هل ترضى حد يفتشلك جوالك؟؟؟؟

اليوم حاب أطرح عليكم موضوع مهم جدا ... وبدو نقاش جدي
بدي تجاوبوني بصراحة

الكل بيعرف انو الجوال صار من أساسيات الحياة
وعنا .. قلة قليلة جدا جدا اللي ما بيستعكملو الجوال
لأنو الجوال صار بمثابة سكرتير آلي إلنا
بصحينا وقت ما بدنا .. على الصلاة .. وعلى ددوام الجامعة
وعلى أوقات المناسبات .. وأوقات المحاضرات
وبنستقبل في الاتصالات والمسجات
وطبعا الجوالات اتطورت .. مو بس للاتصالات .. والمسجات .. وهلأ البلوتوث الي طبش الدنيا!!
يعني أغاني ورنا .. وصور ومقاطع فيديو ..و.. و..و... إلى آخره

وبطل الواحد يستغني عنو .بالنهار معلق بخصرو أو بجيبتو. لدرجة انو لما ينام .. بنيمو معو تحت المخدة!! صح ولا شو؟؟
المهم بلا طولة سيرة .. رح أوصل للسؤال اللي في بالي

لو إجا حدة وطلب منك جوالك علشان يفتش فيه أو يتسلى ..ويقرأ مسجات؟؟؟..أو يقرأ قائمة الأسماء.. ويتفرج على مقاطع الفيديو اللي فيه ؟؟؟؟
بتقبل تعطيه اياه ولا لأ
المعظم بيحكي لأ... طيب إزا لأ
ليه؟؟؟؟؟
هل لأنو الجوال ... اشي خصوصي .. وما بسير حد يتدخل فيه؟؟
ولا لأنو في إلك أسرار وما بترضى تخلي حد يتدخل فيها أو يتطلع عليها؟؟؟ يعني في إشي خطير ممنوع حد يشوفو؟؟؟؟
ولا من كتر محبتنا وتعلقنا بالوال ما بنتركو

طيب إزا انت رفضت شو رح يفكر اللي طلب منك؟؟؟ وين رح يروح فكرو؟؟؟

أسئلة كتيرة بتدور ببال الواحد ...
ياريت تشاركوني بالرد والإجابة على التساؤلات واللي مابدو يكون صريح ... لا يرد.. بليييييز

كيفك يامدينة الحب

والله موضوعك حلو النقاش فيه لانه الكل بتعرض للهشئ

انا بعتبر انه الانسان الى بلجئ لتفتيش جوال غيره انسان طفيلي

انا شخصيا كنت مااحكى لحد لا لو طلب جوالي بس بعد تجربه بحكي للجميع انه لاتخلى حد يفتش بجوالك مين ماكان خلى يزعل وينشرط بس في نفس الوقت راس بظل مرتاح

انا بالنسبة الي ما في مشكلة بالموضوع هاد

لاني مش مستعد احفظ اسراري في الجوال

مش صح اني اعطي جوال لحد يلعب فيه

صارت معي من قبل كان اي حد يجي يوخذ الجوال
وكان فش اي مشكلة بالموضوع يعني
بكتشف بعد فتر في حد من الي كنت ساكن معهم
كاين يبعت رسائل لبنت من جوالي وصارت مشكلة على الموضوع
والمشكلة الاكبر انها البنت من الخليل وانا الي صرت بالصورة لانو جوالي
والله من فوق ستر ولا كان اكلنا هوا

والمرة الثاني كنت احط البلفون على المكتب او يكون على الكرسي
بس اجا شب وعلم علي وسرقو

المشكلة الي اكبر من هيك اني ما تعلمت من القصة هاي
وما بسأل كثير اذا حد اخذ جوالي او لعب فيه



مش عارف شو قصتي


اما بالنسبة للأسرار فعادي هاي

و الله يا نور انا المرة هاي ضدك يعني

مش لازم تثق بالناس لهدرجة يعني

صح انت ممكن اتكون صادق مع الناس وما تحاول تمل اشي غلط

بس في ناس اكثير بحاولو يستغلو اي نقطة ضعف عشان ايوقعوك

لازم اتكون حذر


عشان هيك ما بسمح لاي حد يلعب بالجوال

والله موضوع ممتاز جدا
المهم انا ما بدي اجاوب
بدي اسأل؟
الي بدو يفتش جوالك شو هدفو؟
لليش بدو يفتش جوالك؟
اذا صار وانو اخد الجوال......
ليش يفتح على الرسائل ......
ليش يفتح الاسماء؟؟؟؟؟
ليش يفتح الملفات الخاصه
سواء كانت صور او فيديو او اي شي...
فلذلك انا ما بعطي جوالي الا لناس معينين
بوثق فيهم كتييييييير كتيييييييييير
وتاني شي انا ضدك يا سيد نووووور
الجوال بالنسبه الي مستودع الاسرار
ولو انو ما عندي اسرار بس لازم يكون الو
خصوصيته ......
بعرف اني طولت بالحكي ... من الاخر
لا تعطي جوالك لاي حد لانو ولاد الحرام كتتتتتار
شكرا جزيله مدينه الحب موضوع في غايه الاهميه

