سؤال واتمنى ان تكون اجابته صريحة

بسم الله الرحمن الرحيم

السلام عليكم ورحمة الله وبركاته ..

اخواني هذا موضوع للنقاش .. وكل واحد يدخل يقول رأيه هنا..

من الادراه و الاعضاء جميعا بصراحه

هل ترضى للاداره ان تدخل الى رسائلك الخاصه وملفاتك الشخصيه ؟؟..

وترى من ارسل لك ومن ارسلت له ؟؟

او ان تغلق الادارة او عضو من اعضاء الادارة موضوع بعد ان يحقق نجاح هاذا الموضوع

ياتي بعض الجهلة من الادراين الذين لايفهمون في الادارة بل وضعو تكملة عدد وذلك

ولست انا من اقول انهم وضعو بعضهم تكملة عدد بل الادارة نفسهى التي صرحت بذالك

واتمنى ماتزعل الاداره .. لان هذا للنقاش

بسم الله الرحمن الرحيم .
السلام عليكم ورحمة الله وبركاته...
بارك الله فيك يا أخ مدينة الحب ... على طرحك الجميل ...
عن نفسي ... لم أكن أعلم بأن الأعضاء الكرام ... وخاصة الاداريين ... يدخلون لرسائلنا الشخصية ويقرأونها ... إلا منذ أيام قليلة فقط ... للأسف ...
لذلك ... لم أعد ... أرسل رسائل خاصة من هنا ...
من هذا الصرح الجميل ...
من منتدى الريف قبلان ...
وعلمت أيضاً ... بإمكانهم أن يدخلوا بأسامينا للمنتدى ويشاركون بها ... للأسف ...
وبإمكانهم معرفة كلمة المرور السرية ... للأسف ...
وعن نفسي ... أحتقر ذلك التصرف ...
لأننا جميعاً ... لدينا خصوصيات ... ولا نريد أن يعرفها الآخر ...
لذلك ... قمت بتقليل مشاركاتي ... في المنتدى ...وفي كل المنتديات ... للأسف ...

وكما قلت يا أخي مدينة الحب ...
أتمنى من الادارة والأعضاء الكرام ... أن لا يغضبوا مني ... ومن رأيي ... ومن كتاباتي ...
فهذا ... هو ... منتدى النقاش الحر ...

بارك الله فيك لا ما في زعل ان شاء الله

انا مشكلتي ولله انو في واحد من الادارين بس انزل موضوع بشوفو نجح

بروح مسكرو هي غيرة او حقد ما بعرف بس انا شايف انو الافضل

اني اترك المنتدى مش اخفف المشاركات بدي ابطلها للمشاركات

نستودعكم الله هاي اخر مرة بتشوفولي مشاركات

ونا بطلب من الادارة انها اتعيدتعين الادارين افضل الها وللمنتدى لانو

اذ بضل هيك ما بضل حد بعد فترة زمنية

ونا من عندي مش راجع على المنتدى

باي يا جماعة ما حد يزعل مني

صحيح موضوع حلو بس بدكم تتقبلوا رأيي

أولا حتى لو بيشوفوا الرسائل الخاصه فهاذ شي كتير عادي

لأنه ما بتوقع حد رح يبعت شي خاص عن حاله ع رسائل المنتدى

ولا شو؟؟؟؟؟؟؟؟؟؟؟؟؟؟؟؟

بعدين اللي بيشوف الرسائل اظن انه المدير ونائبه بس.........

انا بحكي عنهم ما أظن انه بيقرأو الرسائل الخاصه بالاعضاء

مستحييييييييييييييل

بعدين ليش مقهورين هالقد ما دام الواحد عارف حاله ايش كاتب ما بيهمه لو انه بينشروا رسائله

مع مشاركاته؟؟؟؟؟؟؟!!!!!!!!!!!!!!!!!!!!!

اما هاي شغله بيفوت بأسمكم وبيحطوا مشاركات والله كتير زودتوها يا جماعه

انا صحيح اني مش من الاداره ومجرد مشرفه بالادبي

بس زعلت كتير من الموضوع

اقتباس :

ياتي بعض الجهلة من الادراين الذين لايفهمون في الادارة بل وضعو تكملة عدد

بالله شو هالحكي شوف الاعضاء اللي ع اسمهم اداره........

