نحكي رأينا بجرأة.......

[color=green]شو اللي عاجبنا ؟؟؟؟؟؟؟
وشو اللي مش عاجبنا؟؟؟؟؟؟

في قبلان , اهلها . عاداتها. موقعها. تربية ولاد قبلان . الثقافة .التعليم .
اي اشي بتحبوا تحكوا فيه


بالنسبة الي انا اخترت موضوع احكي فيه اللي هو (التعصب للعيلة....)
يمكن اكون من اكثر الناس حب للبلد اكيد في ناس مثلي واكثر
انتشر في الفترة الاخيرة وكانت مرحلة صعبة في البلد
خليني احكي عنصرية للعيلة يعني حتى ولاد صغار كانوا يسألوا
اهلهم انا من اي عيلة؟
والله كنت اتضايق,ما ببالغ .... حلو انو الانسان يكبر في اهلوا وعيلتو بس ما يقلل من شأن اي عيلة تاني
احنا كلنا ولاد بلد واللي بيجمعنا اشيا كتيرة اكيد منها الاسلام والاسلام نهانا عن التعصب .
المفروض انو احنا الشباب نحاول نقضي عهاي الظاهرة في البلد ونوعي اخوتنا الصغار واولاد اقاربنا
من هالموضوع

اكيد كلنا سوا شباب وبنات من (الاقرع . الازعر . العملة . عابد) بنبني بلدنا قبلان لأنا كلنا بنتشرف فيها وهي كمان رح نشرفها


اخوكم احمد [/color]

اخي ما يحكم هذه الافكار هم الاباء والامهات بمجرد تعليق بسيط من الاهل عن عيلتنا وعلتهم وتبنى جسور العنصرية في نفوسنا كاطفال ونكبر والمجتمع يبدا ويرسخ هذه النظرية فينا هاد ابوه غني وهي بنت فلان كارموها وندخل في الدوامة نفسها مع الحطام النفسي داخلنا وخصوصا ان كنا من عائلات بسيطة وان تغير حالنا عدنا انا وانت لنسقيها لاولادنا مثل ما فعل اباءنا دونما شعور منا اه اخي قضية صعبة
الحل كما قلت عودة لديننا وتنتهي القضية غير اننا انا وانت وكل من سيقرا ما كتبت سنعسى ولنغير نحن بانفسنا ومن ثم اولادنا

ملاحظة :اتسمح لي ان اعرف معنى الصورة التي وضعتها في ملفك الشخصي

في قبلان الصراحة بتعجبني بكل ما تحتوي
, اهلها .
كلهم كرم وطيبة ونخوة
الي ما بعجبني انهم كثيييييييييييييييييييييييييير عصبية
عاداتها.
في عادات كثييييييييير رائعة وفي عادات مش مزبوطة يعني ما بتتعارض مع الاسلام بس راكضين وراها موقعها
مميز ولا احلى
. تربية ولاد قبلان
لا تعليق
. الثقافة
الله يزيدها
.التعليم . عند البنات لا باس به اما الشباب
اي اشي بتحبوا تحكوا فيه
تعليم الاولاد هون كثير سيئ برائي بحاجة لنقاش

تقبل راي ومروري

مشكورة اختي ليان


بس يمكن كنت بتمنى برضو تحكي عن اشي تاني
بتحبيه او بتكرهيه في البلد


اما بالنسبة للصورة اكيد الها اكثر من معنى
من ضمن هاي المعاني معنى بخصني ما رح احكيه
لأني حر

اما اميرة المساء انتي اختصرتي كل اشي واحنا اكيد فهمنا وجهة نظرك
بس ممكن تحكي اشي من العادات اللي مش مزبوطة
مع الشكر

من اكتر الاشياء اللي بتضايقني بقبلان....
هو تدخل الناس الزاااايد ببعضهم.....
وانه الاخبار ما شاء الله ولا الجزيرة...خاصة اللي ممكن تؤذي الناس


بس هاد ما بيعني انه فيها اشياء لاااتعد ولا تحصى عشان نحب قبلان الغالية..

تحيااتي لكل اهل قبلان

اختي رفيقة القلم

بما انا مجتمع قروي ...وكل الناس بتعرف بعض
سهل الناس تعرف اخبار بعض بمكن التدخل في خصوصيات بعض
برجع لنقص الثقة عند الناس اللي بتدخلوا في غيرهم
وفي الاخر ما حد بخسر غير الانسان اللي بتدخل في اللي ما الو فيه
خاصة اذا كانت نيتو مش طيبة


مشكورة

ما بعرف من قبل كان مطروح موضوع قؤيب من الموضوع الي طرحتو انتا

شو بالنسبة الي بقدر احكيلك كثير من السيئات وكثر من الحسنات

بس انت بتحكي عن عادات مستحيل انغيرها بصفحة على المنتدى الي كل المعنين بالموضوع مش رح ايشوفو

اذا حاب تحكي عن السيئات الي بمجتمع قبلان ما حد معني بالموضوع هاد رح يفتح المنتدى ويفتش

واذا انت حاب اتحاول تصلح بعض الاخطاء اعتقد انو في طرق افضل من المنتدى لانك بحاجة انك تخاطب الفئة المستهدفة واعتقد انها مش بالمنتدى

