حب للدراما التركية من اول نظرة؟!

مشكور مشكور
على الموضوع الحلو
بس انا في عندي اعتراض مش كل المسلسلات التركيه فيها انحطاط اخلاقي
متل مسلسل نور قمه الانحطاط لكن في مسلسلات حلوه مثل الكوسوفي؟!!
انا بقول انو مسلسلات حلوه لانها بتحكي عن عصرنا هاد مو قديمه ولأنو فيها حركات
اكشن ودراما حلو وقتل وجرح.........!!؟؟ هاد رأي بصراحه.............
تقبل مروري ........... مـــــشـــــــكـــــــــــور

مع احترامي لكل اللي بتابعو مسلسلات
بس انا بعتبرها قلة عقل
لانو الشخص بيضطر يقعد قدام التلفاز كل يوم ساعة
وبذلك بدو يفرغ ساعة من كل يوم
البديل الافلام ذات الموضوع الهادف والمفيدة
ويا حبذا لو كانت على الاكشن
شطرا للموضوع ريفي...

اول شي بشكرك على منتدى النقاش
ثاني شي لازم نهتم انو هاد المنتدى ما رح يوصل الى خلافات ونزاعات بين الاعضاء
ثالث شي الالتزام بالاداب والاخلاق في النقاش وانتقاء الكلامات بحكمه ودقه
اخيرا لكل شخص رأي خاص لا يجب ان يفرض الشخص رأيه على غيره
هلا بدي اعطيك رأيي انا واتحملني على طوله؟
اولا الناس ملو من المسلسلات العربيه الي فيها تكرار للحبكه والنهايه والقصه والممثلين
ثانيا المسلسلات العربيه الاخيره لا تختلف عن التركيه كثيرا من حيث الاخلاق والانحلال
ثالثا الانسان مفطور من الله على حبه كل ما هو جديد والمسلسلات التركيه جاءت بكل ما هو جديد ومميز وملفت للنظر
اخيرا الاكشن والدراما والحكايات التي لا يجدها المشاهد العربي في السلسلات العربيه
هذا هو رأيي واريد ان اضيف ان الترجمه بالاصوات السوريه لعبت الدور الاكبر في جذب المشاهد العربي
تقبل مروري

اولا كثير من الشكر على طرح ذلك الموضوع

في الحقيقة وباختصار نقص العاطفة و المشاعر او عدم التحكم بها عند العرب يجعلهم متعلقين بهكذا مسلسلات تافهة اعتقد انها لا تملك من القصة و السيناريو و الاخراج اي مقومات المسلسلات لان 150 حلقة حتى يستطيعو ايصال فكرة تافهه يدل على ضيق الفكر عند الكاتب وقلة ادراك المخرج وتفاهة المنتج وقلة عقل من يتابع مع الاحترام .....

المشكلة العرب بحاجة للتغير نوعا ما ويقومون بذلك من غير ادراك فاتجاههم للدراما التركية دليل على تاخر العرب واعتقد عمرهم ما يقوموا منها
معلش بلال مفيش حدا عاقل يتابع هيك مسلسلات ولا حتى المسلسلات العربية

سامحوني اذا غلطت

اهلا رسام الامل
اكيد انا ما حكيت عن كل المسلسلات التركية
ما بخلى الامر
لكن لما تقعد 150 يوم كل يوم ساعة على اشي تافه
راح يكون المسلسل شو ما كان تافه
ليش ما تقضى الساعة هاي في اشي مفيد الك وللمجتمع ؟؟

تحياتي لك SAMIH ولمرورك العطر

اقتباس :

البديل الافلام ذات الموضوع الهادف والمفيدة

انا معاك يا معلم :d
بس ليش كتبت

اقتباس :

ويا حبذا لو كانت على الاكشن

انت عارف انه على الفاضي

حياك الله بلال على المرور

اقتباس :

المسلسلات العربيه الاخيره لا تختلف عن التركيه كثيرا من حيث الاخلاق والانحلال

ليش لما تشوف وحده عربية في فلم مش لابسة مليح بتعلق عليها
ولما تشوف فلم اجنبي فيه وحده (..........) مش مشكلة؟؟؟
لانو دينا الاسلام وما بنرضاها ........
بس الاجانب مش فارقة عندهم
بس احنا فارقة عنا .. ليش تا تحضر هيك مسلسلات؟! ...
مع احترامي الك .. فش تفسير من اللي حكيتو مزبوط في رأيي