ما اظن انه في حد فيهم جاهل

خلينا نختار الالفاظ الي ما بتزعل لو سمحتوا

اقتباس :

اذ بضل هيك ما بضل حد بعد فترة زمنية

بالله جد ..........مليح الي حكيتلنا كتر خيرك والله

برجع وبعيد الاداره الها كامل الحق والحريه باتخاذ اي قرار بحق اي عضو او اي موضوع سواء حذفه او اغلاقه

ولما بدنا نعاتب حد او ننصحه في مليون طريقه للحكي بدون تجريح

يعطيكوا العافيه

ع العافيه نسيت احكي نقطتين

الاخوه الي حاطين انه الاداره بتدخل ع الرسائل الخاصه

عمرك خشيت ع رسائلك ولقيتهن مقروءات وانتا مش فاتحهن

يعني الاشاره مغيره لمقروء وانتا بالاصل ما قرأتهن؟؟؟؟؟؟؟؟؟؟؟؟؟؟؟

وكمان عمرك لقيت مشاركات بأسمك وانتا مش اللي كاتبهن؟؟؟؟؟؟؟؟؟؟؟

بتمنى القى أجوبه

ايش يا جماعه؟؟؟؟؟؟؟؟؟؟؟؟؟

توقعت انه هاذ الموضوع تشاركوا فيه كثير

ولا لأنه مش عن الحب مش عاجبكم

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

جد صدمتوني

اقتباس :: او ان تغلق الادارة او عضو من اعضاء الادارة موضوع بعد ان يحقق نجاح هاذا الموضوع

هاد الموضوع كتير بكرهو لانو صار معي اكتر من مرة
اذ بدكم تحذفو الموضوع ليش لحتى احنا نطور في المنتدى Mad

والله بعد بسم الله الرحمن الرحيم موضوعكم ممتاز
يا اخوان انا ما بدي استثني احد وبحكي هلا بأسمي
يا اخ مدينه الحب احنا لسا بنفهم وعندنا شويه كرامه
يعني انا ما بسمح لحالي اني ادخل بأسم اي عضو
او ادخل على رسائله الخاصه لو شو ما كان السبب
كتير من الاعضار عجبو في الرسائل الخاصه
وسمعنا حكي بالبلد ويا اخ مدينه الحب انت بتعرف
انو ما حكينا بالموضوع ولا راجعنا حدا
طبعا الي على راسوا بطحه بحسس عليها وعلى كل راسوا من مره

تاني شي يا اخي انت مش جاهل يعني كبير وبتفهم زي ما بقولوا يمكن انا ما بعرفك
بس ما بصير تتهجم على الاداره لانك لو كنت انت كفؤ للاداره كان صرت مدير او من الاداره
وهدول تكماله العدد يما بمشوا منتدى في بلد .

اما اسمحلي بكلمتي الاخيره انو اي عضو بدو يطور المنتدى بموضيع الحب والهبل والسخافه والمياصه
والعماله وتخريب اخلاق الشباب نحنا بالغنى عنو وعن كل امثاله
واحنا بالريف ما بنلم حثاله المجتمع احنا بنا ناس واعيه مش كل شي عندكم حب ومسخره .

بعتقد انو الاخت جيفارا ما قصرت بالرد مشكوره جيفارا
وانا بقول انو اي عضو لقي اختراق برسائله الخاصه او موضوع بأسمو هو مش كاتبه يراجعني هون على المنتدى
وامام كل الاعضاء .
اخر شي بتمنى تكون وصلت رسالتي وانا رح تابع هاد الموضوع .
اخي بلا هويه انت كبير بكلامك وبنظرتك وتصرفاتك فلا تنجر وراء البعض .
وانا بنتظر اي سؤال واي استفسار وكمان بنتظر برد المدير

الحمد لله انه حد رد

لأنه لو ما شفت رد اليوم كنت رح انجلط

لأنه الموضوع مش قليل بالمره

ولازمه تفاعل بس للأسف؟؟؟؟؟!!!!!!!!!!!!!!!!

مشكوره اخت جيفارا على اهتمامك البالغ بالموضوع
بدي مدينه الحب بس يدخل ويشارك باخر مشاركه الو
ويوضح ويثبت صحه حكيوا اذا كان بيقدر؟
؟؟؟؟؟؟؟؟؟؟؟؟؟؟؟؟؟؟؟؟؟
بنتظرك يا ابو الحب انت؟؟؟؟؟؟؟؟؟؟؟؟؟؟
وبنتظر كل ريفي شريف بحب مصلحه الريف
وبيخاف عليها انو يشارك ويرد

