((لا شيء يجعلنا عظماء مثل الالم العظيم))
مقولة قرأتها زمان وعلقت في راسي.....
الموضوع انو عنجد لا شيء يجعلنا عظماء مثل الالم العظيم وشو العظمة هاي اللي بتنولد مع الالم ؟؟؟؟؟؟
كثير بشوف ناس القدر بكتبلهم مصايب وبشوفوا بحياتهم زي ما بنحكي وعنجد يا جماعة بتألموا وبنشفق عليهم
وفي الاخير ما بصيروا عظماء حتى العكس,,,,,, بتدمروا وبصيروا حشاشين والتكملة عندكم..بالعربي يعني بضيعوا
وبرضو بشوف ناس بيتعرضوا لمصايب في حياتهم .... بشوفهم بفهموا كل اشي وبحس انو هاد الطفل او هاد الشب او البنت
مصيبتو علمتو ايش هي الجياة عنجد...... صدقوني انو العقل الكبير مسؤولية الله يعين صاحبها وقلة العقل نعمة
والحياة كثير متعبة وكثير صعبة وكثير لازم نكون حذرين في تعاملنا معها,,,,,,,
انت انسان بتفهم ومحسوب عالفهمانين اذن اي غلط رح يلبسك ورح ينحسب عليك ورح يكون عقابك اضعاف
ذو العقل يشقى في النعيم بعقله واخو الجهالة في الجهالة ينعم
بيت شعر بيلخص حكيي
خلاصة الحكي.......
يمكن هسا وانا اكتب حللت المقولة الاولى وعرفت شو المقصود فيها
المقصود يا مستمعينا الاعزاء.... وحسب رأيي المتواضع يمكن يمكن ها...
انو المصائب اذا بتجتمع مع العقل والايمان بيطلع عنا انسان عظيم علمتو جروحو وخلتو يكبر ويكبر حتى يفوت جيالوا
ايوا هيك المعادلة زبطت ..... انتو شو رأيكم وما بدي حدا يحكيلي شكرا بكرة احلى
احكوا طلعوا الحكمة اللي جواكم كل واحد فينا عندو مخزون بجنن من الحكي ومشاعر لازم يكون واثق من حالو ويطلعها