عدد الرسائل : 4103 العمر : 40 مكان الاقامة : QABALAN العمل/الترفيه : واحد من الناس المزاج : الحمد لله نقاط : 7509 تاريخ التسجيل : 10/02/2009
موضوع: طلاب مدرسة الراشد ...مستوى اكاديمي متدني الأربعاء مارس 24, 2010 12:13 am
...من برة هالله هالله ومن جوه يعلم الله ........ باختصااااار
مدرسة جديدة .... في قبلان .... بجهد اهالي قبلان الكرام .... وبانجاز اعتدنا عليه من بلدية قبلان المتميزة
من سنوات قليلة تم انشاء مدرسة ثانوية بمعايير حديثة ...أبنية ساحات خدمات مرفقات ....
بس للأسف لحد الآن نتائج الطلاب .... دون المستوى .....
الاشي اللي منع المدير ينشر نتائج الطلاب في النت ..........
شو القصة ؟؟؟؟
مش عارف ... الطلاب .... الأهل ...... المعلمين ؟؟؟؟؟
او الثلاث بلعبوا دور كبير ..........؟؟؟؟
يا ريت نفتح ساحة للنقاش بشفافية ... ونشوف الأسباب ... ونحاول نوجد حلول عملية للموضوع .... أكيد أنا عندي افكار
وحلول مقترحة رح اطرحها في الردود وأعقب على ردود الاخوة والاخوات......
SAMIH المدير العام
عدد الرسائل : 3427 العمر : 34 مكان الاقامة : جنب دار جيرانا العمل/الترفيه : ملكش دخل المزاج : مكتئب ! نقاط : 6066 تاريخ التسجيل : 03/01/2009
موضوع: رد: طلاب مدرسة الراشد ...مستوى اكاديمي متدني الأربعاء مارس 24, 2010 2:25 am
هع اول شي مشكور على الطرح المتميز 2 شي بحب احكيلك انو السبب الرئيسي الطالب في كل شي لانو : الطالب بيتفاخر انو كسر درج او كسر باب او حنفية والسبب بيعود للثقافة السائدة بين الطلاب ثقافة سرقة السيارات وبنطلون ديزل وبوت نايك كل هاد في عقول الشباب بتلاقي ولد ما كمل ال 10 سنين بيحكي شلوم حفير و اكول بسيدر وبوكر توف هان بيلعب دور الاهل في الموضوع يوم يسمع ابنو بيحكي عبري بينشرح قلبو وبيكيف يعني الاهل بيلعبو دور لانو المفروض الولد بيقضي ثلثين النهار في البيت بس مع كل اسف في اطفال في البلد عمرهم 13 سنة بيدخلو البيت الساعة 2 في الليل مع انو انا شب وعمري 20 سنة وبلشت اطلع من البيت واسهر برة قبل سنة وين دور الاهل هان ؟؟؟ ابنك جاب شهادة فيها 7 مقصرات بدل ما تعلمو انو الفصل الجاي بدي معدل في ال 80 بيعلمو اذا جبت 4 مقصرات الك بلفون ؟ ؟؟؟ شو هالفهم الزايد ؟ واخر شي بيجي دور المدرس وهان بدي اعطي امثله : زمان كان الاستاذ يخافو منو الطلاب لانو كان مسيطر على الوضع انا ما بحكي انو الطالب يخاف من استاذو بالعكس الصحبة حلوة مع الاساتذة وكثير كمان وبيساعد في حل مشاكل الطلاب لانو بيكون في مقام الاب ومن علمني حرف كنت له عبد بس يا جماعه لو الاستاذ بيضبط الحصة بيغصب الطالب انو يدرس في مليون اسلوب لتحبيب الطالب في المادة واذا ما نفع واحد في الثاني والدليل هان انو بتلاقي اساتذة حصتهم محبوبة وماد\تهم كمان واذا مش المادة محبوبة بتلاقي الطالب بيخاف ما يحضر يقوم يتبهدل او يوكل قتله يعني الاستاذ بيقدر يخلي الطالب يدرس غصب عن ابوه بس هان في مشكله وحده من وجهة نظري انو طالب في الصف الاول ثانوي ما بيعرف يقرا ولا يكتب ؟؟؟؟ شو اللي بدك تعلمو عالفاضي راحت عليه هع المادة عن الاعراب والاخ ما بيكتب ولا بيقرا عسى انو وصل اشي من اللي حكيتو او كان حكيي منطقي ومشكور على الموضوع خيو
شام مشـرفة المنتدى الاسلامي
