بدك تفوت بدك تكون فلاح على قد حالك وفاضي 5 MIN

يا زملاء والله نفسي انزل الموضوع هاد من زمان بس خايف انو ما حدا يرد عليه
قصه حزينه ؟ ؟
المهم :
الموضوع وما فيه انو اللي بدو يفوت بدو يكتب يا خرفيه ستّو بكت مخرفتو اياها
او سيدو مع انو سيادنا ما كانو يخرفونا
او يكتب انشودة كنا نغنيها واحنا صغار
بليييييييييييييييييييييييييييزاللي بيفوت يكتب
لو اغنيه صغيرة مثل يا اطفال يا حلوين اشربو الحليب
يللا على بركه الله بدينا بالمسابقه الشعبيه

طيب انا بدي احاول اكون على قد حالي
انت يا سامح موضيعك كلهن هالايام شغل فلاحات
انا بدي اشوفلي كم ختياره واعمل معهن عقد
انو يدخلن يفعلن موضيعك
خلص اليوم بشوف ستي وستك والحاره هديك

المهم
كانت ستي الله يرحمها تخرفنا نص نصيص
ذان حديدان ..... والغوله
ومن هالحكي بس ناسيهن هسا
خلص الك الا ابحبشلك على اغنيه

يا الله حضي زفت الي ساعه بكتب بها لقصه بتجنن كانت ستي حاكيتيلي اياها وبعد مل كتبتها وخلصت

وبدي ارسلها يروح النت قاطع عندي قطع دقيقه ورجع ويروح كل شغلي ع لفاضي

والله اني بدي اعيط

ع قول المثل الي مالو حظ لا يتعب ولا يشقى

بسي والى يهمك سامح رح ارد اكتبها وارسلها بس مش هلا لانو ادي متكسرت من كثر ما كتبت

نام نام يا حمام لذبحلك جوز الحمام روح يا حمام لا تصدق بضحك ع ماسة تتنام ماسة ماسة الحندئة شعرك اشئر ومنقى والي حبك بيبوسك والي بغضك شو بيتلقى

في كمان بس اصبرو علي لسترجع ذاكرتي والله مسطلة

في قصة خرفتنا اياها ستي

مرة واحد راح يخطب وحدة المهم وافقوا اهل العروس بس ماحبوا يخبوا عن العريس

خصلة عن بنتهم وهالخصلة هي انها هالبنت عندها حرني المهم اهل

العريس قالوا بسيطة وكمان االعريس عندو حرني

المهم وتزوجوا يوم من الايام كان الزلمة عازم صحابوا

اي وجاب هالاغراض هاتوا والقوا ع قولتها

وبعدين هالمستورة اجتها الحرنة ومارضيت تعمل غدا

ويابنت الناس يابنت البني أدمين ابدا

مارضيت

هداك شو بدوا يعمل راح جاب الجارات

وحكالهن المرة مريضة وعندي عزيمة ومش عارف شو بدي اسوي

حكينلوا مو مشكلة هسا منطبخ

والله وطبخن شو اكل من جميعوا

بعد ماروحوا هالناس فات عليها عالمطبخ

لقيها غابي بالاكلات وبتلهط

ويروح يمسكها من شعرها

ويغط راسها بالطاسة

وطبها كتلي وطلقها

ومناسبة هالقصة

لانوا بنت خالتي الصغيرة حرنت عن الاكل

ستاتي بخرفن نص نصيص وحمحم وزمزم وقراعون

وهذول بتعرفوهن فش داعي احكيهن

اما اناشيد منا نغنيها واحنا صغار

انا بالروضه ويا صحابي ساعه لعبه ساعه كتابه

افضل اصور وارسم صوره عليها شجره عليها عصفوره

لما اروح بالعصريه ماما تقلي تعالي ياميمه

شو اللي حفظته بالتعليم

افضل اقول واغني واقول

ماما تسمعني وبابا فرحان

اخص عليك يا سامح قال طلاب جامعه قال

رجعتني 13 سنه لورا

والله ايام الروضه كانت غير شكل لليش الحكي

اخخخخخخخخخخخخخخخخخخخخخخ لو ترجع

يلا حضرتك حكلنا شي من ايام زمان

عندي ديك اسمو مرشد
قاعد عالكرسي وبنشد
جبت الخوصه وذبحتو
في المي السخنه طبختو
بجوز ولوز حشيته
للماما والبابا حطيتو

هههههههههههههههههههه

ههههههههههههههههههههههههههههههههههههههههههههههههههههههههههههههههههههه
سامح اغنيتك من الاخر

يا زارعين السمسم يا زارعين السمسم خلي السمسم على امو خلي السمسم على امو والي يهوا وما يوخد لاخلي القرد ايزمو لاخلي القرد يزمو

يا زارعين السم يا زارعين السمسم خلي السمسم عاجراسو خلو السمسم ع اجراسو والي يهوا وما يوخد كبو السكن ع راسو كبو السكن ع راسو

بتناديني يا حراث بتناديني يا حراث ماني حراث ابوكي ماني حراث ابوكي قاعد ببذر بالزرعات تااعمر ارض ابوكي

ما قولتلك يا عمة الديكي لا تكنينا يقعد حبيبي سروة والنوم مفارق عينه والنوم مفارق عينه

اي كلمة مش فاهمينها اكتبوها وانا بترجمها
اقرأوها بلهجتنا بال الاتش

ارنب ارنب تحت التوته ..وشوش امو بدو يموتي

قالت امو وينو ..ظربه تقلع عينو

عينو في البلديه ......

