مواجهه ساخنه بين الشباب × والبنات ارجو التثبيت

مواجهه ساخنه بين الشباب × والبنات



فكرة هذا الحوار الساخن

هي عبارة عن حوار مثير بين فريقين


فريق الشباب فريق البنات


هناك أمور يكرهها الرجل في المرأه أو لا يستطيع فهمها

(( و ))

هناك أمور تكرهها المرأة في الرجل أو لا تستطيع فهمها

وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة
و موضوعية وبعيدا عن التعصب حتى نستمتع و نخرج منه بنتائج إيجابية.


[ بداية الحوار ]


سيقوم فريق البنات بطرح تساؤل عن أمر معين لا يعجبهم في الشباب

وسيقوم فريق الشباب بالرد وتبرير الموقف


وبعد إعطاء الإجابات والمبررات الكافية يصبح فريق الشباب في وضع الهجوم
ويطرح سؤال على فريق البنات..وهكذا يستمر الحوار


[ملاحظة]

يحق للجميع المشاركه وابداء الرأي

وأرجوا أن نكون مع الحق دائما بعيدا عن الإنتماء و التحيز


(( صافرة البداية )) ..>>>


" سؤال من فريق البنات موجه إلى فريق الشباب "


هل تكتفي ياأيها الرجل بإمرأه واحده إذا كنت تحبها موووت طول العمر؟؟؟[b][i]

يصراحة لعبة حلوة كتير

يا ريت الكل يشارك


مشكورة زيزا

اقتباس :

هل تكتفي ياأيها الرجل بإمرأه واحده إذا كنت تحبها موووت طول العمر؟؟؟[i]

[b]اول اشي موضوعك حلو ........مشكورة عليه ...

ثانيا ...بدعو نفسي وبدعوكم انو حوارنا يظل ضمن حدود ثقافتنا وديننا


الجواب......

بالنسبة الي وما بمثل الا نفسي في الاجابة هاي

بدي احكي انو الانسان الواعي اذا كان نصيبو انو يرتبط في بنت حبها من قلبو ....اكيد بعد هاي البنت رح قلبو يتسكر وما في مجال تدخلو بنت ثاني

هاد هو المنطق ....

[color=indigo]حتى لو حبها وما ارتبط فيها وكانت محبة نابعة من اخلاص واحترام ,,,,,ولا سمح الله ما صار نصيب يجمعهم ... اكيد انو مش لازم يقبل لنفسو يظلم بنت ثاني ويرتبط فيها


سؤالي هسا للجنس الاخر.........


بنات بلدنا العزيزات........كلنا شباب وكلنا بنميل للموضة والقصص هاي...بس متخيل انو شوي بنات بلدنا مزوداتها في الالوان الفاقعة ......يعني بوت اخضر وشالة خضرة وبنطلون اصفر وعقد اصفر والبلطلون سكني طبعا ......


يعني اللبس هاد كثير ملفت ........شو القصة؟؟؟
[b]

السؤال ....تأثرتو في اختلاط بنات الجامعة في بنات من مجتمعات ثاني بهالسرعة؟؟

ولا المحطات الفضائية لعبت دور؟؟؟؟

ولا بس تغيير جو ونفسية ؟؟؟؟

اقتباس :

السؤال ....تأثرتو في اختلاط بنات الجامعة في بنات من مجتمعات ثاني بهالسرعة؟؟

ولا المحطات الفضائية لعبت دور؟؟؟؟

ولا بس تغيير جو ونفسية ؟؟؟؟

والله معك حق مع اني بلبق الكندرا ع الشالي

بس صراحة احنا لا منقلد ولا شي

لا عن بنات الجامعةولا عن المحطات

بس الاناقة والترتيب لابد منو بس طبعا كل اشي بحدود

وغير هيك ماعندي



انا مارح اطرح على الفريق التاني شي

لاني بتمنى من اي بنت بتيجي بعدي تدلي برأيها

مشكورين

اقتباس :

بنات بلدنا العزيزات........كلنا شباب وكلنا بنميل للموضة والقصص هاي...بس متخيل انو شوي بنات بلدنا مزوداتها في الالوان الفاقعة ......يعني بوت اخضر وشالة خضرة وبنطلون اصفر وعقد اصفر والبلطلون سكني طبعا ......

بصراحه
حلوه انو الواحد يغير ويبدا بالالوان وانو انسق لون الكنده ع لون الشاله

بس يعني اشي ومنو
يعني اذا بنا نلحق الموضه ما نزودها كتير

(الاشي لما يزيد عن حدو بقلب ضدو )

خلينا حصل وسط
نلحق الموضه في اشي متوسط
......