عدد الرسائل : 1994 نقاط : 4442 تاريخ التسجيل : 07/05/2009
موضوع: رد: طلاب مدرسة الراشد ...مستوى اكاديمي متدني الأربعاء مارس 24, 2010 3:05 am
من خلال خبرتي في مجال التدريس وانا لا اعرف المدرسة المقصودة اعتقد اخي المشكلة هي في الكادر التدريسي والاداري لانه الاساس الذي بيده الضبط والتوجيه
غير اني لم افهم هي مدرسة خاصة ام حكومية مجانية
شكرا اخي على الطرح
دمت بحمى الله
الشموخ ريفي ماسي
عدد الرسائل : 905 العمر : 29 مكان الاقامة : الغربة المزاج : جنان نقاط : 1667 تاريخ التسجيل : 07/05/2009
موضوع: رد: طلاب مدرسة الراشد ...مستوى اكاديمي متدني الأربعاء مارس 24, 2010 3:22 am
والله الاخ سامح حكى كل شي
كمان انا بدي ازيد اشي انو جيل هاد بيلعب دور كبير يعني جيل السرعه بدهم كل شي على الجاهز
ما بدهم يصنعو الاشي بدهم الاشي يصنعهم
كمان الاحتلال ماثر عليهم كثير يمكن كمان بعضهم عندهم الحياه الاجتماعيه في البيت مدهوره وهاد الاشي بيلعب دور كبير بيخليهم ينحرفو اخلاقيا و دينيا
بعدين استغفر الله في بعض منهم ما بيركع ركعه في اليوم ولا بيعرف عن دينو اي اشي
الله يصلحهم و يهدي بالهم و يستقيمو
شكرا الك اخ على الموضوع هاي بعض الاسباب بعدين بحكي عن الحلول
بكرة احلى نائب المدير
عدد الرسائل : 4103 العمر : 40 مكان الاقامة : QABALAN العمل/الترفيه : واحد من الناس المزاج : الحمد لله نقاط : 7509 تاريخ التسجيل : 10/02/2009
موضوع: رد: طلاب مدرسة الراشد ...مستوى اكاديمي متدني الأربعاء مارس 24, 2010 3:37 am
مشكورين شام سامح فطوم عالردود .....
بالنسبة للمدرسة اختي شام ... هي حكومية .... مش خاصة
اقتباس :
شي بحب احكيلك انو السبب الرئيسي الطالب في كل شي
انا مش معك سموووووح ...... مع احترامي لرأيك ... وثقتي في رأيك
انت حكيت انو السبب الطالب ..... وبعدين كتبت وشرت ..... لقيت أنا من ورى شرحك انو السبب
الأهل ....
اقتباس :
اعتقد اخي المشكلة هي في الكادر التدريسي والاداري لانه الاساس الذي بيده الضبط والتوجيه
اها .. أكيد بوافقك الرأي ... بس برضو مش كل الدور الهم لازم للاهل وللطالب دور
يا ريت أختنا شام انو المعلمين يعطوا من قلب ...
ومش هدفهم المعاش .....
يا ريت يحسوا بالمسؤولية الكاملة تجاه الطلاب ...... ويفهموا تطلبات ونفسيات جيل مراهق
وأطفال ....
يا ريت يكون في مرشدين اجتماعيين مبدعين ....
اقتباس :
كمان انا بدي ازيد اشي انو جيل هاد بيلعب دور كبير يعني جيل السرعه بدهم كل شي على الجاهز
أختي فطوم ... مين اللي صنع هاد الجيل ورباه وأنشأوا
انا مثلا لو أهلي ما حكولي وعلموني وأمروني في الصلاة كان يمكن ما بصلي
او تأخرت تا صرت أصلي
.... يا ريت الامهات يعرفن دورهن ... وما يتغاضين عن اخطاء ولادهن وبناتهن
....
لسة في حكي كثيــــــــــــــر
FRE_D d o O o m مشرفة منتدى النقاش الجاد
عدد الرسائل : 4029 العمر : 32 مكان الاقامة : المريخ نقاط : 6125 تاريخ التسجيل : 22/05/2009
موضوع: رد: طلاب مدرسة الراشد ...مستوى اكاديمي متدني الأربعاء مارس 24, 2010 8:38 pm
اقتباس :
كمان الاحتلال ماثر عليهم كثير
والله يا فطوم هاي حجة بحاجة حبيبتي
هاد الي شاطرين فيه
يمكن بلدنا مش ناقصها شي ما شاء الله
ومش هالتأثيييييييير الكبير من الاحتلال عليهم
بس همي جيل ..........
