هل تقبل ان يختار لك والدتك زوجتك التي تمضي معها كل حياتك....؟

هل تقبل ان يزوجك اهلك من المراة التي يريدون ؟؟؟
ما هو رايك؟؟
و ماذا ستفعل حينها؟؟
جاوب بصراحة فالصراحة راحة

انا اريد ان اسالك من الذي سيتزوج
انت ام ابوك او امك
اكيد انت
فمن الطبيعي انا تختارها انت
فالخطا الكبير والعظيم
ان تتزوج بمن لا تريد
يا اخي هذا زواج
ستعيش حياتك كاملة مع هذه الزوجة
فمن يحكم على نفسه بالاعدام
لا اظن
سوى انسان واحد
هو الانسان الغبي

شكرا الك على هذا الاقتراح لكن في قبلان بعرف في حالات زواج مش في رضا الشخص وخاصة عند الاناث

لا يا قبلاني
قبلان بلد متحضر
ولكن لاتخلوا من بعض العقليات الرجعية
فمن يزوج ابنه او بنته رغما عنه
فذلك هو الحرام بعينه
يا اخي هذا زواج مش اكلت فلافل

انت تخيل انك انعزمت ع غدا عند جماعة
والجماعة طابخين فول وانت ما بتحبه
يمكن تغط ع حالك وتوكل وانت محرج
فما بالك لما انا بدي ازوجك بنت الو العكس
وانت مش حابه او حابها
فكيف بدك تعيش حياتك

فما تحكيلي والله ما بقدر ارد للبابا كلمته او الماما هيك بدها
بكون انت ما عندك شخصية ولا قرار الك
اذا ما برزت شخصيتك بهيك قرار مصيري

متى ستبرز يا قبلاني

ولكن للاسف هناك بعض الحالات التي يرغم فيها على الزواج
ربما مبدا البنت لابن عمها وهذا مبدا مقرف
وربما تسترا على فضيحة حصلت
او ربما الطمع بالمال
او
او
او
وكل هذا نهاية لا يجلب التوافق الاسري ولا السعادة
ولا اولاد يعشون عيشة كريمة

فالمتزوج انت
والقرار لك انت
وخراب البيت لك انت

كلامك 100% ابو سلام
ما بدي اضيف اشي
بس القرار الك مع احترام رأي الوالدين

اقتباس :: من الذي سيتزوج
انت ام ابوك او امك

مشكور قبلاني

طبعا يا اخ بلال بشرط ان يكون قرارك صائب
لا ان تكون جاهل وتفكر انك كبير وتعملي فيها شوية حب ورومنسية ودمار
بهيك حالة انت بتخرب بيتك بيدك

اقتباس :: لا ان تكون جاهل وتفكر انك كبير وتعملي فيها شوية حب ورومنسية ودمار
بهيك حالة انت بتخرب بيتك بيدك

لازم تكون الفاظك تدل على شخصيتك مع احترامي الك
القرار الك بالزواج
والي بحب بحب لحالو
والي بيخرب بيت حالو الله لا يردو
بتوقع انو الناس الي بتتكلم معهم مش اغبياء ولا جهال على رايك
تقبل رأيي

والله انت بتناقض بحالك
مره القرار الك
ومره لا تحب
وتخرب بيتك
على كل حال رأيك الاول هو الصح

شكرا الكم يا اخ بلال وابو سلام على هذه الاقتراحات

انت يا كبير
يا اخ بلال
انا ما بناقض حالي
بس انت كما يبدوا
انه في حد مسلطك عليه

يا عمي والله مش انا الي سرقت سيارتكم
وبالنسبة لالفاظي لا انتظر احد ان يصلحني
لكنني الاصح باذن الله
ولا احد معصوم عن الخطأ
وكما قلت لك
الرجاء تعديل اسلوبك بالكلام
او اسال من هم اخبر منك
وحاسب ع كلامك يابني
ليس من اجلي
بل من اجل مستقبلك يا نور عيني
لكي تستطيع ان تجابه هذه الحياة الصعبة

بحيي فيك روحك القتالية
يا عنيف انت

اقتباس :: لكنني الاصح باذن الله

مادح نفسه كذاب

اقتباس :: بحيي فيك روحك القتالية
يا عنيف انت

مشكور وخجلتني
ولكنه قتال من اجل الحق ان شاء الله

اخ بلال

سأتجاوز هذه المرة
ولن ارد عليك نظرا لصغر سنك

اقتباس :: من الذي سيتزوج
انت ام ابوك او امك

أتوقع أنه هذه عاده منقوله عن ايام الجاهليه ابنت العم وابنت الخال ولا اتوقع انه بأيامنا هاي في حد متل هيك سوى تقديراتي نسبه أقل من القليله لأنه تنعكس هذه المرحله على الحياه الزوجيه هذه عشرة عمر يا عم

موجودة يا اخ ثائر هذه العادة
وبكثرة عند بعض العائلات

ولا يأبهون لتوابع هذا الزواج
من اعراض وراثية او ع العائلة

طيب ليه دايما بتخذا الموضوع بسلبية ليس شرطا ان من تقبل بها يرفضها اهلك والعكس صحيح يمكن ان اقبل بزوجة تقترحها امي علي بشرط ان تتوافق مع الشروط التي تناسبني ويمكن بالرضا ان نتفق على شئ محدد

وفي الاخر الزواج شر لا بد منه يعني لو انت اخترت او اهلك اكيد رح ينخرب بيتك في الاخر و الله يعينا على هاليوم

بدكم الصراحة......لا بقبلش الا الي بدي اياها انا..........بموافقة امي
لانو ممكن يصير مشاكل بالمستقبل......

