بما انا من قبلان

الاخوه الاعضاء الشباب والبنات , بما انا من قبلان وشباب قبلان يعني بنا نفرض حالنا بالغصب لانو احنا مستقبل قبلان؟

شو رايكم بالدوار الي عملتو البلديه بأول البلد ؟

هل موقعه ممتاز ؟ ام لا ؟ ولماذا

هل الشكل الذي وضع عليه جيد ؟ ام لا ؟ ولماذا

لو كنت انت المهندس المصمم ما هوالشكل الذي سوف تختار ليوضع على الدوار
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اخي العزيز تذكر ان الدوار في اول البلد ولذلك الصوره التي تجدها في الاول تعكس لك ما هو في الداخل

اريد تفاعل منكم شباب وبنات قبلان وغير قبلان برضو بهمنا رأيكم ؟؟؟؟؟؟؟؟؟؟؟
اسف ما قدرت ازودكم بالصور بس اكيد رح جيبهم بهاليومين

انت بتحكي عن الدوار اللي عند دوار المدارس؟
؟
؟
ازا كان هو فأنا شفتوا بس ما فهمت الشكل
بتوقع انهم لسه ما خلصوا شغل
بعدين لسه همي مستمرين بمشروع الشارع الرئيسي
يعني ان شالله بخلصوا بيتغير الوضع للا حسن

شكرا الك اخ بلال
وعجبيني كتير هاد الموضوع

والله كنا مرة من المرات نتجول في انحاء جامعه النجاح
واذا برئيس البلديه امامنا
فأخذها فرصه واستشارنا ماذا سيفعل بالدوار
وطرح علينا فكرة ان يضعوه على شكل خارطه فلسطين
او على شكل عامود وعلى راسه ساعه لمعرفة الوقت وليست للزينه
فشجعناه ودعينا ان يوفقه الله
ولكنه على ما يبدو لم ياخذ باقتراحاته لنا؟؟
والله يا خالي ماشيحالو
ولا الخراب
يعني صحلها جوز قالت عنو اعور
هي ولك دور
بس فيه فكرة انهم يحطو قبركبييييير على قبال الموقف على المقبرة والها شاهد عليه كل اسماء الاموات اللي تحتو
والله اعلم انها رح تتنفذ
والله عجبتني هاي الفكرة

والله انا طرحت الموضوع وتوقعت مشاركات كبيره
المهم متل ما حكا سامح انو شفنا رئيس البلديه
يتجول في الحرم القديم في الجامعه وطبعا اذا شفتوا
الساعه والخارطه الي عند مدرجات ظافر المصري
كانت الفكره انو شيء شبيه فيهم او شيء ملائم للمدخل
وكمان صار الحكي انهم يستشيروا كليه الهندسه بالجامعه
المهم بالنسبه للحجار يمكن انهم تراث او معصره زيتون قديمه
لكن انا برأيي الشخصي انو الشكل غير ملائم لمدخل بلد متل بلدنا
لانو متل ما حكيت انو الشكل الي بالمدخل بيعكس صوره البلد
ولازم التطور الي في بلدنا يكون الدوار شيء مناسب لهاد الشي
يعني انا بقول لو كان الدوار اشكال هندسيه او مدرج او خارطه منحوت عليها اسماء
الشهداء الي في البلد او صرح للجندي المجهول .
مع العلم انو بأول سلفيت في دوار متل هاي الفكره
فلذلك احنا لازم تكون الفكره عنا مميزه ومختلفه مش تقليد

شكرا للكل الي ردوا والي ما ردوا وانتظر اراء جديده

الفكره ممتازه ولكن هناك تناقض بها اذا كانوا يريدون ان يعكسوا صورة الماضي مش غلط ولكن لا يوجد تناسق في العمل بمعنى انه لا يمكن ان تكون القاعده من الحجر الحديث بالقص او بالعمل وكان الاحرى بهم ان يبنوا القاعده السفليه من الحجر القديم واعتقد انه متوفر عندنا بس للعلم ان البلديه صارت مشتغله الدوار ثلاث مرات

اما بالنسبه الى رد الاخ سامح ( بس فيه فكرة انهم يحطو قبركبييييير على قبال الموقف على المقبرة والها شاهد عليه كل اسماء الاموات اللي تحتو )

هل الاسماء سوف تكون للمجودين اسفل موقف السيارات ام اسفل المنتزه او الحديقه كما يسمونها والله الفكره ممتازه على الاقل الاجيال القادمه سوف تعلم انه هناك قبور اسفل المجمع او الحديقه

والله منور يالكاسر
المهم انا بقول انو مدخل البلد لازم يكون في صوره للحاضر والمستقبل
مش للماضي يعني هدول الحجار لو كانو بمتحف او بيت قديم او مكان تراث مش
يكونو بمدخل بلد . اما بالنسبه للتناسق فها ملاحظه جديده
مشكور لمرورك اخي الكاسر .