مشكورين جميعا على تفاعل

انا اسف بس زمان ما دخلة على المنتدى

بشكركم كمان مرة

اقتباس :

انتو دقيتو عتعليقي ونسيتوا تحطوا سؤال.......وين السؤال؟؟؟؟

لالا
بس بنا نخلي مجال للبنات يناقشو في السؤال

اكيد الكل بينسق بس كل شي بحدود
انا الصراحة شفت البنطلون الاصفر تحت العباي وكتير بشع وملفت


والسؤال هسا للشباب
او الي بدنا نتناقش فيه
في هالايام منتشرة عادة التدخين بين الصغير والكبير بقبلان
يعني صراحة بتشوف الاولاد من سن 11 سنة صارو يبلشو بالتدخين
اكتر من عادة التدخين شغلة تنكره بالشب ما فيه بالنسبة الي لاني ما بطيقققققو

يلا

اقتباس :

في هالايام منتشرة عادة التدخين بين الصغير والكبير بقبلان

[b]لانو الصغير بفكر اذا الواحد صار يدخن بصير كبير
وهو بدو يصير زلمي من هو صغير

يعني يوم يشوف هالاولاد بدخنو بدو يصير يقلد فيهم

هاي الشغلة بس شغلت تقليد وبدو يصير رجل

والله يهديهم [/b]

الله يهديهم يارب

لو كانوا الاهل عاملين رقابة على ولادهم مابيعملوا

هيك

المهم

الفريق التاني يعطي سؤال

اقتباس :

كيف ممكن البنات في قبلان يلعبوا دور ابرز في النشاطات الثقافية والاجتماعية

طبعا فتح نادي والمشاركة فيه وعمل نشاطات ثقافية فيه

وعلى فكرة لما كان يصير اندية في البلد سواء في البلدية او المدارس او دار القران البنات ما يقصرن
والشباب يمكن ما بعرف

اكيد في قدرات عند البنات للتنمية الاجتماعية والثقافية بس بدك جهة تستقبل او تعمل على التشجييييييع

وهالبلد من سنتين ما شاء الله بطل يصير فيها لا نادي ولا ما يحزنون ولاااااااااا اشي

يلا ان شاء الله بالايام القادمة

وعلى سيرة الخجل بكرة احلى تقلقش
انا بحكي انو اللخجل لازم يكون موجود بس ما يصل درجة الهبل افهموها لحالكم مش عارفة كيف اشرحها بس ما تفهموها غلط

موضوع حلو على الاخر
فكره ممتازه وخلينا نكسر حاجز الصمت الموجود ونناقش كل شي بيدور ببالنا
نصلح بعض وننصح بعض الكبير يفيد الصغير وكل واحد يعرف شو بنظرلوا الطرف التاني
طبعا متل ما حكو الذين سبقونا بالرد كل شي بحدود المنطق والمعقول والادب والاخلاق .


ممكن انو ما في سؤال بس بما اني جيت هون جديد رح كون فضولي شوي
وانا احط سؤال

السؤال بيقول
هل العادات والتقاليد المنتشره في قبلان كلها صحيحه من ناحيه تعامل الشباب والبنات ؟
ممكن ما حد فهم
رح وضح
هل الانغلاق الموجود في قبلان صحيح ام انه يجب ان يكون قليل من الانفتاح ؟
يمكن السؤال محرج للبنات او للشباب ؟؟؟؟؟
لا تفهموني غلط انا لا ادعو الى الانحلال
طبعا رح يكون الي توضيح طويل على الموضوع بعد اول رد ان شاء الله

انا عندى تعليق على هالسؤال

المفروض انو الكل يشارك على هالاسئلة

بس لانى انا مو من قبلان ما بعرف شو الاجابة يعنى انتو ليش بتسئلو هيك اسئلة


يا ريت ما يكون فى تحديد فى السؤال


مشان الكل يشارك


تقبلو مرورى

يا ستي اتقبلنا مرورك
وانا كمان بقترح انو يكون الحوار مفتوح
والسؤال مش محدد
ولا شو راي الشباب والبنات؟؟؟؟؟؟؟؟؟؟؟؟

هسا افهمت يعني عن العادات والتقاليد والله هاي بدها قعدة

صراحة مش كل العادات والتقاليد بقبلااااان صحيحة سواء بين البنت والشب او غير هالعادة

صراحة في كتير عادات في بلدنا زيادة عن حدها وكتير مزودينها في احيانا بكون عندهم حق وكتير احيان ما بكون عندهم حق
ان شاء الله تفهموني صراحة مش قادر اوضح وجهة نظري
وبالنسبة للانفتاح بين الشب والبنت انا برأي انو ما فيها شي لو احتاجت شي وطلبتو منو بحدود الادب وبدون طق حنك ومش اتصدق فيها الوحدة وكمان ما توخد وتعطي معو ولا هو يوخد ويعطي معها

يمكن الصبح اكون مصحصحة واقدر اوضح وجهة نظري لأني صراحة مسطلة
يلا اقرأو رايي وانا مسطلة وبكرة برد ع المزبوط ان شاء الله

انا في عنا عادة ببلدنا بكرها كتييييييييير

ليش احنا عيب نروح ع الدكانة لنشتري

وبنابلس عادي الوحدة بتفوت بتشتري وبتقاتل الزلمة ع 5 شيقل

وعادي مافيها شي اما هون لو البنت صار عمرها 14 سنة ولا 13 سنة

بصيروا يحكوا عليها اذا راحت اشترت من الدكانة

يعني الي ببلدنا زلام والي بنابلس

او رام الله مو زلام

هاي الي نفسي افهمها انا

اقتباس :

