مجرد سؤال.......... هل يمكن ان نحب من لانراه عن النت؟؟؟؟؟؟؟؟

سؤال محير وشائك

سؤال يصول ويجول

خاصة فى هذه الفترة

الزمنية التى نعيشهـــا

هل نستطيع ان نحــــب

شخص لانراه.............

سواء كان هذا عن طريق

الماسنجر.. او حتى داخل

اروقة المنتديات .............

وهل ممكن ان نجنى حبــا

حقيقيا... حبا ناضجا يبنــى

ولايهدم.. حبا شفافا نقيــــا

يأخذ بالنفس والروح معــــا

الى عالم من الرقى والأبداع..

آمل ان اسمع أرائكم بصراحة

وشفافية...

لعلنا نضع النقاط فوق الحروف

ولعنا نجيب على سؤال أصبــح

ملحا ويحتاج الى وضوح..

.
.
.

وجهة نظري الخاصـــه ،،

انا لا اؤمـــن بالحب من خلف شاشـــه ...

يا حجه اللي وجه لوجه يا دوب الناس متفاهمين
مش الا حب على المسنجر ولا هان وهان؟
متي شايفي الناس
بخطبو سنه سنتين وبعدين بفسخو
فما بالكم على النت
وتطلعلو وحدة عورة ولا هبله . . . ..
بلا حب بلا وجع دماغ
ثانكس للمودوع الماسي حالو

اقتباس :: وتطلعلو وحدة عورة ولا هبله . . . ..
بلا حب بلا وجع دماغ

ههههههههههههههههههه

والله انك سادق يا سامح

اقتباس :: وتطلعلو وحدة عورة ولا هبله . .

بردو يمكن ايكون هبيلي واعور هههههههههههههه

والله انا من وجهة نضري انو الحب على الماسنجر او على انت

شغلي فاضي كتير

حتى على طبيعية يعني كمان شغلي فاضي

الواحدي اخرتها تزوج وتنسى كل هاظ الهبل

انا بعتبر كل بنت بتحب على النت بكون في فعقلها خلا

او شخصيتها ناقص لانو ياما ضحكو عليهن بس ما بتعلمن

هبلة شو نحكي بس مش جميع البنات طبعا

مشكورة الماسة موضوعك حلو

مشكور سامح ع لمرور العطر

مشكوره زيزه ع مرورك

لا ثانكس ع واجب يا سامح

انا قبل هيك بينت وجه نظري بموضوع بيشبه هاد

واكرر

ضد هالشغلة وبشدددددددددددددددددة

مشكوره لارا

وبتمنى من الجميع انو يرد ع هاد الموضوع

ممم
شغلي فارطه والله الحب عالنت والحب عالواقع كلو هبل وكدب بكدب هاد في الواقع
فما بالك لما يكون ع النت او عالمسنجر معناتو الفيوزات ضاربه عند الشخص اللى بدو يحب هيك حب هاي وجهة نضري

تحياتي

-------------
عشـــــــــان اعـــــرف أعيــــــــــــش لازمـــــــ اتعلـــــــــم فـــــــــن التطنيـــــــــــش

اكيد حكي فاضي لانو ما حب من غير نظر كيف الواحد بحب شخص ما بشوفو

حكي فاضي هالحكي الواحد اخو الي عايش معو طول السنين ما بامنلوا اش حال واحد او وحدة ع الايميل قرعة ابوها مش مبينة هاد ازا ما طلعت
بنت 6 سنين او هبلة ما في حب لا ع النت ولا غيرو هاد حكي فاضي يا الموسة الماسة حساسة عنجد انتي الماسة حساسة بس انا بشوفك بنت مش الماسة

حب ايه الي انت جاي اتقول عليه
على كل حال البنات يديروا بالهم على حالهم
واحنا بهمنا مصلحه بنات بلدنا وسمعتهم الطيبه
وسامح كفى ووفى
وانا بقول وبضل اقول بلاش من موضيع الحب والهبل
واحكو اشي مفيد خلي الناس تستفيد
مشكوره يا اختنا