مواضيع زي هاي بتثير كثرة الحكي و العصبية من غير ما نخلص بنتيجة



على سبيل المثال

في برنامج على قناة الجزيرة الاتجاه المعاكس

بالله عليك كم سنة وهمي ايبثو فيه
نفس الاسلوب ما تغير ونفس الموضاضيع ونفس الشخصيات
وما غير او صحح ولو جزء بسيط من اي قضية طرحها او قرب وجهات النظر بين الناس

احنا ما بدنا حكي على الفاضي

اذا انت حاب انو تصحح خطأ بتقدر تحدد نوع الخطأ وطريقة تجنبو او علاجو

اما ندخل بمواضيع نقاش بتخص بلد كاملة اعتقد انو خطأ هاد الحكي
يعني انت حاب تستعرض اخطاء البلد وهفواتها




اما بالنسبة للعصبية العائلية

الي بحكي انها بقبلان بكون غلطان
بالعكس لو تعرف كيف القرى الثانية بيتعاملو مع بعض بتحكي احنا بالف نعمة

المهم انا ندعي ربنا يحفظ هالبلد وجميع بلاد المسلمين

اخي نور بداية القول اشكرك
بالنسبة للتغيير ما تكون متشائم كثير ... لأ . احنا الشباب انشالله رح نغير ...وبعدين مش هيك النقد لازم يكون
انو كلو حكي فاضي ..... لأ يا نور... المنتدى هاد واجهة لشباب قبلان ولما احنا نحكي اراءنا بجرأة رح نعكس صورة حلوة وممكن تاثر لأنو تقريبا النت موجود في معظم البيوت
بالنسبة للتعصب العائلي ... بعرف انو في قرى ثانية موجود اكثر من هون وفي قرى غيرها اقل
بس هو موجود
والامثلة عندي كثير ما رح اطرحها ... عشان هيك انا مش غلطان وانا متاكد انك عانيت لأنو في فئة كانت موجودة في البلد زرعت هاي الافة في نفوس الشباب وصارت من ورا هاد الحكي كوارث خسرنا فيها ناس ابرياء ....

كل الاحترام لمرورك ولرأيك... بس برضو انت تقبل رأيي .. ممكن اكون صح ... وممكن كمان انت صح
في النهاية اكيد احنا اخوة... ولاد بلد

يا اخي مجرد طرح موضوع زي هاد ممكن انو يشعل التعصب

ممكن انت هدفك انك تصحح بس ما بدنا نفتح الموضوع وما نعرف انسكرو الله يرضى عليك

انا كل همي ما ينفتح الموضوع هاد خلي الناس تنسى العصبية العائلية اشوي

كا ما حد نسيه بنيجي بنذكرو ما بجوز هيك

والله يا اخوي انك غريب قياسك للامور
واحد بحاول يحل مشكلة بتيجي تحكي انو بدو يشعلها
انا متاكد انك عارف شو هدفي وشو اللي في داخلي
الله يرضى عليك ما تضيع وتضيعنا معك من ورا فلسفة غريبة جواك


امشكور عردك
وبتقدر اذا ما عجبك الموضوع تطرح موضوع ثاني للنقاش وهيك انا ما رح ادق عالموضوع
...انا حكيت الموضوع وطلبت نطرح مواضيع تاني ... انت خليتنا ندق عالموضوع كان المفروض انك تطرح موضوع ثاني

لو بعرف انو في فايدة او ممكن حد فينا ممكن ايغير اشي بحكي


بس الكل عنا حكي

مش شاطرين غير بطق الحنك و الله يا خال


يعني لو انضل سنين واحنا متناقشين وحالتنا حالي مش رح انغير اشي



انا اسف اني بحكي هيك

بعرف كثير بتزعلو من الصح

والله يهديني ويهديكم

بالعكس ما بزعل من حكيك سواء صح ولا غلط


وعشان تعرف اني مش زعلان ما رح اعقب ولا اكمل رد عالموضوع هاد

ف مثل ياباني بحكي(((كلنا اخوة فقد جففت ثيابنا شمس واحدة)))

بس انت خليك هادي ورايق ... والدنيا ما تسوى يا خااااااال

في قبلان الصراحة بتعجبني بكل ما تحتوي
, اهلها .
كلهم كرم وطيبة ونخوة
الي ما بعجبني انهم كثيييييييييييييييييييييييييير عصبية
عاداتها.
في عادات كثييييييييير رائعة وفي عادات مش مزبوطة يعني ما بتتعارض مع الاسلام بس راكضين وراها موقعها
مميز ولا احلى
. تربية ولاد قبلان
لا تعليق
. الثقافة
الله يزيدها
تعليقك جميل يا اميرة المساء بس انتي بتحكي عن زمن مضى مش هاد الزمن لانو بهاد الزمن قبلان تعتبر جهنم التانيه
وتقبلو مروري

اقتباس :

التعليم . عند البنات لا باس به اما الشباب

بهههههههههههههه

اقتباس :

مقالة:
التعليم . عند البنات لا باس به اما الشباب

بهههههههههههههه

مالك بتضحك سامح ؟؟؟
مزبوط الحكي هاد
انت بتدرس في النجاح وبتشوف الفرق بين نسبتنا ونسبة البنات

اقتباس :

مقالة:
التعليم . عند البنات لا باس به اما الشباب

بهههههههههههههه

ما في اشي بضحك سامح
احنا بنحكي جد