بشكر بلال وجيفارا وبايدهم بكل كلمة كتبوها
انا بشوف انه احنا عايشين بمجتمع محافظ والكل بيحسدنا علي
لما العضو بدوينزل موضوع في المنتدى يعرف ايش ينزل مش كل اشي حب
ما بعتقد بل متاكد من انه ما في موضوع بينقراْ انحذف
والاهم من هيك انه الاداره غنيه عن التعريف ومابيطلع لحدا يطعن فيهم

مدينه الحب انتظر ردك وانتظر رد كل الاعضاء

بسم الله الرحمن الرحيم
اول شي بقول للادارة اتطول رواحكم

تاني شي بحب اسالو لمدينه الحب
شو هدفك من الموضوع يا ريت اتقولو
ان وجد
الواحد بينزل موضوع على الترفيهي
مشان الناس تظحك
وعلى الادبي مشان الناس تتثقف
وعلى الاسلامي للشيوخ
.....
وانت لليش منزل الموضوع.؟
فش سبب احسن ما تحكي وترد رد ملوش معنا

أما عن نفسي فأقول:" لا أفتي و مالك بالمدينة"
و اقصد في مالك العضو بلال, فقد أعطى الرد الشافي الكافي لتلك المعضلة التي تطرق لها العضو مدينة الحب

لازم مدينه الحب

بلا هويه

القمر الضائع

كل واحد يكتب السبب الي خلاه يحط هيك رد

ولا بتضرب الطقيعه وبتتخبوا؟؟؟؟؟؟؟؟؟؟؟؟؟؟

طبعا مدينه الحب مش رح يكتب ولا رح يبين
يلا يا عم انفل طرحتي انا شخصيا قدام الاعضاء
يلا خلي الناس تعرف اني كماله عدد
يلا تا نشوف
بس بدي احكيلك يا عم مش احنا الي بطعن من الخلف
ولا احنا الي بنضرب وبنتخبا

هات حجتك يما ودليلك وبلاش منها هاي انو بلال الي بطفش الاعضاء
وبلاش انو بلال مخرب المنتدى
واذا انا هالقد مضايقك اعمل استفتاء بين الاعضاء وانا رح اقبل الي بيوصلولو

على فكره بعرف انو الك اكتر من اسم بتدخل فيهم
بس بلاش تكثر مؤيدينك من حالك يعني بلاش ترد عحالك باليوم 5 مرات وهو انت انت

بسم الله وبأسم الريف نبدأ

أولاً الموضوع مش قليل وأنا حكيت مع مدينة الحب بعيد عن العلاقه الشخصيه
وفهمته صلاحيات الأداره بهاي الخصوص وبتمنى انه فهم مع انه كاين عنده تفاصيل

كلامنه هون ريفي ريفي

(الفتنه نائمه لعن الله موقظها) أحنه هون ما بنه نخسر حد من الشباب أو يتأثر المنتدى بأهازيج ساخنه
بعيد عن التصريحات الناريه والألفاظ العاقره الغير لائقه لا بشصياتنه ولا بحق منتدانا العملاق
نحدد انه ومن حرصنه ع منتدانه الشامخ أن الأداره ولسته افخر بأحد من الشباب
أنهم ذا شخصيات مرموقه وقد ابلت بلائاً حسنا وتتمتع بحسن الخلق وتسير حسب عادات وتقاليد ريفيه
أذ نؤكد على ما يلي :
لا ولن نسمح بالتطاول لا ع الأداره ولا ع أي عضو
لاولن نسمح لأنفسنه التخابر ع مراسلات أحد .
لا ولن نسمح لأنفسنه أو غيرنا أمتحان شخصية اي عضو لدخول المنتدى أياً كان
لا ولن نسمح بالفتنه
لا ولن نسمح بتصدع هذا العرين الشامخ

ونؤكد لأخوتنه الكرام كافه انه من وجد بيوم من الأيام مشاركه بأسمه لم يشارك بها شخصياً له حق عند الأداره ومن بعثَ بأسمه رساله خاصه وليس هو باعثها برضاه له حق من الأدراه
وكمان الي شاف اي تصرف خياني من أحد له حق من الأدراه ...
بأستثناء من كان معطي رقمه السري لأحد
وهذا الأحد خانه وشارك بأسمه وفاهمين قصة نور العضو صاحب الأحترام والتقدير

ومن كان له أي أستفسار عن صلاحيات الأداره بخصوص الأعضاء له الحق منا بالرد
وأنا رح اتابع الموضوع وردودكم حتى الرمق الأخير
أخوي بلال لا توكل هم ..أخوي مدينة الحب تعقل ...الأعضاء ردوا متل ما تصورتوا
والحذر لمن يعبث بمشاعر الأعضاء والتفكير السلبي من الأعضاء تجاه الأداره لأنه هون الجميع متعلمين وفاهمين شو معنى وصلاحيات المنتديات بشكل عام والريف بشكل خاص

