هل تقبل ان تعمل عند اليهود؟؟؟؟؟؟ارجو من الجميع تسجيل موقفة

والله اي فرصة بتيجيكم عشان تنتقمو بتنتقمو
شو احسن من جندي جريح كمل علية
اسمع يا هيو
الوطنية مش بس حكي و بذل المستحيل عشان توجد مبررات لغلطك على اساس انك وطني يعني
و شيل كلمة كلنا فلسطين لانو عاشق فلسطين الفروض يكون وطني مش ------------
اه بس لو هاد الطبيب عيلة ثانية ضربت اخو كانن برضو بعالج الي ضربو
و بعدين انا ما بتفلسف بس انا بحكي الواقع الي انتا و اياة بتخافو تواجهو
و السبب مش الوطنية الشبب هوة المصاري ولا اشي غير المصاري
هاد الطبيب تاعك اخو بطل و على راسي من فوق و هوة واطي
مع احترامي لانو ما راعى شهادة اخو و السبب تاعو زي وجهو
ولو انو بستحي على حالو ما بعملها
اما انا ما بعالج يهودي سؤاء كان اخوي شهيد ولا لأ ولو على قطع راسي
و بكفي تناقض يعني امشي بتجاة واحد كيف احنا ما بنعشق اسرائيل
و بتروحو و بتشتغلوو فيها
و بدك احلى من فرصة انك تقتل حجل قتل اخوك
يلا وين انتقامو لهاد صاحبك

الوطني مش بس كلام و اقوال الوطنية اسماء و افعال

و بدنا نشوف انو ساعة الجد زلمة و قد كلمتو ومين الي راح يروح يتخبى في حضن امو
يا مدرسة الحب

روح اسمع الخطاب تاع نتنياهو و تعلم منو غيرتو على وطنو
بتعرف لو بنحب وطنا زيهم كان احنا بخير
بس احنا اليوم كثار لكن كغثاء السيل و زبد البحر على الفاضي

والله الموضوع كتير حلو

يعني احنا لما انضل نحكي ما في شغل وما في شي عند العرب وانروح عند اسرائيل هاظ

ما بحل شي احنا لزم شعب الفلسطيني احنا انطور حالنا من حالن لو انو منا نقعد 100 سنة

واحنا انطور في فلسطين المهم انموت واحنا عاملين اشي لبلدنا ولوطن مش انا انموت

وحنا انقول مافي شغل في فلسطين احنا ربنا خلقنا عشان امور كتير نعملها في الحياة

ومن هل امور انو انعمر وطنا وارضنا واحنا لزم نعمل في اراضينا مش انروح انعمر للكفار وانخلي اراضينا قال شو

مافي شغل في ارضنا احنا الافراد المجتمع لزم نصنع الشغل

بس احنا مستحيل نستغني عن اسرائيل لو ما في اسرائيل في فلسطين انكان سكان فلسطين في الويل

يعني صح اسرائيل محتليتنا وبتقتل فينا بس موفرتلنا شغل


اعذروني ان طلط في الكلم

وشكرا الك يا اخ اسمر على طرح الموضوع وزي ما حكى اخ ثائر الي برة ما بحسو فينا طبعن مش الكل


تقبل مروري

اولا يا اسمر انا بنت مش ولد فاهم يا عبيط
ثانيا الزم حدودك بالنقاش
ويا بتلزم حدودك ب..................
بلا ما احكيها
وكلنا فلسطين
وتعال عيش هون وتفلسف بعدها
اوك
وقد ما تكون وطني مش اكثر مني
فاهم يا دكتور يا محترم

والله انا قرأت الردود كلها
وفلسفاتك الجميلة
استاذ اسمر
ما بدي اطول
لانو مش متجاوب وبديش اضيع وقت
بس باختصار
تعال عيش اولا وبنشوفك اذا دكتور اذا بتقبل تشتغل ب 400 دولار بالشهر
او ليش ما عربك يعطو فيزا عشين يسمحو للفلسطينية يشتغلو ببلادهم