نورت noor
عليك

تقبلو رأيي

العفو منور المندى بيك يا ريفي
بس حاب احكي اشي ل بلال الصفحة هاي وجدت للنقاش واذا انت بجد بتحضر هيك مسلسلات

1- دافع عن رايك بكل صراحة ووضوح
2- تأسف من نفسك على كل اشي ضاع منك وانت بتابع هيك مسلسل

انا ما بحكي عن ضياع الوقت اصلا عمرنا كلو ضايع هيك
لانا اتعودنا هيك عمرنا ما بننجح

اعذورني على طريقة كتابتي يمكن ما تعجبكم خاصة بلال

انا مع الي بحضرو المسلسلات انت يا ريف بتحكي انو فيها لقطاط......
بس بحب انوه انو القطاط محذوفه وانا بقول انو الواحد يحضر مسلسل تركي احسن من عربي
متل الافلام عادل امام انو فيها لقطاط اكتر بعدين احنا ملينا من المسلسلات العربيه
مشاهد متكررة ..........الخ بعدين المسلسل ما بطول كلو على بعضو 30حلقه بس التركي 150 حلقه كيف الواحد ما بستفيد منها انا بقول عكس الكلام هاد لأنو فيها الخير بنتصر
والنقطه المهمه قليل اونادر انو تلقى مسلسل عربي بجيب عن الجامع او الصلاة او الصيام
بس المسلسلات التركيه بتحكي عن هيك امور وانا قلت سابقا انو مسلسل نور في انطاط بس كانوا بالمسلسل اصلو وجدهم كان اصوم
بعدين المسلسلات التركيه بتكافح تهريب المخدرات..........
انت......!! احكم انو احسن المسلسلات التركيه ولا الافلام المصريه...؟؟
تقبل ردي

مشكووور ريفي على الموضوع لكن الواحد وهو رأيو انت عندك تحضر فليم احسن من اي مسلسل اصلا انت معارض كل المسلسلات , بعدين اذا ما تابعنا مسلسل تركي هيك ما من سبب عبد الله .
تحياتي

ريفي احنا ما النا بغزه احنا نقاشنا عن المسلسلات التركيه
مع انو اهل غزه والمقاومه بعيونا بس لا تحاول تغيب الموضوع
المسلسلا التركيه اكتر من رائعه وجميله والدليل على ذلك ان
المسلسلات جذبت المشاهد العربي بكل سهوله لما فيها من اثاره
وحبكه وتسلسل ووصف ممتاز للزمان والمكان واستخدام عناصر القصه والروايه
بشكل مناسب ولبق وهذا الذي نادرا ما نجده في المسلسلات العربيه
ولا يجب انا نحمل هذه المسلسلات كل اسباب الانحطاط لانه كما ذكر اخي رسام الامل
انا المسلسلات التركيه تحتوي على لقطات العباده التي تخلو منها وبالمطلق المسلسلات العربيه
اما بالنسبه للقنوات التي تعرض المسلسلات وقت حرب غزه فهنا القرار اولا واخيرا للمشاهد
لا احد يجبرك على ان تشاهد المسلسل وقت الحرب
ولكن انت ورغبتك والريموت بيدك........... اما الى الجزيره واما الى الام بي سي
رأيي ان مسلسل تركي ممتع تخرج منه بنتيجه وبمعلومه وفائده
خير من عشر مسلسلات عربيه لا فائده منها الا الرقص والغناء
اما بالنسبه للوقت والذين تحدثو عن الوقت
انت تضيع الوقت في اشياء اتفه من المسلسلات
اذا كنت انت ممن تفرأ القران وانا اتابع المسلسل فمعك حق
واذا كنت لا.......................
فكلنا بالهوا سوا!!!!!!!!!!!!!!!!!!!!!!!!