شوفو انا ما قرات جنيع الردود
بس فس في ناس اه اندخل على رسائلهم
وصارت مشكلة على هالشغلة
وتركت المنتدى بسببها اكيد الادارة عارفتها
وما تحكو لا لانو اه

يا اخت مدرسه الحب انا بحكيلك انو لا وألف لا
واذا انتي واثقه من حكيت هاتي الدليل القاطع
هون ولكل الاعضاء وانا والاداره كلها بإنتظارك

طيب يا حجه
لعلمك الادارة ما بتقدر تدخل على الرسائل الا في طريقه وحدة
اللي هيه تغير كلمه السر وتدخل في كلمه سر والشرط انها تكون جديدة
فكيف دخلت الادارة على الرسائل والكلمه ضلت متل ما هيه
وفي كمان شغله
يوم تدخلي يا حجه على الريف بيجي هل تريد انو تدخل على المنتدى بشكل تلقائي ؟؟؟
محطوط عليها تك
يعني اه
ما حدا قرا الرسائل الا حدا دخل من نفس الكميوتر
فاللي مش واثق من اهل بيتو ما يحط التك على الاشارة اسفل كلمة المرور
وثانكس يا جماعه على طولة البال

لا يا شطار كلمة السر اتغيرت وبعدين
بطريقة عرفتها ما بدي احكي اشي تاني
بنقدر اتفسر لي لما دخلت المنتدى اسمها كان ما برضى يدخل
وبعدها اخذت كلمة السر من الي دخل ودخلت وحذفت الاشراف
وحذفها الاخ بلال بناء على طلب منها
عادي ما بنروج للريف يا سمح الله بس الحق يجب ان يقال
حتى لو قطعو راسي الحق حق

اقتباس :: فاللي مش واثق من اهل بيتو ما يحط التك على الاشارة اسفل كلمة المرور
وثانكس يا جماعه على طولة البال

هلئ انتبهتلها
واثقين يا اخ بس اتغيرت كلمة السر
صح راح تزعلو مني بس
انا هيك الحق على قطع راسي حتى لو لصالح عدوي
اسف سامح بلال

سبقتني سامح مشكور ع التوضيح المفصل والقصير
أنا كنت ناوي أعمل حلقه بالرد القادم عن صلاحيات الأداره بأتجاه هذا الخصوص

أما قصة مدرسة الحب كلامك مغاير لأنه الحكي عن العضو كان بأرادته
وهاي القصه خليها برانيه لأنه هي بتعرف المزبزت وخاصه مابينها وبين المدير
بناء ع طلب العضو أنذاك والتكمله الي حصلة من بلال(الحذف)برضه بناء ع طلبها
بعد ان كان المدير معارض للحذف طلبت من بلال
يعني قصه مفبركه من ذلك العضو وما الأها الأداره اي نوع من التهريج
أتمنى انهم المعنيين فاهمين القصه
وأتمنى من بلال الرد

جنرال اكيد هي ما طلبت من المدير يدخل على الرسائ الخاصة ولعلمك هاد الحكي
هي ما بتعرف فيو هي دخلت امبارح الريف تصفحت وكونت خايف انها تشوف الموضوع
لانو عارف انها راح تزعل بس الحق حق
وبتقدرو تنكرو انو ما اندخل على رسائلها
عفكرة انا كثير قريبة منها وبتتصفح من اسمي او اسم حمادة
وهي الي خلتني اشترك ورفضت تمو اروح على منتدى تاني اوك جنرال
وهي ما بتعرف
بالحكي وان شاء الله ما تفوت هون
وبالنسبة لطلعتها كان بناء على طلبها اكيد ويمكن عند الاخ بلال رسالة خاصة بتثيت هالشي
اما دخول الاخ على رسائلها الخاصة هاي لا يا شاطر صارت

انا حكي هيك لانو صارت معي انو ينحذف الموضوع اكترمن مرة
وما عندي سبب تاني

» سؤال يطرح نفسه واتمنى انو الجميع يجاوب عليه
» معاني صريحة وحقيقة
» سؤال للجريئين فقط مش متاكد انك جرئ متفوتش
» كيف تكون مناقشا جيدا
» هي من تكون؟؟؟؟؟؟؟؟؟؟؟؟