدعه و مواضيعك

صراحه انا ما عرفتك كتير متل باقي الاعضاء بالمنتدى
لاني مو من زمان فيه وكمان بصراحه ماكنت اهتم بالمنتدى الادبي
بس لما قرأت مواضيعك وشفتها تندمت ان الادب كان اخر اهتمامتي
بتمنى انك تغير رأيك وتضل معنا بالمنتدى لانو صراحه رح نفد كتابات الاكثر من رائعه
ونفقد عضو بيهو نكون احسن ناس
تقبل مروري وبتمنى مره تانيه ما تترك المنتدى
تحياتي بنت فلسطين

شكلها ما كانت آخر مشاركاتي

آسف على غيابي عن المنتدى ...الفترة هاي

كنو طلع مش سهل نترك الريف

كمان مشكورين كل الاعضاء اللى وضعوا توقيعهم على آخر مشاركاتي

الشكر كمان لكل اعضاء الريف دون استثناء

ان شاء الله عيد اضحى مبارك عالجميع ..كل عام وانتو بالف خير Smile