مرحبا
يا بلال انت بتابع المسلسلات التركيه مش لانها فيها من اثاره
وحبكه وتسلسل ووصف ممتاز للزمان والمكان واستخدام عناصر القصه والروايه كما تدعي حضرتك انما لانها مليانه مزز
ولو مسلل عربي مثل التركي في عناصر المزز لتابعته والدليل انو ما اعجبك في مسلسل باب الحارة الا جميله الله يرحمها واياك وللحديث بقيه

انا من اشد الناس اعجابا بالمسلسلات التركيه
ما بكذب يمكن لانو في لميس ابو شعر
بس هاد مش مبرر انك تحكي هيك
وانا كمان حبيت باب الحاره مشان جميله
ما بنكر ......................
وين الغلط
انا يوم كنت احضر المسلسل
حضرتك كنت تدرس ولا...........
تلعب شده؟؟؟؟؟؟؟؟؟؟؟؟؟
تقبل مروري

اهلا بلال

اقتباس :

ريفي احنا ما النا بغزه احنا نقاشنا عن المسلسلات التركيه

بعرف انه عن المسلسلات التركية
لازالوا يبثون المسلسلات والاغاني والحفلات رغم ما يحصل في غزة
واعتقد انهم يعتبرون ما يحصل مجرد مقطع من فلم اجنبي (لسلفستر استلوني)؟!

اقتباس :

المسلسلات جذبت المشاهد العربي بكل سهوله لما فيها من اثاره

لا يا عمي مش لانو فيها اثارة ...
بس لانه العرب كلهم ما شاء الله عليهم حرروا القدس والعراق الحمد لله
وفش اشي وراهم

اقتباس :

اما بالنسبه للقنوات التي تعرض المسلسلات وقت حرب غزه فهنا القرار اولا واخيرا للمشاهد
لا احد يجبرك على ان تشاهد المسلسل وقت الحرب

الهدف الرئيسي رواء هذا البث المتواصل لهذه الأفلام سواء الأجنبية أو العربية هو تصريف الشارع العربي عن السياسة كلها ؟!! ام تجاهل لهؤلاء الفئة التي أبانت عن بسالتها في غزة؟؟!

اقتباس :

رأيي ان مسلسل تركي ممتع تخرج منه بنتيجه وبمعلومه وفائده
خير من عشر مسلسلات عربيه لا فائده منها الا الرقص والغناء

والله ما في حدا استفاد منه اشي وسألت كل واحد بعرفه حضره وانت عارف هيك كمان

اقتباس :

ما بالنسبه للوقت والذين تحدثو عن الوقت
انت تضيع الوقت في اشياء اتفه من المسلسلات
اذا كنت انت ممن تفرأ القران وانا اتابع المسلسل فمعك حق
واذا كنت لا.......................
فكلنا بالهوا سوا!!!!!!!!!!!!!!!!!!!!!!!!

انا ما بحكي عنك ولا عن غيرك
انا مع اني ما بحضر هيك مسلسلات بس برضو بتضل مشكلة بتهمني
لانو ممكن اكون مزعوج من صاحبي اللي بحضره ومش عارف افهمه وأوعيه
ويمكن اكون انا بحضرها وما في حدا يفهمني

تحياتي لك ولسامح

الشده فيها تفاعل مع الاخرين وتقويه اواصر الاخوه بين افراد المجتمع
بعدين مثل ما تفضل ريفي ساعه * 150 حلقة اشي كبير
وبدون فايدة اما الالعاب فيها مليون فائده مثل الشطرنج والزهر وكانسه الالغام

انا حاولت بكل ما عندي اني اقنعكم
بس للاسف انتو متعصبين لرأيكم
ومش معطين مجال للنقاش
يا سامح الزهر حرام شرعا
والشده بتضيع وقت
والافلام ابلى من كل هاد
وبعدين كل شخص بيحضر اشي من نفسو
ما حد بيجبرو عليه
وبكرر.................
اذا انتي بتدرسوا او بتقرأوا قرآنانا احضر بالمسلسل
انا غلطان
بس انتو بتكونوا متلكم متلي انا بضيع وقت وانتو كمان

انا معك بلال والكل معاك بس همي ما بدهم يفضحوا
حالهم انهم ما بحضرو لكن الكل بحضر لليش الكذب
ما في واحد في قبلان ما بحضر والي ما بحضر تركي بشاهد
مسلسل مكسيكي وهو العن من التركي ولا الافلام المصريه...............