بعدين مش غلط نبنيلهم هدول يهود ورح يظلو لقيام الساعة

مرحبا انا عضو جديد هلا شوفت الموضوع .الموضوع كتير حلو انا براي الانسانيوكل زيت وخبز من مصدر حلال افضل من خروف محشي من مصدر حرام
فاليوم كتير شباب يقبلوا يعملو مع اسرائيل مقابل مبلغ قليل من المال .اذا قدرو يهربو من عذاب الدنيا اكيد يوم القيامه ما يقدرو يهربو من عذاب المنتقم الجبار(الله)
اخيرا وليس اخرا
بتمنى من الجميع بتعملو مع هذه الفئه الهدايا
قال تعالى (من يتق الله يجعل له مخرجا ويرزقه من حيث ما يحتسب)

يعني شكرا على الردود بس شم كلها
بصراحة انا بفضل اكون عبيط على ان اكون خاين واطي يتاجر بالوطنية و عامل حالو زلمة

ان البطلة للفراسن قد خلقت _______فهم الاوائل في الساحات شهداء

و الي مو عاجبو الموضوع ما يدخل
بس الحمدلله رب العالمين لسا في كم رد انعشوني و اكدو المقلوة الي بتحكي اذا خليت خربت
و احنا اليوم كثير كغثاء السيل و زبد البحر

و كل واحد يحكي عن حالو و الغلط عيب يا شطور

المشكلة انو اغلب الشعب بضل يحكي بالوطنية و بس تيجي ساعة المصاري و الشيطل بنسى كل اشي و بحيكلك لقمة عيش
عامل المستوطنة خائن و الذي يداوي الجنود اليهود خائن
ولا في حدا عندو غير هاد الحكي

المشكله يا اخي أسمر
انتوا من بره بتحكوا وما بتعرفوا الواقع
أوليش احنه مو جوعانين علشان تقول شيكل وغيره
والوطنيه بس لأهل فلسطين الداخل وأهل الخارج بتاجروا بأسم الوطنيه

المجد يركع لأبناء الضفه ...... هذه الحقيقه وما عداها باطل
ان كان هناك اناس يدعون مجداً .... فأبناء فلسطين الى العلا أوائل
لا السجن ولا السجان يرهبنى... فنحن ابناء الضفه والكل يعرفنا
..............................................................................
أسمع لا تدخل بنقاش عقيم انت بره بضلك مش فاهم القضيه صح
ماشيلي ورى كم مروج بالقنوات بنصحك أسكت لأنك بلشت تتفلسف بالنقاش
أوليش أفهم الواقع الفلسطيني الداخلي وتعال أطرح موضوعك

يا شباب الحق مش على اسمر احنا كلنا لو

عايشين برة رح نفكر زي ما بفكر اسمر

بس يا اسمر انتا بجوز ولاعمرك دخلت على فلسطين

يعني انتو الي برة بتحسبو بس الي بصير في فلسطين الي ببثو على التلقزيون

بس والله يا اسمر احنا منعيش ماسي كتير من اليهود وغيرهم

الفضائيات بتبثلكم شيء قليل من الي منعاني منو ومع هيك ولا واحد متحرك قاعد

على الكراسي وبعيطو علينا طيب يعملو اشي احنا مش محتاجين حدى يشفك علينا ويعيط علينا

الي برة بحكو لزم شعب الفلسطين ما يشتغل عند اليهود طيب وين نشتغل يعني همي باعتينلنا دعم يشغل الشباب واحنا رافضين لاوالله ولا مهتمين بس يوم ايصير شي عنا بس بحزنو دقيق وهمي يحضرو ويشوفو فينا بعدين بس يطفى التلفزيون ولا كانو صار اشي

احنا لما انشوف حدى واقف معنا وشعب الفلسطيني ايكون ايد في ايد والله غير تتحرر فلسطين وما نشتغل عند الكلب بس شو انسوي انتا يا اسمر تعال اسبوع على فلسطين وبشوف في عينك بعدين بتحكم بس انتا حكمة علينا

من شاشة التلفزيون ماشفت في عينك وما عشت عنا

مرة تاني بشكرك على الموضوع بتمنى الكل يفهم بعض

و انا انحني لأبطال الضفة الذين ذكرو في ابيات الشعر

و احتقر الخونة عبدة الشيكل و الدولار
و شو احنا مو جوعانين ولا من قبل شهر و انتو بررو انكم محتاجين الشغل هناك
عشان لقمة العيش و على اساس هية السبب و الجوع بشرف مش عيب يا جينيرال