ليش احنا عيب نروح ع الدكانة لنشتري

وبنابلس عادي الوحدة بتفوت بتشتري وبتقاتل الزلمة ع 5 شيقل

وعادي مافيها شي اما هون لو البنت صار عمرها 14 سنة ولا 13 سنة

بصيروا يحكوا عليها اذا راحت اشترت من الدكانة

يعني الي ببلدنا زلام والي بنابلس

او رام الله مو زلام

ايييييييييييييييوه

هان عنا اذا البنت راحت ع الدكان ما بخلص من لسان اهل البلد

اما في نابلس الوحد بتفوت وبتشتري وبتقاتل وو.........و...........و....

ولا يعني لانو في نابلس ما حدا بعرفها!!!!!!!!






كمان في شغله جلطتني
انو يوم حفله تكريم التوجيهي
كرمو البنات في قرنه لحالن
يعني زي المنعزلات عن الناس

هسه شو فيها لو تكرمن قدام الناس
ولا يعني بدهم يوكليوهن؟؟؟؟؟؟؟؟

[quote]ليش احنا عيب نروح ع الدكانة لنشتري

انا بحكيلكم السبب......
اول شي انهم الناس ما بيرحموا في بلدنا بالذات .... عندهم مرض اسمو الاشاعات ما شاء الله ما بيقصروا

بنت فلان وبنت مش عارف ايش .....

انعدمت الثقة بين الناس ... الله يصلح حالهم الشاطر بدور على عيوب للثاني.....

بس

مش مبرر ...... يعني الهبل اللي احنا فيه مش طبيعي... في واحد ياسوفي فاتح تحت من اول ما فتح وهو كل زباينو بنات ونسوان من بلدنا ..... والله اشي غريب وجهل جديد ما الو تفسير .......

بتعرفوا انو احنا بنحلل عحالنا شغلات بنحرمها عغيرنا ..... وبنحرم عحالنا شغلات بنحللها لغيرنا



لازم يكون في بين اهل البلد الواحدة ثقة ...... مش سيئين كثير اهل البلد ... بالعكس الانسان او البنت المربية والمحترمة مستحيل حدا يقدر يئذيها شو ما كانت اخلاقوا تعبانة والبنت المش مربية هي بتئذي حالها حتى لو اعتكفت جوا دار اهلها 24 ساعة

هاد رأيي


خلينا نكمل عنفس الموضوع ونتبادل الاراء شوي لانو عنجد موضوع مهم

اللي عندو حكي يحكيه ما يتردد

ممتاز جدا
بكرا احلى يسلم ثمك
يا جماعه انا بدي احكي هلأ
البنت او المرأه عنا بالبلد بتكون مستحيه وخايفه كنو الناس بدهم يوكلوها
هلأ بتطلع على نابلس او رام الله بنكون مستحيه وهي بالباص ومستحيه تعطي الاجار للشب الي قاعد قدامها
حتى ما بتقلو لو سمحت من كتر الخجل ما شا الله .
المهم بتنزل بنابلس وبتروح تشتري وبتبلش تجالك وتقاتل وتطق بحكي وحنك
واذا واحد بالطريق ازعجها يعني صاحب عرباي ضرب فيها ولا من هالحكي
الاخت ما بتقصر بتلعن جد جده ......السؤال ............... ليه ؟؟؟؟؟؟
مش ابن البلد احرص من الغريب عليكي ........ مش ابن البلد بحافظ عليكي ......
مش ابن البلد بتهمي انتي وبتهمو سمعتك الطيبه ........ مش ابن البلد بيوقف معك اذا صارت معك مشكله لا سمح الله
ولك هاد الشي غير موجود عنا للاسف .

بالجامعه يمكن تنين من نفس البلد بنفس المحاضره بنت البلد بتطلب دفتر من الغريب ولا تطلب من ابن بلدها
بتحكي مع الشب الغريب يمكن بتسلألو سوال اما ابن البلد لا
طيب ليه وين الغلط بالموضوع ؟؟؟؟؟؟؟؟؟؟؟؟؟؟؟؟
ليش احنا بنختلف عن كل القرى التاني
احنا محافظين على عيني وراسي واحنا مسلمين انا معكم
وادين هو الدين والاخلاق هي الاخلاق
بس اشي ومنو يعني مش الدين بالبلد وعلى ابن البلد
ولا شو رايكم
بدي مشاركه منيحه وأراء متنوعه بالموضوع



تفضلو

اقتباس :

اول شي انهم الناس ما بيرحموا في بلدنا بالذات .... عندهم مرض اسمو الاشاعات ما شاء الله ما بيقصروا

بنت فلان وبنت مش عارف ايش .....

ايوة هاي هي الاشاعاااااااااااااااااات


بلال الي حكيتوا هو الي كنت بدي اوصللكم اياه

بس انا جبتها عن طريق الدكانة