مشكوره أختي الكريمه ع الموضوع

طبعاً متل ما حكيتي بهذا الزمن ما في حب
كله حكي فاضي

كلكم بتحكو هل حكي بس ورى سواهي دواهي

العبو غيرها كل واحد فيكم مسوي حالو ما بيعرف اشي

بس الله الله اعلم ما بدي اضلم احد

كمان انا ضد هاد الموضوع

أول شي بشكر الماسة حساسة على الموضوع المهم , و كمان آراء الأعضاء بتعكس تفهم واضح لخطورة علاقات من هالشكل .
أنا صراحة من اشد الرافضين لعلاقات من هالنوعية لكلا الجنسين
خلينا نبدأ من ناحية دينية
, حسب ما بعرف انو الحديث بين شب و بنت في الماسينجير أو أي وسيلة تعارف هو في نطاق الخلوة المحرمة .
من ناحية نفسية
, طرق التعارف هاي بتعكس ضعف الشخصية بين الطرفين و هروبهم من قيود المجتمع و الدين اللي كلنا بنحترمها , و عشان نكون واضحين كلنا بنعرف انو اي شخص بحاول يظهر احسن ما عندو في محادثات مثل هاي و انو بامكانو بكل سهولة يخبي كثير اشياء عن شخصيته , و كمان الشباب بيستغلوا عاطفية البنات و بيعرفوا يأثروا عليهن من خلال المواضيع اللي بتشدهن لهم , و كمان البنات مش أقل حنكة من الشباب في استدراجهم من خلال الامور التراجيدية و اللي فيها مرجلة .
من ناحية اجتماعية
حاب اذكر و احذر من نقطة مهمة . انو كل انسان فينا مستحيل يعترف انو بامكانو يوقع بالغلط فبيغامر و بدخل في علاقات غرامية في الانترنت . بس أهلوا مستحيل يوافقوا ع زواج من هالشكل , على فرض انو صار نصيب بكرة الواحد شو بدو يحكي لابنو و بنتو لما يسألوه كيف تعرفت عالماما , هل بتكون عندو شجاعة يعترفلهم , هاد اذا ما كان الامر مكشوف للمجتمع , و لما يصارحهم هل بيكون بامكانو في المستقبل منع بنتو او ابنو من علاقة من هالشكل .. كيف رح يكزن موقفو .

متأسف على الاطالة و بتمنى نوصل كلنا لنتيجة واضحة في هالمسألة
و اخيرا حاب اقول انو احنا عارفين حدودنا في الدين و العادات منيح و لازم ما نتعداها
و كمان شغلة المشاعر اشي يمكن فقدانه و بسرعة اذا الواحد استعملها غلط لذلك يجب الحفاظ عليها
و استعمالها في الوقت المناسب و خدوها من منطلق
الحب هو كذبتنا الصادقة
مع الشكر

وطن يسلم ثمك والله كفيت ووفيت
بالنسبه لفطوووم بقول يمكن انو وطن هيك ما هلى فيها حكي
يا خوان وطبعا الاخوات
موضيع الحب هالايام هي الشغل الشاغل على المنتديات
وهاد الاشي هو هدف من اهداف العدو مشان يشغلونا عن
دينا ويدبو العلاقات الغير شرعيه والفساد بينا
بدهم يدمرو جيل الشباب وينشؤو جيل فاشل
كل همه الحب والجنس والموضه والحكي والهبل
بدهم ينسونا اشي اسمو القدس واشي اسمو الدين
اخلو اي منتدى شبابي ولاحظو موضيع الحب وموضيع العلم والدين
قارنو بس وتأسفو على الوضع المخزي
طبعا انا ما بحكي الحب حرام او شي بس يا ريت نصحى شوي
ونفكر شوي
طبعا البنت ما الها الا شرفها وعفتها ولازم تعرف كيف تصونها
والشب الو خوات ام بنات ........الخ . فما يحاول يكذب على بنات العالم
لانو الشغله سلف ودين ؟!!!!!!!!!
ان شا الله يكون وضح الحكي
وطن بكرر شكري الك

براي شي كتير تافه لانو الي بحكي مع وحده بيحكي مع وحدات
ونفس الشي بالنسبه للصبايا
انا ضد هاد الشي
وكتير فرحني انو كمان الكل ضدو بس ياريت الكل حكى رأيو بصدق وامانه
وما ينسا انو كما تدين تدان يعني الي بدو يعمل هيك شي مايزعل لما وحده من خواتو تعمل هيك
ويتأكد انو هو السبب الرأيسي
بتمنى الكل قبل ما يفكر تفكير يلعب ع بنات الناس
يحط الله بين عنيه لانو لو عمل هيك مستحيل يكمل
وشكرا كتير الماسه حساسه
تقبلي مروري

أخ بلال
أنا كمان بشكرك على تعقيبك المهم
و حاس انو في أزمة ثقة عند البنات
أنا حاب أطمنهن من ناحية كثير من الشباب انهم بيعرفوا حدودهم مليح و بيحسبوا حساب كبير لنتائج هاي العلاقات
أنا شخصيا بخالف بعض الأعضاء من ناحية ( كما تدين تدان ) لأنو مقطع الآية الكريمة بقول ( و لا تزر وازرة وزر أخرى) .
يمكن تكون التربية هي العامل الوحيد
يعني اذا الأخوة اتربوا انها ما تفرق معهم هيك أمور بتصير كما تدين تدان
تقبلوا رأيي[b]