مش حافظها كلها الللي حافظحها يكمل

ارنب ارنب تحت التوته
..وشوش امو بدو يموتي

قالت امو وينو
..ظربه تقلع عينو

عينو في البلديه
ما احلا الطعميه
انزيليت عالسوك
لاكتني هالفلاحه
ظربتني هالتفاحه
كولت اااخ يا راسي
ظربتني بالكراسي
قول اااخ يا ستار
ظربتني بنت الحمار
طلعت عالعليه
لقيت الشمعه مظويه
لقيت الشايب نايم
غطيتو ودفيتو
وشريبت من زيتو
زيتو طعم حنه
حنه يا دوالي
دوالي ابن عمي
فشر يوخذ امي (مش انا الاغنيه هيك )
امي المغربيه
دكت حيلابيه
دكتها ما دكتها
بين الشجر خبتها
اجا اخوي سركها
سركها ما سركها
سركها شكعي بكعي
سركها طير عقلي
طير عقل النوريه
نوريه ما نوريه
نوريه بنت المختار
حاجبها يفرط رمان
يفرط مد وربعيه
والشباب السلطيه
مثل الخيل المش عارف شو
يا حبيبي المد المد
خيل السبع ما بتنعد عدوها 800
غير الخيل المحذيه .

اخرها كنت انام
مش حافظها منيح على كل حال انتاج منيح مقارنه باللي نايميين ليل نهار
دشروكم من النوم وتعالو اشتغلو هان
مشكورة همس القمر على التذكير بالاغنيه
وكل بني ادم حط اشي مشكور كمان

بدي اروح عند ستي واوخد ورقة وقلم وافر ع حجات القنطرة
هههههههه

للمغرب بحطلكم اياهن
حلوة اغنيتك بس كيف لسا متذكرها |eb|

ظيعت انا ييييييييييييييييييييييييي
شو كنت متذكر
بس خلص السن بلعب دور
ههههههههههههههههههههههههه
هههههههههههههههههههههه
طلعت ع السطوح
رماني الهوا
شافني الدكتور
واعطاني دوا
فستقه يا بندقه
يا حبة كستنا
الخ

خرفتك خريريفة في
دانك شريريفة
فيها قراقاع الوادي
فيها نعزة
صيادة
قلت ليش يا نعزة قالت الوحش
اكل ابني
قلت ليش
يا وحش قال
البارود
صاوبني قلت ليش يا بارود قال
النار اشعالتني قلت
ليش يا نار
قالت المية
طفتني
قلت ليش يا ميه
قالت الثور شربني
قلت ليش يا ثور قال السكة تعابتني
قلت ليش يا سكة
قال الحداد طقطقني

وكانت ستي تخرفنا
حديدون وعديديسة
وحبة الفول
ومش متزكرة شو كمان
بس في
اكيد رح اعصر مخي وادور

حتوتة بتوتة طلع الشيخ ع التوتة والتوتة بدها سلم
والسلم عند النجار
والنجار بدو مسمار
والمسمارعند الحداد
والحداد بدو بيضة
ووالبيضة تحت الجاجة
والجاجة بدها علفة
والعلفة في الطاحونة
والطاحونة مسكرة
فيها مي معكرة

والله شاطرين وبتتعبو كمان
الله يعطيكم 1000 عافيه
نردلكم اياها بالافراح
( مشكورين على المرور)

فطوم فطوم فطومي
بدها حبة ليموني
والليمون عند البياع
والبياع بدو فلوس
والفلوس عند العروس
والعروس بدها عريس
والعريس بدو ولد
والولد بدو حليب
والحليب عند البقرة
والبقرة بدها عشب
والعشب على الجبل
والجبل بدو ميي يعني( ماااااااااااااءء)
والميي عند ربنا
الله كريم (بعدين بترفعو راسكم وبتبوسو هاي يعني واحنا انغني)
بعدين شيطان رجيم تف تفتف
بطملو هالراس الي بين اكتافكم وبتفو ع الشيطاااااااااااااااااااااااااااااااان

هههههههههههههههههههههه
صراحة فنقست وانا اكتب فيها

بهللاك بهللاك

سبع جمال بحملك

فستق وبندوق

لطلوع سنك

مره قالت الكباي

لجارتها المصفاي

شوفيني ما احلاني

لما يصبو في الشاي

هاي ستي الله يرحمها كانت اتضل تحيلنا ياها

قصة ليلى والذئب.......كما يرويها حفيد الذئب

كان جدي ذئبا لطيفا طيبا, وكان جدي لايحب الافتراس وأكل اللحوم ولذا قرر أن يكون نباتيا ويقتات على أكل الخضار والأعشاب فقط ويترك أكل اللحوم….