لاتسقني ماء الحياة بذلة******بل فاسقني بالعز كأس الحنظل

بس لا تعصب يا جنيرال خليك رايق و ركز شو بتحكي و مع مين بتحكي

اسمع حبيبي يا جنيرال اذا انتا مفكر حالك انك لحالك عايش جوة الحرب
انا عشب في بغداد ثلاث ارباع عمري تحت القصف و تحت الدنيا و التفجيرات
وعشت الحرب و و ما بعد الحرب و لوا انهم كانو بدهم يطخواني انا و اهلي ولا ما بتركها
و طلعت منها في 2006

و بعدين يا جينيرال مش الاسمر الي بنحكالو اسكت ماشي
و اذا ما بتعرفي ما في داعي لاصدار الاحكام يا عاشق فلسطين
بكفي احنا قول و فعل
و الدنيا بتشهدلنا

و على راسي كل الشرفاء اينما كانو و الموت لعبدة الشيكل و الدولار

اقتباس :

و انا انحني لأبطال الضفة الذين ذكرو في ابيات الشعر
و على راسي كل الشرفاء اينما كانو و الموت لعبدة الشيكل و الدولار

ب

اقتباس :

س لا تعصب يا جنيرال خليك رايق و ركز شو بتحكي و مع مين بتحكي

طبعاً يا أخوي أسمر يا حبيبي أنا ما بجادلك بأشي بالهوى انا بقلك كلام واقعي
انا بعرف أنه مش انا لحالي سياسي او عاشق فلسطين او متزمت انسه السياسه كلها هاي امور مصيريه
انا معاك بأنه الشغل بأسرائيل غلط وانا ما بنصح حد يروح لهناك لأنه برضه في عمال بموتوا قتل من المتطرفين بشوارع الكيان الصهيوني
وانا بحياتي ما دخلت ولا رح ادخل اسرائيل والسبب قاعده فكريه عندي
بس في أناس عندهم عائلات وبعد مشقه وفت فلوس بطلعلهم تصريح عمل داخل الكيان ومدته 3شهور فبغتنم هاي الفرصه البعتبروها ذهبيه
بس برضه خذ بعين الأعتبار انه منذ بداية الأنتفاضه والجدار الفصل العنصري تقلص عدد كبير الكبير من العمال داخل الكيان الغاصب وأصبح الأيدي العامله بأسرائيل من الصينيين والكوريين والروس وأثيوبيا والصومال وجيبوتي وحتى هناك خط سير ينقل عمال أردنيين الى اسرائيل
برضه العمال الفلسطينيين بشتغلوا وفي منهم بلاقوا معامله طيبه من اليهود ولست اقصد المتدينيين
وبشعروا معاهم مصاعب ومتاعب الحياه

أشكرك لتفهمك للموضوع يا اسمر كمان مره

اقتباس :

أعرف مع مين بتحكي

بشكرك لأنك غيور ع الفلسطينيين رغم بعدك

مشكور اخي على طرحك لمثل هذا الموضوع
لانو معظم شعبنا بشتغل عنداليهود

عفوا بدي اعلق ::
اللي مطرّف لوجهة نظرة ما يدخل على النقاش الجاد
لانو من اسمو نقاش مش رايي وبدكم تقبلوه خاوة
والحياة اخذ وعطا بالخصوص الاخ الاسمر
خلي النقاش يعمل على تقريب وجهات النظر مش بس عرضها وخلصنا
يسلمو على الموضوع الحساس