طبعا وللعلم انا ما بنكر انو 99% من شغ ل البلديه شغل ممتاز لا تجد
من يضاهيه من حيث السرعه والاتقان والمشاريع والافكار

مرحبا شباب
بلال طرحك واقعي
بما أني لست قبلاني ولكن حسب نظرتي بقبلان وشوارعها ومرافقها
أنعكست لدي صوره بأن قبلان بلده جميله تتطور نحو الحاضر تتسابق مع الزمن
يعني بصراحه بحكي عن نفسي دخلت مدن وقرى ومخيمات لم أرى بلده بترتيب بلدتكم الداخلي

الله يطور هالبلد كمان للأفضل
تقبل مروري عموو بلال والموجودين

انت بتشرف جنرال وكمان رأيك بهمنا كتير
يمكن انت ما شفت الدوار لانو اخر مره انت جيت على البلد كان لسا مش جاهز
على كل حال انا رح زود الموضوع بالصور وانت لازم تشاركنا الرأي

انا مبيرح شفت الشكل بصراحة ما فهمت ولا شي وسألت عن الشكل وما عرفت ايش هوي

وهسا اعرفت منكم انها معصرة زيتون

انا عجبتني فكرة انو يكون خارطة فلسطين ومكتوب عليها الاسماء متل ما حكيتو بيكون احلى من هاد الشكل

او الساعة كمان فكرة حلوة

بس الخريطة انسب واحلى

مشكور بلال

اهلين فيكي اختي وانا كمان بحترم رأيك

بصراحة فريدوم انا كمان ما كنت فاهم الشكل

بس والله اول ماشفتوا اضحكت كتير عالشكل عشين مش فاهموا

ما بعرف استغربت منو كتير

بس لو خارطة فلسطين بكون اجمل بكتيرر

ومنشكر البلدية ع نشاطها الدائم للبلدة

مشكور اخ بلال.

ااااااااااااااه
جد معصره زيتون
ما كنت اعرف
بس يالله والله فكره حلوه كتير
مش بطاله
وهبها البلد كل مالها بتتطور
والحمد لله

شكرا لكل الاعضاء الي مروا على الموضوع والي بدهم يمروا كمان بس
يا ريت تجاوبوا على الاسئله الي فوق يعني نتقيد بنص الموضوع؟

طبعا شكلوا ما في حد من قبلان هون
على كل حال ....................؟
الله بعين
يوم الخميس وانا مروح شفت الدوار يلي بأول البلد
وما شاء الله الشباب عاملينوا مكان ينشروا عليه دعاسات السيارات
يعني (.........................)
الله بعين وشكلو هاد هو المظهر الحضاري يلي بندور عليه

ههههههههههههه

بس والله يا بلال انا شفت الدوار الي في اول البلد

مش حلو بلمرة لانو مش مفهوم

يعني انا كنت مش فاهم لما شفنا صرنا نضحك يعني مش مفهوم منو شي

يعني في بنات فكرو انو بدهم يعملو زي الي في قصر هشام يعني مش مفهوم شكل

ولزم يكون شكل افخم من هيك عشان يكون في مستوى بلدنا

يعني لو خارطة فلسطين زي ما حكو او ساعة بكون احلى من هيك

كمان لو كانت نافورة بكون حلو كتير المنظر

بس اكيد الي عملو هاد شكلو برمزو لرمز يعني مش على العمى عملو بس الناس مش فاهمين شو

هاد شكل كل واحد بجيب فكرة من حالو

مشكور اخ بلال على الموضوع الرائع

|th|

انا هاد الدوار من فتره قريبه لحتى شفتو

بصراحه
هوه مش حلو كتير يعني كان فيهم يعملو احلى منو
واكبر منو
لانو في بدايه البلد لازم يكون حلو حتى يعطي فكره حلوه عن البلد

انا فكرتي يكون

على شكل بيضاوي

ويزرعو فيه ورد على شكل علم فلسطين

مشكور بلال ع الطرح
تقبل مروري

بسم الله الرحمن الرحيم

الحقيقة موضعك أخي بلال جداً رائع ومميز وسبق بأن كانت عندي فكرة لذلك الدوار وهي أن يكون صرح لشهداء قبلان وشهداء الثورة الفلسطينية ولاتنسى أخي بلال أن هناك شهداء من قبلان لا نعرف لهم قبر ولا صرح ولا مكان إستشهاد لانهم عظماء حافظوا على سيرية عملهم النضالي وإستشهدوا ولم نعثر لهم على رفاة

أخي بلال الفكرة كالاأتي صورة لشهيد رمز الخالد ياسر عرفات زعيم الثورة الفلسطينية ومؤسسها في المقدمة صرح لشهداء قبلان كافة

الهدف منه ان نذكر اطفالنا أن هؤلاء الكوكبة هم عظام ومن يأتي ويدخل ويضحي من أجل الله والوطن هو ايضا عظيم مثلهم ولنعكس صورتنا الى العالم كله بأننا اهل خير نحفظ لهؤلاء الشهداء قيمتهم في الدنيا وهم احياء عند ربهم يرزقون

شكرا لك اخي لمرورك الذي اثلج صدري
فكرتك معقوله جدا ومنطقيه
وكنت قد ذكرت في الردود السابقه انه
من الممكن ان يكون الصرح خارطه لفلسطين تحمل اسماء الشهداء
وتخلد ذكراهم فينا ولكي يصبحو ماضي الاجيال القامده المجيد

اكرر شكري لمرورك وردك

انا صحيح مو من قبلان وما بعرق شكل الدوار الجديد

بس ان شاء الله يصير كل خير

والله يوفقكو

عنجد كل الافكار حلوة
وان شاء الله رح يكون باحسن منظر
وياايمى
رح تجي ع قبلان وتشوفي قبلان |gd|

ان شاء الله يا القمر الضائع

بشوف قبلان وبشوفكم كمان

مشكورين

» نبذة عن بلدة قبلان(منقول من موقع بلدية قبلان)
» قبلان
» انا قبلان قنواتيمن حمص
» واقع التعليم في قبلان
» هم ابناء قبلان