وكانت تعيش في الغابة فتاة شريرة تسكن مع جدتها تدعى ليلى…. ليلى هذه كانت تخرج كل يوم إلى الغابة وتعيث فسادا في الغابة وتقتلع الزهور وتدمر الحشائش التي كان جدي يقتات عليها ويتغذى منها, و تخرب المظهر الجميل للغابة, وكان جدي يحاول ان يكلمها مرار وتكرارا لكي لاتعود لهذا الفعل مجددا, ولكن ليلى الشريرة لم تكن تسمع اليه وبقيت تدوس الحشائش وتقتلع الزهور من الغابة كل يوم, وبعد ان يأس جدي من اقناع ليلى بعدم فعل ذلك مرة أخرى قرر ان يزور جدتها في منزلها لكي يكلمها ويخبرها بما تفعله ليلى الشريرة.

وعندما ذهب إلى منزل الجدة وطرق الباب, فتحت الجدة الباب, فرأت جدي الذئب, وكانت جدة ليلى ايضا شريرة, فبادرت إلى عصا لديها في المنزل وهجمت على جدي دون ان يتفوه بأي كلمة, او يفعل لها اي شيء, وعندما هجمت الجدة العجوز على جدي الذئب الطيب من هول الخوف والرعب الذي انتابه ودفاعا عن نفسه دفعها بعيدا" عنه, فسقطت الجدة على الأرض وارتطم رأسها بالسرير, وماتت جدة ليلى الشريرة.

عندما شاهد ذلك جدي الذئب الطيب, حزن حزنا شديدا وتاثر وبكى وحار بما يفعل, وصار يفكر بالطفلة ليلى كيف ستعيش بدون جدتها وكم ستحزن وكم ستبكي وصار قلبه يتقطع حزنا والما لما حدث...

ففكر بالأخير أن يخفي جثة الجدة العجوز, ويأخذ ملابسها ويتنكر بزي جدة ليلى لكي يوهم ليلى بأنه جدتها, ويحاول ان يطبطب عليها ويعوض لها حنان جدتها الذي فقدته نتيجة وفاة جدتها بالخطأ, وعندما عادت ليلى من الغابة ووصلت للمنزل, ذهب جدي واستلقى على السرير متنكرا بزي الجدة العجوز.

ولكن ليلى الشريرة لاحظت ان انف جدتها واذناها كبيرتان على غير العادة وعيناها كعيني جدي الذئب, فاكتشفت تنكر جدي, وفتحت الباب وخرجت ليلى الشريرة...

منذ ذلك الحين وإلى الآن وهي تشيع في الغابة وبين الناس ان جدي الطيب هو شرير وقد اكل جدتها وحاول ان يأكلها ايضا.!!!!!!

.

.

لشو يا سامح
أنا من ناحيتي بدي أروح عند ختيارات الحاه تعرف وين أنا بشوفهن الصبح بتجمعن باب الطابون القديم
بحارت ابو حسين ــ حاره قديمه ــ طبعاً أنسى كلامهن من الأخر وفي مصطلحات كتير ما بفهمهن بحاول أحللهن بلكه
التحليل مو بمحله
قال بتقلك الحجة فاطمه : خاشوكه يعني معلقه
دحروجه يعني بيضة جاجه
قبايه يعني كاسه
الماخوذ الغرض (هات الماخوذ يا ولد وبتأشر نفرض عبريق الشاي أفهم يعني
غزال قدامه يعني بعيد الشر فال أمنيح الغزال
الله يرمل فلانه فاهمينها
الله يسخم أم فلان بلاش

كان يبنيي غوله طويله باب عتبت ابو شاهر طويله ألها عين وحده بنص وجهه وبتمشي قفز
نادت ع عمي المختار وقالتله بدي أتعشه يا ولاد لا تطلعوا من الدار مغرب والصبح أتظاحوا لتطلعوا من دور أماياتكم

اقتباس :: الله يرمل فلانه فاهمينها

هههههههههههههه
اكيد

يا بنات يا بنات صاحب الدكانة مات حفرولو غمكولو خلو قرونو مبينااااااااات

اش اش اش
صعدت افعى نحو العش
طارت منها العصفورة
حطت قرب بحيرة ماء

مممممم
نسيت الباقي الي حافظها يكمل

او مينه مينه توني

اي سواي سواي او

حمامي حمامي ثلاث حمامات

وحدي بصلي وحدي بصوم وحدي بتعبد الله ورسول

مرئت عبله بنت النور زمي حبيبها ورايحه تزور

شو اكلك اكل لبحشي

شو شربك شرب القهوه

شو نومك نوم السيرير
شو ضحك هاهاهاهاهاهاه

يا عزرين لقريه .......... تع خذلك هالبنيه

تعجنلك وتطبخلك ........ وتعبيلك العسليه

ههههههههههههههههههههه

ستي كانت اتخرفنا قصة شجرة الدوم

بعدين بخرفكم اياها

» مذكرات فلاح اسمو ابو كريم
» لحق حالك ... !
» لا تكون متشائم
» بدك توقيع ؟ لحق حالك قبل ما ابطل
» كيف تكون محبوبا ؟