لليش عايشين؟؟

مرحبا يا شباب
ويا بنات
اكيد في لكل واحد فينا حلم او هدف بيسعى مشان يحققو
شو هالهدف وهل فيه امكانيه لتحقيقو؟؟
يا ريت الجميع يشاركنا هدفو

انا بدي ابلش هدفي احصل على رساله الماجستير على الاقل واشتري بي ام كوبرا من الجداد
وان شاء الله الا احققو خلال 8 سنين بالكثير

ان شاء الله اهدافكم تتحقق
بس انا هدفي اتخرج واحصل على ماجستير
واشتغل شغل خاص فيي انا وان شاء الله راح احققو
الله بعلم وينتا يمكن بعد 20 سنة

والله هدفي اني اكون مهندس اتصالات او طبيب عام.


واكون مدير شركة او مالك(ادعو الله يوفق)

ويكون عندي سيارة فراري او بيجو ..........

وان شاء الله بيتحقق الهدف خلا 15 سنة



بس اكثر شي

اني اوخد التوجيهي بتفوق

مشكور سامح

اولا مشكور سامح على طرحك للموضوع
انا حلمي انو اكون طبيب اسنان بس يمكن مايتحقق

والله يا سامح انت اكيد بتعرف شو الحلم
او شي بحلم انو تتحرر فلسطين
ونعيش بإمان واستقرار .
اما عني انا بلشت مشواري الدراسي
بكليه الهندسه ورح اكمل رغم الصعوبات
وان شاء الله يوفقني واتخصص
واكمل ماجستير واشتغل شغل
يخدم البلد ويخدم الامه ويخدمني انا
اما عن السياره بمتنى جيب 4*4
بعض النظر عن النوع والطيراز
في حلم ما بقدر احكي سامح بيعرفوا
مشكور سامح على الموضوع

والله انكم كبار وبدعي ربنا يحقق احلامكم يارب

انا بصراحة كنت احلم اني اكبر واستلم مكتب وعلى اساس مدير وابصر ايش

يمكن صار هاد الاشي

بس وحياتكم بندم على كل الساعات الي مرت وخلتني اكبر

ما بدي احكي اكثر من هيك ما بدي احبط حد فيكم الله ايوفقكم يا رب

من 23 سنة وانا ماشي صح ما اخذت من حياتي غير الغدر

مش عارف المهم في الاخر مش حاب اتمنى اشي خايف يتحقق

ان شاء الله انو كلكم الله بيوفقكم وبتحققو كل اللي بتتمنوه

قال تعالى (وماخلقت الجن والانس الا ليعبدون ما اريد منهم من رزق وما اريد منهم ان يطعمون )
لهذا خلقنا

هههههههههه
يا ليان وبعدين معك يعني احنا
بدنا بشتري سيارة وبدنا ندرس ببجامعات
وبدنا نكون اسرة..........الخ
هاي بتوخذ الاولويه على الجنه ؟؟؟؟؟؟؟؟؟؟؟؟؟
اكيد لا انتي لشو بتشتغلي بالدنيا للدنيا؟؟
ركزي (الخطه الدنيويه يا ليان)

اخي انا بشتغل بالهل الدنيا من اجل الاخرة اللهم لا عيش الاعيش الاخرة يا سامح
كله واحد طبيبة مهندسة عاملة اي شيئ ولكن اولا شيئ اريد هو الجنة وهذا راي انا لا اتهم احد اخي هذا هدفي وانا حرة صححححححيح

اقتباس :

انا لا اتهم احد اخي هذا هدفي وانا حرة صححححححيح

اه اه اكيد ما حدا الو دخل فيكي بس لا تقلبيها .............
تزعليش اكتر من هيك ماني حابب اعلق عالموضوع

بالنسبة الي
اكيد اول شي رضا ربنا هاد اول شي لازم نسعاله . . .
بس بالدنيا . . .
انا بتمنى اكمل دراستي الجامعية على خير انشالله
وبعدين نفسي افتح مستوصف خاص الي اعالج فيه الفقراء والمحتاجين
واخلص من قرف المستشفيات
وارجع على البلاد اعيش بسلام وامان مع زوجي واولادي(انشالله)
انشالله تتحقق كل امانينا
تحياتي الك ياسامح على هيك موضوع مميز
على الاقل فكرنا بالمستقبل بصوت عالي هالمرة

انا هدفي اخلص دراسة واكون سيدة عملية
ومتعلمة واكون سيدة اعمال ناجحة
والله الموفق
مشكور سامح

عنجد حلو هالموضوع

انا بدي احضر للتوجيهي مشان اجيب معدل
برفع الراس

وكمان ادرس ازا مش طب هندسه ديكور


وبعدين لكل حادث حديث

عن جد هالموضوع حلو
وانشاء الله
بتحقق امنيتك يا اخ
سامح وانت بتستاهل
كل خير

لكل مرحلة اهداف وطموحات
اولا ارضاء الله تعالى لنصل لجنته
ثانيا في هذه المرحلة اعيش من اجل عصافيري الصغار اغرس فيهم حب لله والعمل للعلم باحسن الاخلاق
والمشوار طويل وصعب وبعيد
مشكور اخي على الموضوع