مشكور قبلانى

تقبل مروري

امي يوم تزوجت ما شاورتني وابي كذلك الامر

هساع مش وقته لوقته بيصير خير وتاييجي الصبي بنصلي ع النبي
انا ما بحب ان استبق الاحداث .....
بعدين يا حماعة مش دايما الاب والام على خطا ونحن على صواب ..
هم يريدون الخير لنا لكن من وجهة نظرهم وحسب ما يرونه صوابا ..
مرات الام بدها تقوي علاقتها مع اقاربها فبتجوز ابنها منهم ومرات الاب بدو يكسب صديق او شخص ذو نفوذ يعني مريش وجيبته ملانه او له واسطة فيحب الاب انه يناسبه ويجوز بنته لابنه وكا قلت في الاول لوقته بيجي مقته

والله يا اخ رسام الامل اللي بدو يجوز بنتو لواحد مشان واصل او اللو واسطة

انا بدي اقول انو هاظ مش من البني ادمين

لانو ببيع راحت بنتو مشان واحد واصل

ولك الواسطة مقارنة براحة بنتو ما بتسوى واحد في العشرة %

شكرا لكم على مروركم الطيب والجميل

هل تقبل ان يزوجك اهلك من المراة التي يريدون ؟؟؟
ما هو رايك؟؟
و ماذا ستفعل حينها؟؟
جاوب بصراحة فالصراحة راحة

هو شرط لي موافقة والداي على من اريد الزواج منها

وان خالف رأيي ارائهما سعيت للتوفيق ما استطعت

وسألت الله ان يلهمني الصواب

اللى مالوش خير فى اهله ما لووووووش خير فى حد
اللى مالوش خير فى اهله ما لووووووش خير فى حد
اللى مالوش خير فى اهله ما لووووووش خير فى حد
..............................................والد ى ووالدتى
لأن الترتيب جاء من عند الله "قل ان كان أبائكم وأبنائكم وأخوانكم وأزواجكم وعشيرتكم وأموال اقترفتموها وتجارة تخشون كسادها ومساكن ترضونها....................احب اليكم من الله ورسوله وجهاد فى سبيله"

يعنى بابا وماما فى المقام الاول والزوجة رقم 4

زائر

هههههه
زبطها يا صديق
والله الصراحة لازم يكون للانسان راي
برضو مش معقول الواحد يجوز واحدة ما بدوياها او وحدة تجوز واحد ما بطيقو
والاهل الي بجبروا اولادهم هم متخلفين
وما اظن انو في اهالي هيك في الوقت الحالي

اقتباس :: امي يوم تزوجت ما شاورتني وابي كذلك الامر

قال تعالى: هل تقبل ان يختار لك والدتك زوجتك التي تمضي معها كل حياتك....؟ Braket_r

وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَاناً إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَا أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيماً (23) وَاخْفِضْ لَهُمَا جَنَاحَ الذُّلِّ مِنَ الرحمَةِ وَقُل رَّبِّ ارْحَمْهُمَا كَمَا رَبَّيَانِي صَغِيراً هل تقبل ان يختار لك والدتك زوجتك التي تمضي معها كل حياتك....؟ Braket_l

هل تقبل ان يختار لك والدتك زوجتك التي تمضي معها كل حياتك....؟ Braket_l

[الإسراء:24،23].

اقتباس :: بدكم الصراحة......لا بقبلش الا الي بدي اياها انا..........بموافقة امي
لانو ممكن يصير مشاكل بالمستقبل......

هيك بدي اياك تحصل على ما تريد برضى والديك

اقتباس :: زبطها يا صديق
والله الصراحة لازم يكون للانسان راي
برضو مش معقول الواحد يجوز واحدة ما بدوياها او وحدة تجوز واحد ما بطيقو
والاهل الي بجبروا اولادهم هم متخلفين

وبضو مش معقول الواحد يتزوج وحدة اهلة ما بدهم اياها
بس مثل ما قلنا بالتفاهم والاقناع

اقتباس :: وما اظن انو في اهالي هيك في الوقت الحالي

وانا اعتقد انه ما في اهل هيك

ولي هنا سؤال لو اردت يا شب الزواج ماهي اول خطواتك ؟؟؟

كما اعرف سيقوم بسؤال امة او اختة عن الفتاة التي يريدها

او عن فتاة ينصحونة عنها ...!