ع العافيه يا جماعه,,,, انا من اكتر الناس اللي بيحبو النقاش,,, وبجد كيفت لما شفت منتدى للحوار,,,,

بعدين انتو مالكم معصبين كتيييييير مش شوي,,,,

أنا من رأيي كلكو معكو حق بس كل واحد في نقطه,,,

مثلا اللي حكى 150 ساعه بيضيعو ع الفاضي صادق,,,

واللي حكى كمان انه المسلسلات التركيه جذبت المشاهد العربي كمان صادق,,,

بس كمان المسلسلات التركية بتعيد نفسها قاعده صح ولا لا يا بلال,,,,

متلا نور وسنوات الضياع لو عملننا بينهن مقارنه,,,

نور ولميس التنتين مصممات ازياء ,,,

نور وممهند ويحيي ولميس واجهوا مشكلات ومعارضه (نور بعد الزواج) (سنوات الضايع قبل)

التنين افترقوا عن بعض تا فكر المشاهد انه مش حيرجعو لبعض,,,

يحيى ومهند دخلو المستشفى ,,,, لميس اقذت يحيي بالصدمه ,,,,نور تبرعت لمهند بكليه,,

التنين كان في عنصر شر وبدو البطله من حبيبها ... اللي همي عابدين وتيم.....

في الاخر بيرجعو لبعض وبيعيشو مع بعض ما راحت غير علينا اللي كنا نتابعهم ساعه ,,,

هاذ رد ع اللي حكى المسلسلات العربيه فيها تكرار,,,,

اللي بدو يحضر تركي محدش مانعه بس لا يحط الحق ع المسلسلات العربي اوكي فيها تكرار بس مش كلها في مسلسلات بتسوى 600 مسلسل تركي وفي كمان منها مكرر ما بنكر,,,,

كمان الافلام السوق فيه المليح وفيه الردئ انتا اللي بتتحكم في ايش بدك تحضر,,,,

كمان عادل اامام مثلا ما بننكر انه فيه اله افلام مش ولا بد بس كمان اله افلام غير شكل ما بنقدر ننكر (مثلا اخر فيلم حسن ومرقص قمه الروعه في الاداء والاخراج فيلم اله قصه هادفه) ,,,,

نرجع للمسلسلات انا مش كتير متابعه بس اخر فتره تابعت عيون عليا,,,, نمر بن عدوان,,,,وضحه وابن عجلان(بكفي فيه ممثل ومساعد مونتاج من بلدنا قبلان),,,

في النهايه كل واحد حر ايش يحضر وكيف يقضي وقته بس بده يحضر تركي ما يحط الحق ع الدراما العربيه لأنه انوجدت قبل التركيه بكتييييير خاصه المصريه,,,,,

ســــــــ جيفــــــ90 ــــارا ــــــــــلام

مشكورة جيفارة على الرد الجميل
انتي حكيتي انو المسلسلات التركيه مكررة بس هاد الحكي مو صحيح
بس بالصدفه اجا مسلسلين بشبهن بعضهم متل نور وسنوات الضياع
وانك اتشاهدي المسلسلات الجديدة الي نازله من اجديد على السوق
انا متأكد انك راح اتابعيهن للأخير متل دموع الورد
بعدين وين العضو الي مسجل
بأسم كوسوفي يجي ودافع
وفي مسلسلات كتير متل الحلم الضائع و الاجنحه المتكسرة و غابه الذئابو لامكان ولا زمن
كــــــــــل هدول المسلسلات حلو والي بتابع مسلسل بس حلقه او حلقتين انا متاكد راح اتابعو
للاخر...............والسلام عليكم

مرحبا يا رسام الامل,,,

انا صحيح حكيت انه التركي فيه مكرر بس ما حكيت عن الكل,,, وكمان حكيت انه العربي في تكرار,,,كمان حكيت مش كله,,,
يعني انا حكيت التركي فيه مكرر واغلب نهاياته نفس الشي بيرجعو كلهن لبعض وعنصر الشر بيموت,,,,

وهاذ الحكي رد للي حكى انه التركي ما فيه تكرار بس امبلا فيه,,,,,,

بلال بيحكي انو من سر نجاح المسلسلات التركية استهواء المشاهد العربي واحنا جمعينا بنعرف انو المشاهد العربي يحب ما هو جديد وغريب عنو حتى لو اشي تافه وهذا دليل على غباء وقصر نظر في المشاهد العربي لانو الرجل بيحضر مسلسل عشان الممثلات و المرأة عشان البطل وهاي قصتنا من اولها عشان هيك ما تحكم على المسلسل من كثر من شاهدوه بل لتكن احكامك الخاصة عليه .

العرب بدهم عزا يشبعو في لطم اي اشي بتسوي غريب بحكولك حلو وهمي مش فاهمين اشي