قد ما حكينا ولفينا ودرنا الدور الاول والاخير في التربية والارشاد الصحيح بضل بأيد الاهل
بينقصوش اشي لو يراقبو اولادتهم شوي يصاحبوهم بهالمرحلة عالاقلة ما فيها بعدين يصطفلو
ولا خلف وزت يعني
الله يوفقهم يا ررررررررررب ويهديهم
بكرة احلى نائب المدير
عدد الرسائل : 4103 العمر : 40 مكان الاقامة : QABALAN العمل/الترفيه : واحد من الناس المزاج : الحمد لله نقاط : 7509 تاريخ التسجيل : 10/02/2009
موضوع: رد: طلاب مدرسة الراشد ...مستوى اكاديمي متدني الأربعاء مارس 24, 2010 8:49 pm
اقتباس :
بينقصوش اشي لو يراقبو اولادتهم شوي يصاحبوهم بهالمرحلة عالاقلة ما فيها بعدين يصطفلو
شكرا فري دوم .....
كثير حكيك معقول ومنطقي
يا ريت الام تكون قريبة من بنتها ...ومن ابنها .....
والاب كمان ....
يشوفوا شو بعملوا ولادهم في المدرسة وشو بتعلموا بالزببببببط
عشان ما يتفاجأوا بكرة في شهادة او نتيجة أو أخلاق ما كانوا يستنوها من ولادهم
غياب دور الاهل بعطي ففرصة للابن والبنت ..... في استغلال ثقتهم الغير مبررة
خاصة انهم جيل مراهق مش عارف شو بسوي.....
أ.محمود قاسم أزعر ريفي فضي
عدد الرسائل : 152 العمر : 54 مكان الاقامة : قبلان العمل/الترفيه : معلم نقاط : 383 تاريخ التسجيل : 30/01/2009
موضوع: رد: طلاب مدرسة الراشد ...مستوى اكاديمي متدني الإثنين مارس 29, 2010 5:17 pm
السلام عليكم ورحمة الله وبركاته ، بداية المعذرة على التأخير في الرد على هذا الموضوع ، وشكرا للأخ الأستاذ - مع وقف التنفيذ ( بكرة أحلى ) . هذا الموضوع بحاجة إلى عمل ونقاش جاد يطول ويطول ؛ لأن عليه يتوقف مستقبل الفرد والجماعة والشعب بل الأمة كلها .... هناك شيء اسمه العملية التعليمية ولها عناصر : الأهل والطالب والمعلم والمنهاج والمسؤولون ؛ وكل هذه االأطراف تشترك في عملية التعليم ، فباهتمامها وأدائها - كل لدوره - يتحقق التقدم والنجاح ، وأي تقصير أو ضعف أو إهمال من أي منها سينعكس مباشرة على عملية التعليم ، وأنا باعتقادي ومن خلال خبرة أحد عشر عاما في التدريس، أن أهم وأخطر دور يؤثر على هذه القضية هم الأهل ؛ لماذا ؟ لأننا لو اعتبرنا أن بقية الأطراف تقوم بواجبها على أكمل وجه، فإن لم يكن للأهل دور في متابعة الطالب فستذهب تلك الجهود سدى ومن الدلائل على صحة اعتقادي أن الطالبات في بلدنا متفوقات أكثر من الطلاب وهذا لا يرجع لاهتمام الأهل - بشكل عام - بل لأن البنات وضعهن يختلف عن الأولاد من عدة نواح مثل قلة خروجهن من البيت ....... فتجد نفس البيت ونفس البيئة ونفس الأبناء يعيشون في بيت واحد ويتلقون تربية واحدة ومع ذلك تتفوق البنات على الأولاد . في مدارس الطلاب لا يأتي أحد يسأل عن أبنائه إلا القليل ممكن في الشهر يأتي شخص أو اثنان من أصل 300 أو 500 ولي أمر وهذا مؤشر خطير على هذه القضية .
أخيرا وليس آخرا وكما قلنا في البداية هذا الموضوع لا يُحل في ساعة أو سنة أو .. لكن علينا ألا نعفي أنفسنا من المسؤولية ولا نستسلم لواقعنا المرّ فكل منا يبذل ما في وسعة لننقذ أبناءنا من الخطر المحدق بهم ونحاول أن نصل بهم إلى برّ الأمان حتى يأتي فرج الله .
بكرة احلى نائب المدير
عدد الرسائل : 4103 العمر : 40 مكان الاقامة : QABALAN العمل/الترفيه : واحد من الناس المزاج : الحمد لله نقاط : 7509 تاريخ التسجيل : 10/02/2009
موضوع: رد: طلاب مدرسة الراشد ...مستوى اكاديمي متدني الإثنين مارس 29, 2010 9:08 pm
اقتباس :
ولا نستسلم لواقعنا المرّ فكل منا يبذل ما في وسعة لننقذ أبناءنا من الخطر المحدق بهم
والله للأسف يا أستاذ خطر كبيـــــــــــر جاي ربنا يجيرنا منو ويجير ولاد وبنات مدارسنا منو