لو سمحتم لي انا لست فلسطينية ولكن عندي قناعة اسلامية عربية منذو الطفولة (يعني ربينا عليها تربويا)انها قضيتنا
انا لم اعلم ان شباب الضفة او الداخل تعمل في اسرائيل الا من كم سنة مضت
وكم صدمت!!!!!!!!!!!!
انا اعرف من دراستي وكما تعلمنا من قراننا ان الارزاق على الله هي قناعة فكرية اذا سرت فيك لن تفكر انك ستجوع لان رب العزة تكفل بها واسال نفسك كم من الصور مثل هذه مرت بك وبه وبي
ولكن هذه القناعة لا تتولد الا عن زيادة ايمان ومع نقص الايمان ترى نفسك شديد التعلق بقضية الارزاق انا لا انظر والله الذي لا اله الا هو حق معاش ما اقوله ولكن لو اتكلنا على الله حقا التوكل لرزقنا(كالطير تغدو خماصا وتروح بطانا )لا اقول اجلس مكانك دون عمل
نحن العرب عامة نعمل لناكل لا لنستمتع بفائدة العمل وهنا الفارق الكبير
الامر الاخر هناك فرق بين مسلم يعمل لديه يهودي ويهودي يعمل لديه مسلم
ان لم تكون تعلموا ان المسلم عند الله كما في مصطلحات اليوم درجة اولا هذا شيئ مثبت بدننا وكل الاديان من بعدنا لذا استعمل رسول الله صلى الله عليه وسلم يهودي ولكن لم نرى او نسمع في عصر الرسالة ان مسلما عمل عند يهود عندما كانوا في المدينة امرهم ان يتعلموا لغتهم لنأمن شرهم
ربما ان لا اعرف الكثير ومن الصور التي عرفت من يذهب هم زهرات الشباب ويعود بغير ما خرج من دين وعادات
اخي الاسمر هي قضية وعي ديني وزيادة تعمق بمفاهيم ديننا الحنيف
واذكرك واذكر نفسي ان من ترك الجدال وهو محق تعرف ما له بالجنة
حتى لا تتسع دائرة الخلاف وتاخذ مجرى اخر

يعني هية مش وجنة نظر متزمتة او يمكن فيها شوية تزمت
بس يعني حسب رايي مش ما في مشكلة انو عامل يشتغل بسرائيل
اذا كان محتاج لانو الضرورات تبيح المحضورات بس هناك شغلتين صعب عليي اني اتقبل انو
فلسطيني يشتغلهن و هنة الطبيب لانو بشافي العدو و الي بشتغل في المستوطنات
لان يساعد في نهب الاراضي من ابناء شعبة
و لو هية مبنية مبنية هاي مش مشكلة المهم ما نبنيها احنا
زي المنطق تاع بيع الاراضي يوخذوها غصب بس ما بنبيع
لانو من باع ارضو باع عرضو
و الموت اشرف من هاد و هاد
و وشكرا للجميع
و يا جنيرال يعني انتا مقتنع و انا عارف انو اغلب الشباب عارفيين انو غلط بس مش عارف ليش
كانو يدافعو عن الطبيب و عامل بناءالمستوطنات

شو يا اسمر
بعدك متعصب
اوك
سؤال
انت طبيب؟
الجواب اكيد اه

سؤال تاني شفت شو صار في غزة ؟
وبرضو اكيد اه

سؤال حاولت تروح على غزة تساهم في شهاتك وخبرتك
تسعف المصاوبين وغيرو

حتى لو ما راح بسمحولك تدخل
ليش ما رحت ؟


على الاقل احنا الي قدمنا لغزة
قدمنا وفق استطاعتنا وحاولنا
وفشلنا بس حاولنا


واقل اشي احنا مقدمينو لفلسطين انا عايشين هون على هاي الارض
مش شاردبن برة

بصراحه الحق يقال بغض النضر عن اي اشي

انا مع الاسمر انو الشغل في بناء المستوطتنات جريمه وكمان الشغل في اسرائيل بشكل عام غلط

مع اني اشتغلت هناك فترة صغيرة

بس يا سيد اسمر مش كل الناس وضعهم المعيشي متل وضعك او وضعي الناس بتتمسك باي شغله

عشان تستر حالها ويضلو ا عايشين على الاقل ,حتى لو انو حرام .

اذا بدك تمنع الناس من اشي عاشين من وراه بدك تعطيطيهم البديل (المقنع والمجدي)

وين يشتغلو عند شغل الحكومه المذل ولاوين اعطينا بدائل ومقترحات بلكي انحلت هالازمه


يا اخي الناس بعملوا المستحيل بس منشان يوخدوا التصريح عشان يشتغلو قانوني في الداخل


اما اذا بدك تحسبها من الناحية الوطنيه

بناء المستعمرات اشي عادي جدا متل ما بحكيلك

تعال شوف العملا , مشاء الله اكتر من الي ببنو مستعمرات من العرب

تعال شوف التنازلات الي بتصير ومنمنع حالنا نحكي بالموضوع منشان ما يصير مشاكل

ما بنكر انو موضوع مهم وبستحق النقاش بس في امور كتير اهم ومصيبتها اكبر

على الاقل الي بشتغل في بناء المستعمرات الو مبرر حتى لو مش مقنع الي هو الفقر

اما الي ببيع ارضو لليهود شو عذروا الي بخون اهلوا شو عذروا الي .............. شو عذرو.