تلقائيا وشيء طبيعي انة النساء اعرف في بعض

فهذا هو المقصود

والك يا صبية لو تقدملك اي شاب شو بتعملي ؟؟؟
اكيد بتسألي ابيك او اخوك عنة وماذا يعرف عنة

وان لم تفعل ذلك ... في رأيي لا خير فيك على الاطلاق

ياقاصد داري اليك تحيتي **** محفوفة بالحب والعطر الندى
عند الدخول اذا اردت سعادتي **** صلي على خير الأنام محمد

مرحبا شباب من جديد ....
وبعرف انه بنطبق علي المثل اللي بحكي
(الله يطعمك الحج والناس راجعه ) ههههههه
لأنه الموضوع قديم .. بس حبيت اشارك فيه
طبعا بعد الشكر والتقدير لكل الاراء ولصاحب الموضوع

رأي الاهل مهم جدا وانا شخصيا من مؤيدي الزواج التقليدي
ولكن ليس معنى الامر ... ان تختار الام لابنها العروس ويجب عليه ان يقبلها ...
الزواج هو مشروع حياة كامل ..ومشوار مهم اذا كانت بدايته صح فستكون النهايات رائعه وسليمه

بس الشباب اليوم -نسبه كبيره منهم -يأخذ الامور بمظاهرها وبمشاعره
- احكي بالعاميه اسمحولي : يعني الأهل في فكره براسهم او تفكير مستقبلي او سبب مهم قد لا يعرفه الابن لاختيارهم فلانه من الناس ...
شو المفروض يعمل الشب ؟؟ فكر منيح ادرس البنت واقبل اختيار الاهل ولكــن اذا لم بتطابق القلبين والمشاعر او احسست باي شعور تجاه تلك الفتاه بأنها غير مناسبه لك او اكتشفت عيب معين فيها فلك وقتها الاعتراض بادب وتوضيح وجهة نظرك وعلى الأهل التقبل والرضوخ لرغبة ابنهم.
اما تحكيلي ( انا بحب)
( اذا ما بتزوج اللي ببالي ما رح اتزوج ابدا)
(حبيبتي بالجامعه بدي استناها لنهاية العمر )
....................الخ

فهاي تفاهات او تصرفات غير منطقيه ..
لانه قد تكون البنت اللي ببالك لا تستطيع التأقلم مع عائلتك واجواء حياتك؟؟
قد تكون البنت غير مؤهله للزواج وانت لا تعلم ...
قد يكون وراء البنت سر معين تخفيه وراء قناع حبها لك ...
قد يكون في فارق اجتماعي او ديمغرافي يمنع او يزيد صعوبة الارتباط بها
انا لا اظلم البنات بلاش حدا يزعل مني ...

بس عد للمليون قبل اي خطوه ...واذا كنت مقتنع تماما بأختيارك .. حرك الاهل وامك بالذات تجاهها عشان تدرسها منيح من ساسها لراسها ... لانه هاي جيزة مو بيعة فجل

تقبلوا مروري واسف للاطاله

عجبني الموضوع وحبيت اشارك فيه واعطي رأيي لانه بصراحة بنعاني منه كتير هالايام
انا برأيي انه انسان بلا شخصية يلي بيرضى بالبنت يلي بيختاروله اياها اهله بدون موافقته (همه رح يحكوله بس بعد مايروحو ويشوفو البنت ويلمحوا لأهلها ويكون الموضوع منتهي بس هو عليه يشوف ويوافق) بحجة انه الاهل بينظروا بنظرة مستقبلية وبيعرفوا مصلحة الشب لانه الهم خبرة بالحياة بس كل واحد بيعرف حاله وبيعرف هو شوبده وزي ماحكى اخي ابو سلام

اقتباس :: انا اريد ان اسالك من الذي سيتزوج
انت ام ابوك او امك

بسرعة بدي ادخل واحكي رأيي لأنا هسا بس شفت الموضوع

كنت بدي احكي انو في مجتمعنا مش سهل انو الشب يعرف بنت ويتعمق وبعدين تعجبو ويحكي لاهلوا انا اخترت
الام الحكيمة بتشوف بنت محترمة وحلوة وبتحكي لابنها شو رايك في بنت فلان ....هو بعد هيك بقرر وبحكي رأيو قبل ما حد يحكي في الموضوع
اما غصب ومش غصب ... احنا الحمد لله خلصنا زمااااان من هاي العادات واذا انوجدت بتكون قليلة ونادرة جدا
سواء للشب او للبنت

طبعا في امهات نظرتهن مية في المية بتكون صح وبنجحوا في اختيارهم لابنهم
مني حكيتلكم حكيمة

» كيــــــــــف تــــــــــعرف اسم زوجتك فـــــي المستـــقبــل
» هل تقبل ان تعمل عند اليهود؟؟؟؟؟؟ارجو من الجميع تسجيل موقفة
» للشبااب تخيل زوجتك عطتك كف ؟؟؟ حتى البنات اعطوني رايكم؟؟
» الاشياء التي تاتي متاخرة
» المرأة التي لم ترها أبدًا