مشكورين جدا على المرور

بانسبة الي انا ما بحب حد يفتش جوالي ،مع انه ما في اشي خاص او بالاحرى ما بحط فيه اشي خاص لانه ممكن اتعرض للمشكلة هاي وليش تا احط حالي بموقف محرج اذا في حد ما بستحي وكشف الاسرار اللي بالخلوي عندي ونشرها .
MUHANNAD M.SABBAH

انا بالنسبة اللي ما في اي مشكلة عندي ما عندي اسرار ولا شي
عادي لو مين ما كان فتحوا
تحياتي

عادي ما فيها اشي لانه ما في اشي عندي مخبا

لا ما بحب حد يفتح جوالي
الا امي او ابوي لانهم همي بس مسموحلهم حتى يطمنو علي
اما الباقي وما ادراك بالحشريين
لازم يضلوا يبعبشو بس انا حاطة كود سري عشين ما حد يفتحو

وكمان اه حاطه فيو اسراري
اكيد مش مخفية عن امي وابوي
بس عن الباقي
مشكور اخ مدرسة الحب

ههههه انا مدينة الحب انتي مدرسة الحب الله يرضى علكي

مشكورة اختي

بالنسبة الي ما بقلق ولا بهمل هم واحد يفتش جوالي او حتى لو نسيتو في مكان عادي

بس بستغرب ليش ييجي واحد ويطلب تفتيش جوال ؟؟؟
ما في اي عذر الو غير انو طفيلي

بعدين ما بصير نحط خصوصياتنا في الجوال الا اذا كنا متأكدين من نفسنا ومركنين عحالنا انو ما نفقدو او ما نستحي من حدا طلبو

طيب مش تا يبقى عندي جوال بالاول


يعني على خير بس اجيب

عادي ما بتفرق ازا حد شافوا او فتح الملفات يعني شو بدي اكون حاطط في

صور اغاني .انو اشياء عادية وشو هالسر اللي بدو ينحط بجوال

واللي ما بحب حد يلعب بجوالوا

احسن وحسن زي ما حكا نور لولا شوي كان صار معا مصيبة

خليك ناسينا ان شا الله بيصير عندك جوال

الامر المهم والسؤال الاهم ليش الناس هدووول بيجوا يفتشو الجوال.؟
حتى لو ما في شي او في شي
هاد هو موضوع النقاش
يعني شو غرضهم

يمكن فضــــــــــــــــــــــــول وقلة زووووووء فيهم
مش اكتر ولا اقل

يمكن اه ويمكن لا
يعني يمكن انو بيفتشوا لهدف مش شريف؟؟؟؟؟؟؟؟

اللي معاه سلكوم شامل هاد الموضوع
ههههههههههههه مزحه
بالنسبه للموضوع
اكيد ما بقبل لحدا يطب فيه مع انو ما فيه اشي خاص
بس مثل ما حكيتو الغلط بيبلش من اللي بيطلب انو يفتش
ولو صادفت واحد هيك جميلتو حالو بس انو بعرف مين هاد
يعني مو اي واحد من الطريق بسلمو التلفون اكيد
شكرا مدينه الحب على الموضوع الحساس

لا طبعا اكره ما علي حد يصيب جوااااااالي

هااااااااااااااااااااااااااااااا
شو بدك

اولا مشكورين على الطرح
تانيا بالنسبة الي لأ لانو ما حد دخلو بجوالي لانو كل واحد عندو خصوصيات وما بحب الناس تطلع عليها بعدين بغض النظر عن الخصوصيات غير المشاكل الي بتصير من تحت الجوالات والله يعلم الي بدو يشوف جوالي شو يكون ناوي

اولا شكرا اختي على طرح هدا الموضوع
الهاتف النقال اصبح من ضروريات الحياة في يومنا هدا ولكن بعد التطورات التي شهدها اصبح الكثير يستعمله في اشياء غير لائقة لا بالدين ولا بالحياء
انا كي اجيب ان السؤال :ترضى حد يفتش في هاتفك النقال؟؟ وليش؟؟
بالنسبة لي لا ارضى تماما ان يفتش احد في هاتفي النقال لأنه يعتبر من حاجياتي الشخصية
اسفة على الأطالة