خليهم يشتغلوا يا زلمه على الاقل بيطعموا ابنائهم وبعلموهم بدل ما يصيعوا وينحرفوا

الله عليك يا الفردوس المفقود هون الاقناع والاسلوب الكويس

يا اخوان اذا بتذكروا لما نقطعت المعاشات في سنه من السنين القله الماضيه
شو الي صار؟؟؟؟؟؟؟؟؟؟؟؟؟؟
ولكم اذا اسرئيل ما لازم نشتغل فيها والراتب ما بيطعم خبز
يعني صحيح لا تقسم ومقسوم لا توكل وكل تا تشبع
وبعد كل هاد عيشوا يا اهل الضفه
قاوموا يا اهل الضفه
حرروا القدس يا اهل الضفه
والاخوان برا لا ببعتوا مصاري( طبعا الله يغنينا عنهم وعن مصاريهم)
ولا بيشغلونا ولا هم
المهم يقعدوا قدام هالتلفزيون وخد تعليقات .
بس في مقوله لنو لا يفتي قاعد لمجاهد
بتمنى للكل يتمعن فيها ويعذرنا على حالنا
وعلى فكره عمال اسرئيل هم مجاهدين

بسم الله الرحمن الرحيم
الحمد لله القائل " فوربك لا يؤمنون بك حتى يحكموك فيما شجر بينهم ثم لا يجدون حرجا مما قضيت ويسلموا تسليما" والصلاة و السلام على من بلغ الرسالة و أدى الأمانة ونصح الأمة وجاهد بالله حق جهاده حتى أتاه اليقين وعلى أله وصحبه أجمعين أما بعد:
إنني قد تابعت الموضوع من نواته الأولى ولم أشأ التعليق فالموضوع جد حساس و فوق أن نجتهد به بغير علم ولكن بعد أن رأيت أن الموضوع بدأ يطول و تعددت به الردود و أن كل عضو ٍأدلى بدلوه دون جدوى والسبب في نظري هو ضغف حجتهم فمن المعلوم انه اذا ضعفت حجة الرجل ضعف موفقه و لو كان هو صاحب الحق الأبلج و أردت أن أضع نهاية لهذا النقاش العقيم.
إننا في هذه الحياة الدنيا نموت ونحيا وفق شرع الله فلا شرع لنا سواه ’ فأدرت أن يكون الحكم الفاصل بيننا هو شرع الله فما رأي الشرع في " عمل الفلسطينيون كأطباء في مستشفيات إسرائيلية وكعمال بناء في المستوطنات الإسرائيلية" ؟
وقد وجهت فتوى بهذا الخصوص الى دار الافتاء المصرية وكانت فتواهم
" الفتوى في هذا الشأن لعلماء فلسطين فهم من يقدرون المفاسد والمصالح العامة والخاصة وفق واقعهم"
ومن ثم وجهت نفس الفتوى الى دار الافتاء الفلسطينية و انا بانتظار فتواهم و لابد انكم ايضا في انتظار فتواهم.
وو أخيرا أريد من كم كافة الأعضاء الوقوف عند هذا القدر من الردود فلا كلام لنا فوق كلام الله وكما ذكرت آنفا قوله عز وجل " فوربك لا يؤمنون بك حتى يحكموك فيما شجر بينهم ثم لا يجدون حرجا مما قضيت ويسلموا تسليما"
والسلام على من اتبع السلام

اول اشي يا سيد براسيات مش على خاطرك ماشية الامور هون
احترم عمرك يا شطور ولا ترح تصريحات قوية و عاملي حالك مفتي
الله بالعلقل عرفو بالعين ما شافو ماشي

اما انتا يا سيد بلال فأنا احترمكبس المصاري موجود

نحترم منتدانا الجميل
اما انتا يا سيد الفردوس المفقود يعني مش اذا كل الناس بتعمل اشي غلط بيصير صح
الغلط غلط خلص انتا عندك فكرة كويسة حافظ عليها

بالنسبه لبعض الكلمات الي كتبتها اخي الاسمر بلاش منها
وما تذكر اسماء واذا كان لابد من الشرح ( الدلائل) وانا لا احبذ الشرح
فليكن تلميحا لا تصريحا لاننا يا اخي لا نريد مشاكل اخرى
من وراء كلمه او جمله . واتمنى لك التوفيق والصلاح