قصيدة .. يا غزة

قصيدة يا غزة , باللهجة العامية المصرية لـ إسلام شعله (( لى ))
أ أنا أقول أنها ليس أشعار , أنها خواطر مدفونه فى قلبى أترجمها على الورق





يا غزه



كلام

يفيد بأيه الكلام

و حتى السكات عننا ممنوع

خوف

كلنا عليكى خايفين

و يفيد بأية الخوف

والكلاب قدام عنيهم مش شايفين

غير بطون مدلدله

دموع

نازله من عنيه سيول

و تفيد بأية الدموع

و منها كمان ممنوع

حزن

كل نبضه من قلبى خزان

يفيد بأية الحزن

ومنه أنا ممنوع

دعاء

أضعف الايمان

حسبنا الله و نعم الوكيل

فى كل أنسان

كان ليكى فى يوم وكيل

*****

فى كل شارع

فى كل حاره

دم سايل للركب

دم سايح

دم نايح

و منين أجيب لغزة نوايح

*****

أمى

فجأه فتحت التلفزيون

صرخت بكل جنون

راحت بنت الجفون

راحت حبيبة العيون

أرتميت فى حضنها زى المجنون

و دماغى على صدرها

نزلت دموع مفتون

*****

شوف العجب

أحنا : المعونه

كام سيارة اسعاف

و غزة بقة مدينة الاطياف

أحنا : عتاب

كلمتين عتاب

على كلمتين صهينه

وغنوه مع رقاصه

و عربده و مسخره

يرجعونا الف خطوه لوره

هما : المعونه

كام دبابه

على كام صروخ

و كام رصاصه تدخل النفوخ

يكسرو دماخ ألى جبونا

و لأهلنا ما يرجعونا

*****

ضهرى بينصلب لقمتك

لكن ..............

يرجع تانى للخضوع

حكمونا شوية جرابيع

باعوا القضية

ونسوا البندقية

أنتى أصل القضية

و القصه و الحدوتة

الله يرحم صلاح الدين

الله يرحم يوم حطين

من بعديه و أحنا شايلين

فوق دماغنا طين

هنا قمه و هنا قمه

دول كلاب و قلالات الزمه

كلاب و قاعدين على الكراسى

خايفين على المناصب و المراسى

*****

أطفال بتصرخ

ماما بابا

و أحنا زى الكلاب قاعدين

نسكت و نكتفى أننا متفرجيين

فى نفس موقعة حطين

و جدى الفارس صلاح الدين

*****

أختى

قدام عنيه

بيغتصبها أبن الجنيه

و انا مكبل

بسلاسل من لهب

و الكلاب قاعدين على الكراسى و بايعين القضيه

نفسى أضمها بحنيه

و طبطب عليها و قول

أسف يا بنت الأصول

*****

غزاويه

رفعه راسه بعزه

ضفر فى رجليها

بيساوى من الجرب ملايين

ملهاش غير ربنا ترفع ليه الايدين

الله ياخد الملاعين

الله ياخد الخاينين

و يهلك الظالمين بالظالمين

*****

الشرف

أرخص سلعه فى الوطن

نبيع و نشترى فيه

و كأنه غنوه

فى لحن فى شجن

الكرامه

مافيش كرامه عندنا

من يوم ميلادنا

مسحوبه مننا

الرجوله

كانت زمان

موجوده فى كل أنسان

و دلوقتى .. بقة الرجوله

كان يا مكان



*****

منين أجيب لغزة نوايح
ينوحوا على الدم الى فى كل شبر سايح
ينوحوا على الشرف الى رايح
قتلوا النساء
و مين ينوح
قتلوا الاطفال
و مين يلوح
قتلوا أمى و أبويا
و لمين غيرهم رايح ابوح
قتلوا الشيوخ مع الرجال
و مش بقاى غير الاندال

*****
سلام يا شهيد

سلام يا زنة الرجال
يا شريف بين الاندال
راسخ أقوى من الجبال
أنت ديماً فى البال
قوى صرختك يا شهيد
على الشرف الى أصبح هتكه حلال
خالى راسك فوق فى العال

*****
كلام فى كلام

أجتماع
مفاوضات
قمه و قمم
و أهوه كله طبل على الزمم
و سلام لمجلس الأمم
و سلام لاولاد سام

*****

أيه يعنى

رداً على الحكومه المصرية فى أدانة حماس لقتل ظابط مصرى

أيه يعنى

أيه يعنى لما الظابط مات
ما هى غزة كل يوم بتموت
ايه يعنى لما يترمى فى التبوت
ما هى غزة ليه كل يوم و لا الف تبوت
ايه يعنى لما النهار بسرعه يموت
النهار قبل ما يطلع فى غزة بيموت
ايه يعنى لما ريحة الجثه تفوح
ما هى غزة ما تعرفش غير ريحة الموت
ايه يعنى لما الفرحه من جنبنا تفوت
ما غزة ما تعرفش لونها و لا حتى تعرف لون القوت
القوت فيها ياقوت
و الشهاده على كل دار ما تفوت





شعر

إسلام شعله